Kisah Rasul-rasul 26:7 - Taaz Weru Witu u Nunuwu'en Tombulu

⁷ Sé mapulu' wo zua suzu ni Israel é mengento-ngento' un oras ni Opo Empung i mélumekep a méitaaz-Na itii. Wo karegas i ma'ento' a méitaaz itii, endo wo wengi ni séra én zéi'kan mazéi' i mahragés. O kolano Agripa, pahpaano um pahéré'an itii, sé tou Yahudi é mahtoké ni aku.

Kisah Rasul-rasul 26:7 Iomraidhean Croise

Matius 19:28

Kuan ni Yesus wia ni séra, “Uli-ulit ikua-Kuma wia ni kamu, im péléng am péléng pinakawerumoma ni Opo Empung, i si Oki' ni Tou rumumez witu u rurumezan-Na ing Kolano um pahsigi'en wo pahloozen, ni kamu i mahkii-kiit ni Aku é marumumez kangkasii witu u mapulu' wo zua rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.

Lukas 2:25

In toro niitu im witi Yerusalem ém wéwéhan si tou makangaran Simeon. Ni sia én tou ulit wo mahkiit uman am paaz ni Opo Empung wo mengento-ngento' un oras ni Opo Empung i milot sé tou Israel. Si Roh Lenas én totoz memali-mali kariana.

Lukas 22:30

Karia in téntu ni kamu én toro mahkan wo mahelep mahwali-wali karia-Ku witi Kakolanoang-Ku. Ni kamu kasii é marumumez witu u rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.”

Kisah Rasul-rasul 20:31

Niitumo ni kamu é léwo'zéi' in tuméga-tégam. Gena-genangen, teluna ta'un ung kauréna endo wo wengi ni aku zéi'kan mazéi' i mahsésa wia ni kamu si esa wo si esa karia im pahlué'an.

Kisah Rasul-rasul 24:15

Ni aku kasii én tanu ni séra i mahéré' uman wia si Opo Empung in tumou sumaup péléng sé tou nimaté, ni séra in tou ulit kaapa zéi'kan.

Kisah Rasul-rasul 26:2

“O kolano Agripa, ni aku én totoz mahpaa-paaz pahpaan in endo kenu ni aku én toro kumelung un touku witu u sinaru ni tuang, im wana an ipahtoké né tou Yahudi wia ni aku.

Kisah Rasul-rasul 26:3

Un totoz ipahpuu-puuna ém pahpaan si tuang én totoz mata'u ang kinanaram wo am pahzéi-zéi'an né tou Yahudi. Pahpaano niitu, pahaléiengku wia si tuang in ezen tumalingama an ikuaku.

Kisah Rasul-rasul 28:20

Pahpaano niitu ni aku mahaléi i mémahilekan wo sumirita karia niou. Ni aku i rinanté tanu ang kenu ém pahpaan ni aku mahwoka' tumoro si Kristus si rengan im puuna méitaaz ni Opo Empung in iwéhé wia sé tou Israel, si pengéré-ngéré'enta.”

Filipi 3:11

Sa niitu péléng toro kailekangkuma, un totoz im pengalé-ngaléiengku sa ni aku matéma, ni aku kangkasii ém wangun in itou sumaup im wia sé nimaté.

1 Tesalonika 3:10

Endo wengi ni kai é ma'ulit i mengaléi wo kai toro mahilekan sumaup karia niou wo toro tumuzu' wia ni kamu i lumekep an zéi'kampé' lekep witu um pa'émanen niou.

1 Timutius 5:5

Si wéwéné mahesa-esamokan, si uli-ulit menou-nou mengesa-ngesamokan wo zéi'kan siapa koki' kaapa puyun, ni sia é niméré' uman wia si Opo Empung. Endo wo wengi ni sia é mengaléi wo mekisawang wia si Opo Empung.

Yakobus 1:1

U sigi'ku Yakobus, si ata ni Opo Empung wo ni Yesus Kristus si Mahpiara. Um pinantik kenu iwéhé wia sé mapulu' wo zua suzu ni Israel sé ma'émano wia si Kristus sé wana a séséngkotan.