Kisah Rasul-rasul 26:23 - Taaz Weru Witu u Nunuwu'en Tombulu

²³ Ni séra mahwoka' i si Mesias é léwo'zéi' mazézéha, wo ni Siamo si kataré-taré méitoumé sumaup ni Opo Empung im wia sé nimaté. Wo ni Sia si makumua wia sé tou Yahudi wo sé tou zéi'kan Yahudi tumoro u Nuwu' Lé'os un tanumokan sena' wia ni séra.”

Kisah Rasul-rasul 26:23 Iomraidhean Croise

Matius 26:24

Si Oki' ni Tou é maté tanu u méipantik tumoro ni Sia witu um Pinantik Lenas. Taan ikaléwo'la si tou nimayo si Oki' ni Tou. Tawimo si tou itii in zéi'kan méitoumé.”

Matius 27:53

I si Yesus méitoumé sumaup ni Opo Empung, sé tou linenas ni Opo Empung nimatémo itii é nimondolé im witu u lelewengan a muntepa witi Yerusalem. Im wana lakez sé tou nimilek ni séra.

Lukas 2:32

ni Sia én tanu u sena' i sumena'ma witu u lalan né tahsasana wanua walina, wo ni séra méyé wia ni Ko, u sena' itii é maéndo sisigi'an wo lolooz né tou-Mu, Israel.”

Lukas 24:26

Totoz kata'uan nioula i si Mesias é léwo'zéi' mazézéhapé'la taré makailek u looz wo sigi'.”

Lukas 24:46

Kuan-Na wia ni séra, “Wéwéhan u méipantik téntii: Si Mesias én totoz mazézéha wo matou sumaup im wia sé nimaté witu un endo katelu.

Yohanes 10:18

Zéi'kan siapa si toro méndo ung katou-touang-Ku im wia ni Aku, taan ni Aku mayo niitu mengiit um paaz-Ku in esa. Ni Aku é mahkawasa i mayo niitu wo mahkawasa i méndo niitu sumaup. Niiamo um perénta kinailekang-Kumé wia si Ama'-Ku.”

Yohanes 11:25

Ang kuan ni Yesus wia ni sia, “Ni Akumo si tumou sumaup sé nimatémo wo mahwéhé ung katou-touan. Séi uman si ma'éman wia ni Aku, ni sia é mamenou-nou zozo' ni sia nimatémo.

Kisah Rasul-rasul 13:34

Si Opo Empung én timoumomé ni Sia sumaup im wia sé nimaté wo ni Sia én zéi'mo mahpaté-patéla, tanu u méikuamola ni Opo Empung, ‘Ni Aku é méhé wia ni ko un taaz lenas un toro pa'émanen, u méiwéhé-Kumo wia si Daud.’

Kisah Rasul-rasul 26:18

i mangun am weren néra mawula', wo ni séra zéi'mo menou-nou witu ung karimbengbengan taan menou-nou witu un ayah. Wo menou-nou zéi'mo kinawasa ni tonaas né sétang taan mahkiito um paaz ni Opo Empung. Wo pahpaan um pa'émanen néra wia ni Aku, ni séra é makailek un ampungan wana a singkéla' néra. Wo ni séra kasii é makailek um wéwéténgan im wana an tinotozo in iwéhé ni Opo Empung wia sé tou sé linenas-Na.’

Kisah Rasul-rasul 26:8

Kaa pahgenangen nioula in zéi'kan mamuali si Opo Empung in tumou sumaup sé tou nimatémo?

Kisah Rasul-rasul 3:18

Taan karia in téntu si Opo Empung é limekepola u méikua-Na im puuna mengiité sé nabi, i si Mesias é léwo'zéi' mazézéha.

Kisah Rasul-rasul 3:24

Péléng sé nabi walina kasii, rengané wia si nabi Samuel makaz wia sé nabi timondongé ni sia éng kimuamo kasii a méikuamé ni Opo Empung tumoro u mamuali witu un oras kenu.

1 Korintus 15:3

Pahpaan un totoz ipahpuu-puuna ung kinailekangku é mémoipapaayokuma wia ni kamu, i si Kristus é nimatémo pahpaan a singkéla' pahwangunenta. Niitu é mémoipantik witu um Pinantik Lenas,

2 Korintus 4:4

Sé tou itii zéi'kan ma'éman pahpaan ung genang néra éng kinawasapé' ni tonaas né sétang si kimawasa wia ung kaayahan kenu. Niitumo, zéi'kan kailekan néra u sena' u Nuwu' Lé'os tumoro ung kawangko'an ni Kristus si totoz masuat wo si Opo Empung.

Kolose 1:18

Ni Sia én ulu wo sé jamaat én awak. Ni Sia si kataré-taré wo ni Sia si puuna méitoumé ni Opo Empung im wia sé nimaté, niitumo ni Sia si ipahpuu-puuna im wana péléng am péléng.

Ibrani 2:10

Si Opo Empung si nimangun péléng am péléng ém wanguno i nimangun si Yesus zéi'kan siapa pahséro'an pahpaan ni Sia é nimazéhamo makaz i nimaté. Karia in téntu, si Yesus é nimaéndo memumuka lalan wo sé tou makailek ung katou-touan makaz ing kauré-uré. Téntu kangkasii, si Opo Empung é nimangun sé tou lakez maéndo oki'-Na taka-takazan pahloozen wo pahsigi'en tanu ni Sia si pahloozen wo pahsigi'en itii.

Wahyu 1:5

wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,