Kisah Rasul-rasul 24:11 - Taaz Weru Witu u Nunuwu'en Tombulu

¹¹ Toro pahtata'ula in esa ni tuang in zéi'kampé' awes mapulu' wo zuana endo limangkoila, ni aku i niméyé witi Yerusalem é mérumagés wia si Opo Empung.

Kisah Rasul-rasul 24:11 Iomraidhean Croise

Kisah Rasul-rasul 21:18

Masandomé, si Paulus wo ni kai é nimangé mahilekan karia ni Yakobus, im witu kangkasii péléng sé penatua é nimaréwoko.

Kisah Rasul-rasul 22:30

Si tonaas né sana riwu suraro én totoz paaz i mahtata'u, apa un ulitna ung kinawalian né tou Yahudi i mahtoké si Paulus. Pahpaano niitu, masandomé a sia matuma i mangémé si Paulus witi bui a meréntama sé tonaas né walian wo sé tou walina sé méikauntep witu u Mahkamah Agama i maréwoké. Am pahwalinama si Paulus maisaru wia ni séra.

Kisah Rasul-rasul 23:11

Masandomé im wengi, si Yesus Mahpiara mérimendai witu u rété ni Paulus ang kumuama wia ni sia, “Enté-enté'en un atému. Pahpaan kuramo ni ko i mahkua a niilek wo tinalingamu tumoro ni Aku im wia sé tou witi Yerusalem, téntumo kangkasii ni ko léwo'zéi' i makumua niitu wia sé tou witi Roma.”

Kisah Rasul-rasul 23:23

Kumawusa niitu, si tonaas né sana riwu suraro tumawahmé sé zua tonaas né sana atus suraro ang kumua, “Ipekiimekla sé zuana atus suraro wo sé pituna pulu' suraro menaké kawalo wo sé zuana atus suraro mahali-ali am wengkou, im wengi kenu im woo jam kasiou i mangé witi Kaisarea.

Kisah Rasul-rasul 24:1

I limangkoioma u limana endo, a méyé si Walian Wangko' Ananias, sé pahtutu'an né tou Yahudi wo si tou tulap i menonoké makangaran Tertulus. Ni séra masimaru wia si gubernur Feliks a makumua an ipahtoké néra wia si Paulus.

Kisah Rasul-rasul 24:17

Im woopirana ta'uno nimahento'mé witi wanua walina, a ni aku mawurimé sumaup witi Yerusalem. Ni aku i niméyé é nimahalimé a sasawang wia sé tahsasana wanuaku wo kasii i méhé a raragés wia si Opo Empung.