Kisah Rasul-rasul 24:10 - Taaz Weru Witu u Nunuwu'en Tombulu

¹⁰ Tumondong niitu, si Gubernur mayata u lengenna wia si Paulus i méhé un témpo wia ni sia i numuwu'. A si Paulus kumua, “Kata'uangkumo, si tuang i nimaéndo menonotoz am pahwangunen né tou in ulit kaapa zéi'kan wia un tana' kenu ém pahta'unano ung kauréna. Pahpaano niitu, ni aku én zéi'kan mahzua-zua genang ing kumelung un touku witu u sinaru ni tuang.

Kisah Rasul-rasul 24:10 Iomraidhean Croise

Lukas 12:11

Sa wéwéhan tou mahwali ni kamu witu u sinaru né tonaas né tou Yahudi witi walé peraragésan né tou Yahudi, kaapa wia sé mahperénta wo sé mahkawasa, tia'mo ikaarét niou apa u léwo'zéi' in ikua niou wo kura ing kumelung un tou niou.

Lukas 12:14

Taan kuan ni Yesus wia si tou itii, “Séi si timuzu'la ni Aku i maéndo menonotoz kaapa meméméténg a sangkum méitula'uma né tu'a niou?”

Lukas 18:2

Kuan-Na, “Witu um wanua tua'na ém wéwéhan si menonotoz ulit kaapa zéi'kan am pahwangunen né tou. Ni sia én zéi'kan maindé' si Opo Empung wo zéi'kan mahsigi' sé tou walina.

Kisah Rasul-rasul 12:17

Taan si Petrus é nimayatla u lengenna wo séra menesla. An isiritanala wia ni séra kura si Mahpiara i simawangé ni sia nimondolé witi bui. Ang kuan kasii ni Petrus wia ni séra, “Ipapata'ula a nimamuali kenu wia si Yakobus wo wia sé katuarita esa pa'émanen.” Makakuala niitu, a sia mondolé im witu a mangé witi tampa walina.

Kisah Rasul-rasul 13:16

A rumendaié si Paulus, mayata u lengenna ang kumuama wia ni séra, “É katuari-katuari tou Israel wo ni kamu sé maindé' si Opo Empung, talingana!

Kisah Rasul-rasul 18:15

Taan ang kenu, ni kamu é mahéndo-éndoan tumoro un ipahkua kaapa u ngaran kaapa un ukum um pa'émanen pahkiiten niou. Niitumo ni kamumo sé sumampetla um pahéndo-éndoan niou itii, ni aku é soo tumotoz am pahéndo-éndoan tanu niitu.”

Kisah Rasul-rasul 19:33

A si tou makangaran Aleksander itondoma né tou Yahudi nimangé witi puuna, pahpaan pahgenangen nérala i ni sia si nimangun ni séra nimarikoka'. A sia rengan nimayata u lengenna i mahnunuwu' ing kumelung un touna witu u sinaru né tou lakez itii.

Kisah Rasul-rasul 21:40

I ni sia niénéanola i numuwu', a sia rumendaila witu un ahzan a mayata u lengenna wia sé tou lakez itii. I sé tou lakez nimapenesoma, a sia rengan i mahnuwu' wia ni séra karia u nunuwu'en Ibrani, kuana,

Kisah Rasul-rasul 23:24

Iimek kasiila sé woopira kawalo i sakéan ni Paulus. Wo iwali nioua sia wia si gubernur Feliks karia i lé'o-lé'os uman.”

Kisah Rasul-rasul 26:1

Ang kuan ni kolano Agripa wia si Paulus, “In tarékan, ni ko én toromo ing kumelung un toumu.” A si Paulus mayata u lengenna ang kumua ang kekelungna,

1 Petrus 3:15

Taan sigi'ela si Kristus im witu un até niou pahpaan ni Sia é Mahpiara. Tumégamla i mingkot sa wéwéhan si tou meligau tumoro um pahéré'an niou wia si Kristus. Taan ni kamu i mahwingkot é maheluz umanla wo karia i mahsigi',