Kisah Rasul-rasul 24:5 - Taaz Weru Witu u Nunuwu'en Tombulu

⁵ Si tou kenu éng kinata'uan nai i siga' mahrikoka' tanumokan u saki melaput. Pahpaan péléng sé tou Yahudi wia ung kaayahan kenu ém pahrikoka'enna. Ni sia kangkasii én tonaas né tou sé mahkiit an tutuzu' ni tou Nazaret.

Kisah Rasul-rasul 24:5 Iomraidhean Croise

Matius 10:25

Sa si pahtuzu'en masuato wo si mésterna, niitu én toromo wo sa si ata masuato wo si tuangna, niitu én toromo. Sa si makawalé ém pahkuan im Beelzebul, apapé' kasii sé tou witu um walé itii.

Matius 2:23

I ni séra mémoikaayoma witi Galilea, a séra mento'la witi wanua tua'na makangaran Nazaret. Niitu é nimamuali, wo malekepla u nuwu' ni Opo Empung mengiité sé nabi tumoro si Koki' itii: “Ni Sia éng kuan in tou Nazaret.”

Markus 1:24

“Yesus, tou Nazaret! Apa un éyé-Nu wia ni kai? Apa Ko i niméyé é méluméwo' ni kai? Ni Ko éng kata'uangku: Ni Komo si Lenas si wia si Opo Empung a méyé.”

Lukas 23:19

Si Barabas ém binui pahpaan mahsaru sé pemerénta witi wanua tua'na wo pahpaan nimunu' tou.

Lukas 23:2

Im witumo u sinaru ni Pilatus a séra mahtoké tumoro si Yesus, kuan néra, “Si Tou kenu é mahlululu sé tahsasana wanua nai. Pahséro'en-Na sé tou i mahwaér um pajak wia si Kaisar. Ni Sia kasii mahkua i ni Sia é si Kristus, si Kolano.”

Lukas 23:25

Méipilotna si tou binui pahpaan mahsaru sé pemerénta wo nimunu' sé tou méikiit um penutu'en néra, taan si Yesus é méiayona wia ni séra i mualian néra kiit um paaz néra.

Lukas 23:5

Taan ni séra éng karimezna uman taré i menutu' karia i mahkua, “Pahenouen-Na sé tou wia un tana' Yudea karia an tutuzu'-Na, rengané witi tana' Galilea wo makaz wia'i.”

Kisah Rasul-rasul 15:5

Taan wéwéhan sé woopira im wia sé sana réwok tou Farisi sé ma'émano wia si Yesus, rimendaié ang kumua, “Sé tou zéi'kan Yahudi é léwo'zéi' i sunaten wo léwo'zéi' i mahkiit un ukum ni Musa.”

Kisah Rasul-rasul 21:28

karia i mahkérét, “É, tou Israel, sawangané kai! Kelasiamo si tou si mahtuzu' wia péléng sé tou an tutuzu' a mahsaru sé tou Israel, un ukum Torat wo um Walé ni Opo Empung kenu wana péléng an tampa niangéannamé! In tarékan, ni sia kangkasii é nimahwalimé sé tou Yunani wia um Walé ni Opo Empung wo nimangun un tampa lenas kenu makati'tiren!”

Kisah Rasul-rasul 22:22

Sé tou lakez itii én tumalinga an ipahkua ni Paulus makaz witu un taré ikuanama itii. A séra rengan i mahkérét, “Wunu'enola si tou kenu! Ni sia én zéi'kan wangun i menou-nou!”

Kisah Rasul-rasul 24:14

Taan ni aku é makaulit wia si tuang i ni aku é mahsigi' wo mahpaayang wia si Opo Empung né nimaopo nai in tou Israel. Ni aku kasii é mahkiit an tutuzu' ni Yesus Mahpiara um pahkuan néra i simala'. Ni aku é ma'éman wana péléng a méipantik witu un ukum Torat wo am pinantik witu ung kitap né nabi.

Kisah Rasul-rasul 24:4

Taan wo ni kai zéi'kan tahlous menia-nia' un témpo ni tuang, zozo' in zéi'kan mauréma, ni aku é mahaléi wo ni kai én talingana ni tuang karia ung kalé'osan un até ni tuang un ipahkua-kua itii.

Kisah Rasul-rasul 25:7

I si Paulus méikaayomola witu, péléng sé tou Yahudi sé witi Yerusalem a méyé é rimendai limiklik ni sia. Lakez an ipahtoké néra wia si Paulus i mahwuwutez ni sia, taan ni séra én zéi'kan makawawa i mapailek sa an ipahtoké néra itii én ulit.

Kisah Rasul-rasul 26:5

Ni aku én urémo ing kata'uan néra. Wo sa séra paaz, ni séra én toro kumua ang kata'uan néra i ni aku é menou-nou in tou né sana réwok tou Farisi, sé sana réwok tou sé ipahkua-kua in totoz mahkiit an tinotoz witu um pa'émanen nai.

Kisah Rasul-rasul 28:22

Taan ni kai ém paaz in tumalinga kura ung ginenangmu tumoro um pa'émanen um pahkiitennu. Pahpaan ni kai én timalingamola i sé tou wisa uman ni séra é mahsaru um pa'émanen um pahkiitennu itii.”

Kisah Rasul-rasul 5:17

Ing kamurian, si Walian Wangko' wo sé sana réwok tou Saduki sé mahkii-kiit ni sia, timotozla in zumézéha sé aatu ni Yesus pahpaan ni séra én totoz menéutéu sé aatu itii.

Kisah Rasul-rasul 6:13

An isaru néra kasiimé sé woopira tou ing kumua an towo tumoro si Stefanus. Sé tou itii é mahkua, “Si tou kenu én zéi'kan kumana' i mahkua a séséro'an tumoro um Walé ni Opo Empung wo un ukum Torat.

1 Korintus 11:19

Pahpaan im wia ni kamu é léwo'zéi' wéwéhan sé mahéndo-éndoan, wo toro kata'uan séi si uli-ulit mahkiit si Opo Empung.

1 Korintus 4:13

Sa wéwéhan tou mahtawuruk ni kai, ni kai é mahnuwu' wangun wia ni séra. Makaz in tarékan ni kai én tanu an ileken nérala i rimberek wuul im wia ung kaayahan, masuat wo a makazi'zisen im wia péléng sé tou.

1 Petrus 2:19

Si Opo Empung én tumambér ung kamang-Na wia si tou si pahpaan mata'u ung kapaaz ni Opo Empung, ezen i masaan an zézéha zozo' niitu én zéi'kan sumala'na.