Kisah Rasul-rasul 26:11 - Taaz Weru Witu u Nunuwu'en Tombulu

¹¹ Ni aku kangkasii sekezé é mahzézéha ni séra im wana am walé peraragésan né tou Yahudi, wo menutu' ni séra ing kumélong um pa'émanen néra. Wo karia in totoz maupi', ni aku é mahkikiit ni séra, makaz wana am wanua tua'na walina.”

Kisah Rasul-rasul 26:11 Iomraidhean Croise

Matius 10:17

Taan mile-ilek im wia péléng sé tou. Pahpaan wéwéhan sé mayo ni kamu witi mahkama agama wo ni kamu kasii é masaluken néra witi walé peraragésan néra.

Markus 13:9

Taan ni kamu én tuméga-tégamola! Ni kamu én iayo wia sé mahkama agama wo ni kamu kangkasii é masaluken witi walé peraragésan. Ni kamu é maisaru wia sé gubernur wo sé kolano pahpaan mahkiit ni Aku i makumua an tinalinga wo a niilek niou tumoro ni Aku.

Markus 3:28

Uli-ulit ikua-Kuma wia ni kamu: Péléng a singkéla' wo a séséro'an winangunla ni tou én toropé' ampungan.

Lukas 15:17

Ang kagenangala ni taweng itii ung katou-touanna, kuana, ‘Lakez sé tou mahpaayang wia si ama'ku wo am pahkanen néra én totoz lakez, taan im wia'i ni aku én tawimo maté i maharem.

Lukas 21:12

Taan puunala niana péléng i mamuali, ni kamu én tionan wo pahzézéhan. Ni kamu én iayo wana am walé peraragésan né tou Yahudi, iuntep wana am bui wo maisaru wia sé kolano wo sé mahkawasa pahpaan mahkiit ni Aku.

Lukas 6:11

Taan sé tou tulap un Torat wo sé sana réwok tou Farisi én totoz maupi', a séra mahkuaala um wangunen néra wia si Yesus.

Kisah Rasul-rasul 13:45

Taan sé tou Yahudi é mahtéutéu pahpaan nimilekla sé tou lakez itii. Wo péléng an ipahkua ni Paulus ém pahséro'an wo ipahzéi' néra.

Kisah Rasul-rasul 18:6

Taan pahpaan sé tou itii é mahsaru wo mahséro' uman taré wia ni sia, niitumo si Paulus timangkarla an awu witu ung kinaraina, i mapagenang wia ni séra i ni séra é simala'mola, ang kumua wia ni séra, “Ni kamu in esa sé nimangun si Opo Empung i mukum ni kamu. Zéi'kan sumala'ku. Rengan in tarékan, ni aku é mangé wia sé tou zéi'kan Yahudi i mahwoka' u Nuwu' Lé'os tumoro si Yesus.”

Kisah Rasul-rasul 22:19

A ni aku mingkotla, ‘Tuang, kata'uan néra i ni akumo si mengunguntep wana am walé peraragésan né tou Yahudi i mahtion sé tou ma'éman wia ni Ko in iuntep witi bui wo mahsaluk ni séra.

Kisah Rasul-rasul 22:5

Si Walian Wangko' wo sé Mahkamah Agama kasii én toro kumuamé, sa péléng an ipahkuaku én ulit. Wo ni séra kasii sé niméhémé um pinantik u niméhé ung kawasa wia ni aku im pahalin wia sé tou Yahudi witi Damsyik. Um pinantik itiimo u nimangun ni aku in toro tumion sé tou sé mahkiit an tutuzu' ni Yesus Mahpiara witi Damsyik a mahwali ni séra witi Yerusalem i maukumen.

Kisah Rasul-rasul 9:1

In toro niitu, si Saulus éng kawua-wuayana i ma'indé' wo mahwunu' sé tou mahkii-kiit an tutuzu' ni Yesus Mahpiara. Ni sia masimaru wia si Walian Wangko',

Yakobus 2:7

Zéi'kankuaa ni séramo sé mahséro' u Ngaran totoz pahsigi'en, u nimangun ni kamu nimaéndo tou ni Opo Empung?

2 Petrus 2:16

Taan si Opo Empung én totoz siméro' si Bileam im wana a singkéla'na, pahpaan si keledaina si zéi'kan mata'u mahnuwu' é nimuwu'mé tanu si tou wia si nabi itii, siméro' ni sia makaz ni sia én zéi'kan nimamuali ing kimiit ung kalemouanna.