Kisah Rasul-rasul 26:8 - Taaz Weru Witu u Nunuwu'en Tombulu

⁸ Kaa pahgenangen nioula in zéi'kan mamuali si Opo Empung in tumou sumaup sé tou nimatémo?

Kisah Rasul-rasul 26:8 Iomraidhean Croise

Lukas 1:37

Pahpaan im wia si Opo Empung én zéi'kan siapa an zéi'kan mamuali.”

Lukas 18:27

Ang kuan ni Yesus, “An zéi'kan mamuali im wia sé tou é mamuali im wia si Opo Empung.”

Kisah Rasul-rasul 23:6

Pahpaan kata'uan ni Paulus i sé walina sé méikauntep witu u Mahkamah Agama én tou Saduki wo sé walina kasii é sana réwok tou Farisi, a sia kuméréta, “Katuari-katuari, ni aku én tou Farisi, suzu né tou Farisi. Ni aku méisarumé wia u Mahkamah Agama kenu pahpaan ni aku é ma'éman sa sé tou nimatémo én itou sumaup ni Opo Empung.”

Kisah Rasul-rasul 25:19

Ni séra én akaz uman i mahéndo-éndoan kariana tumoro an tinotoz witu um pa'émanen néra, wo tumoro si tou si makangaran Yesus si nimatémo, taan si Paulus én totoz ketez i mahkua i si Tou itii é menou-nou.

Kisah Rasul-rasul 4:2

Sé tou itii én totoz maupi' pahpaan si Petrus wo si Yohanes é mahtuzu' wia sé tou lakez wo mahwoka' i sé tou nimatémo én itou sumaup tanu si Yesus i méitoumé sumaup ni Opo Empung.

1 Korintus 15:34

Niitumo in tarékan, pakagena-genangela lé'os wo tia' kamu memangu-mangunpé' a singkéla'. Pahpaan im wia ni kamu ém wéwéhampé' sé zéi'kan mata'u si Opo Empung. Niitu én ikuakuma wia ni kamu wo kamu maizang.

Filipi 3:21

Un awakta un toro maléwo' kenu é mawerun ni Kristus wo lamasuat karia un awak-Na um pahloozen wo pahsigi'en. Ni Sia é mangun niitu mengiité ung kawasa-Na un toro kumala péléng am péléng.