Kisah Rasul-rasul 26:25 - Taaz Weru Witu u Nunuwu'en Tombulu

²⁵ Taan si Paulus é nimingkotla, “Festus si totoz pahsigi'engku, ni aku ndootuu én zéi'kan pahléla'en! Taan ni aku é mahkua umana an ulit wo ung genangku é lé'o-lé'os uman.

Kisah Rasul-rasul 26:25 Iomraidhean Croise

Lukas 1:3

Pahpaano niitu, kumawusa péléng a nimamuali itii im pinahtata'ukula rengané witu ung kataré-taré nimamuali, a ni aku tumotozla in tumu'tul niitu witu um pinantik wo iwéhé wia si ama'.

Yohanes 8:49

Kuan ni Yesus, “Ni Aku én zéi'kan sinelazan, taan ni Aku é mahsigi' si Ama'-Ku wo ni kamu én zéi'kan mahsigi' ni Aku.

Kisah Rasul-rasul 23:26

“U sigi'ku, Klaudius Lisias wia si gubernur Feliks pahsigi'engku.

Kisah Rasul-rasul 24:3

Wisa uman un angéan nai, péléng niana ém pahsungkulen nai karia i mahkua u makasé.

Titus 1:9

uli-ulit mahkiit an tutuzu' kaulitan. Karia in téntu ni sia é makawawa i mahsésa karia an tutuzu' mengiité ang kaulitan wo makawawa i mangun sé tou sé mahsasaru uman an tutuzu' kaulitan, i ma'éman an tutuzu' itii.

1 Petrus 3:15

Taan sigi'ela si Kristus im witu un até niou pahpaan ni Sia é Mahpiara. Tumégamla i mingkot sa wéwéhan si tou meligau tumoro um pahéré'an niou wia si Kristus. Taan ni kamu i mahwingkot é maheluz umanla wo karia i mahsigi',

1 Petrus 3:9

Tia' u léwo'an ém waéran niou karia u léwo'an, kaapa u sasalou karia u sasalou. Taan, ipengaléi nioula wia si Opo Empung wo séra kamangené, pahpaan ni kamu én tinawah-Na i maéndo kamang wia sé tou walina, wo karia in téntu ni kamu é makailek ung kamang.