Kisah Rasul-rasul 26:3 - Taaz Weru Witu u Nunuwu'en Tombulu

³ Un totoz ipahpuu-puuna ém pahpaan si tuang én totoz mata'u ang kinanaram wo am pahzéi-zéi'an né tou Yahudi. Pahpaano niitu, pahaléiengku wia si tuang in ezen tumalingama an ikuaku.

Kisah Rasul-rasul 26:3 Iomraidhean Croise

Kisah Rasul-rasul 21:21

Taan ni séra kangkasii én timalingamola tumoro an ipahtuzu'mu wia péléng sé tou Yahudi sé wana a séséngkotan, in zéi'mo toro mahkiit un ukum Torat. Pahpaan ni ko éng kimuamola i ni séra én tia'mo mahsunat sé oki' néra wo tia'mo kasii menou-nou mahkiit ang kinanaramta.

Kisah Rasul-rasul 24:10

Tumondong niitu, si Gubernur mayata u lengenna wia si Paulus i méhé un témpo wia ni sia i numuwu'. A si Paulus kumua, “Kata'uangkumo, si tuang i nimaéndo menonotoz am pahwangunen né tou in ulit kaapa zéi'kan wia un tana' kenu ém pahta'unano ung kauréna. Pahpaano niitu, ni aku én zéi'kan mahzua-zua genang ing kumelung un touku witu u sinaru ni tuang.

Kisah Rasul-rasul 24:4

Taan wo ni kai zéi'kan tahlous menia-nia' un témpo ni tuang, zozo' in zéi'kan mauréma, ni aku é mahaléi wo ni kai én talingana ni tuang karia ung kalé'osan un até ni tuang un ipahkua-kua itii.

Kisah Rasul-rasul 25:26

Taan zéi'kampé' siapa un toro ipantikuma in iwéhé wia si Kaisar tumoro si tou kenu. Pahpaano niitu, si tou kenu é méipahwalikumé wia'i in isaru wia ni kamu péléng wo un ipahpuu-puuna ém wia si kolano Agripa. Wo sa simapetola i nimahtata'ula wia ni sia, ni aku ém wéwéhan un ipantika in iwéhé wia si Kaisar.

Kisah Rasul-rasul 26:2

“O kolano Agripa, ni aku én totoz mahpaa-paaz pahpaan in endo kenu ni aku én toro kumelung un touku witu u sinaru ni tuang, im wana an ipahtoké né tou Yahudi wia ni aku.

Kisah Rasul-rasul 26:26

Niitu én totoz ing kata'uan ni kolano Agripa, pahpaano niitu ni aku én zéi'kan maindé' i makaulit mahkua wia ni sia. Totoz kata'uangku in zéi'kan siapa zozo' in esa wana a méikuaku un zéi'kan kata'uan ni kolano, pahpaan niitu péléng én zéi'kan nimamuali wana an tampa méikawuni.

Kisah Rasul-rasul 26:7

Sé mapulu' wo zua suzu ni Israel é mengento-ngento' un oras ni Opo Empung i mélumekep a méitaaz-Na itii. Wo karegas i ma'ento' a méitaaz itii, endo wo wengi ni séra én zéi'kan mazéi' i mahragés. O kolano Agripa, pahpaano um pahéré'an itii, sé tou Yahudi é mahtoké ni aku.

Kisah Rasul-rasul 28:17

Teluna endo tumondongla niitu, si Paulus timawahmé sé tou Yahudi sé pahkua-kua i mémahilekan kariana. I ni séra nimaréwokomé, a sia kumuala, “Katuari-katuari! Zozo' ni aku zéi'kan nimahwangu-wangunla apa uman u mahsaru sé tahsasana wanuata, wo ang kinanaram né nimaopota, taan ni aku én tinionan néramé im witi Yerusalem an iayola wia sé tou Romawi.

Kisah Rasul-rasul 6:14

Ni kai kasii én timalingamola ni sia i mahkua i si Yesus si tou Nazaret itii éng kumayas um Walé ni Opo Empung kenu, wo ang kinanaram a méipahtuzu'ma ni Musa wia ni kita ém pahwalina-Na.”

1 Korintus 13:2

Wo kasii zozo' ni aku tinambéran u makawawa i mahkua wia sé tou a méikuamé ni Opo Empung wia ni aku, wo zozo' ni aku makawawa i makatulap péléng ang ginenang-Na un zéi'kampé' kata'uan né tou walina. Zozo' ni aku i mata'u péléng am péléng wo zozo' um pa'émanengku én enté' makaz ung kentur én toro iatuku mérama im witu, taan sa ni aku zéi'kan rumaraaté sé tou walina, ni aku én zéi'kan siapa torona.