Kisah Rasul-rasul 26:13 - Taaz Weru Witu u Nunuwu'en Tombulu

¹³ O kolano Agripa, karegas mahlampang i lolambot, kumompo'mé ni aku é nimileka u sena' totoz merahra, u lumouspé'mé u merahrana ni endo, um witi langit an tumumpamé. U sena' itii é simena'mé witu u makaliklikku wo né tou sé mahwali-wali kariaku.

Kisah Rasul-rasul 26:13 Iomraidhean Croise

Matius 17:2

A si Yesus mawalinama im witu u saru-sarun néra telu, ung gio-Na é mahsena' tanu si endo wo ung kinarai-Na é nimakulo'ma meto-petot tanu u sena'.

Kisah Rasul-rasul 22:6

Taan i lolamboto i ni aku melelezoma un Damsyik, kumompo'mé ém wéwéhan u sena' witi langit un totoz merahra simena'mé wia ni aku.

Kisah Rasul-rasul 22:9

In toro niitu, sé tou memali-mali kariaku é nimilek kangkasii u sena' itii. Taan u nuwu'-Na u nimuwu'mé wia ni aku én zéi'kan tinalinga néra.

Kisah Rasul-rasul 26:12

A si Paulus kumua kasii, “Pahpaan ung ginenang itii, ni aku nimangé witi Damsyik karia i nimahalima um pinantik né tonaas né walian sé niméhémé ung kawasa wia ni aku.

Kisah Rasul-rasul 26:14

Ni kai péléng é méikawesahma witu un tana'. Ang katalingaangkumé u nuwu' u mahkuamé wia ni aku karia u nunuwu'en Ibrani, in téntii, ‘Saulus, Saulus kaa Aku pahzézéhannu? Ni ko é masusa sa mahsaru ni Sia si kimawasa wia ni ko.’

Kisah Rasul-rasul 9:3

I ni sia melampang mangé witi Damsyik, i merétémoma um wanua tua'na itii, kumompo'mé ém wéwéhan u sena' mahsena'mé im witi langit limiklika ni sia.

Wahyu 1:16

U lengen-Na kakan én timion sé pitu tototi'en, wo witu u sumah-Na é nimondolé um pisou tewel zua masaru. Ung gio-Na é mahsena' tanumokan u sena' ni endo ing karentu-rentungna.

Wahyu 21:23

Um wanua tua'na itii én zéi'kan memandung u sena' ni endo wo u sena' ni loloho'en i sumena' witu, pahpaan u sena' ni Opo Empung é mahsena'ma witu um wanua tua'na itii wo u solo um wanua tua'na itii é si Anak ni Domba.