Kisah Rasul-rasul 23:9 - Taaz Weru Witu u Nunuwu'en Tombulu

⁹ A séra mahzéi-zéi'an makaz i nimarikoka'ma. Sé woopira tou tulap un Torat im wia sé sana réwok tou Farisi é nimangé witi puuna a mahkelung si Paulus kuan néra, “Sa ikiit ni kai, si tou kenu én zéi'kan siapa sinala'! Séi si mata'u sa wéwéhan si roh kaapa malaekat nimuwu'moma wia ni sia.”

Kisah Rasul-rasul 23:9 Iomraidhean Croise

Markus 2:16

I sé tou tulap un Torat sé wia sé sana réwok tou Farisi nimileka si Yesus mahkan karia né menanagi am pajak wo sé tou mahsingkéla' itii, kuan néra wia sé pahtuzu'en ni Yesus, “Kaa ni Sia mahkan karia né menanagi am pajak wo né tou mahsingkéla'?”

Lukas 23:22

Ang katelu si Pilatus kimua wia ni séra, “Apa a léwo'an winangun ni Tou kenu? Zéi'kan siapa zozo' in esa a sinala' kinailekangku wia ni Sia un toro kawalian wo Sia ukumen i maté. Niitumo ni Sia é saboken umana wo Sia ipilotku.”

Lukas 23:4

Ang kuan ni Pilatus wia sé tonaas né walian karia né tou lakez witu, “Zozo' in esa én zéi'kan siapa ung kasumalaan niilekku wia si Tou kenu.”

Lukas 5:30

Sé sana réwok tou Farisi wo sé tou tulap un Torat é mema'o-ma'os wia sé pahtuzu'en ni Yesus, a mahkua, “Kaa kamu mahkan wo mahelep karia né menanagi am pajak wo né tou mahsingkéla'?”

Yohanes 12:29

Sé tou lakez rimendai witu wo timalinga niitu mahkua i niitu én tila'pong uman. Wéwéhan kasii sé mahkua, “Si malaekat é nimuwu'moma karia-Na.”

Kisah Rasul-rasul 11:17

Niitumo, sa si Opo Empung timambéré si Roh Lenas wia ni séra sé zéi'kan tou Yahudi, masuat wo si méitambér-Namé wia ni kita in taré ma'émanla wia si Yesus Kristus Mahpiara, kura kahuman ni aku i suméro' ni Sia?”

Kisah Rasul-rasul 22:6

Taan i lolamboto i ni aku melelezoma un Damsyik, kumompo'mé ém wéwéhan u sena' witi langit un totoz merahra simena'mé wia ni aku.

Kisah Rasul-rasul 22:7

A ni aku ikawesahma witu un tana' an talingangkumé u nuwu' kimuamé in téntii, ‘Saulus, Saulus, kaa ni Aku pahzézéhanu?’

Kisah Rasul-rasul 23:29

Kinata'uangkula i ni sia ém pahtokéan néra pahpaan un ukum Torat. Taan zéi'kan siapa un ipahtoké néra un toro maéndo kawalian mukum ni sia i maté kaapa in iuntep bui.

Kisah Rasul-rasul 23:8

Pahpaan sé tou Saduki é mahkua in zéi'kan siapa si tou nimatémo toro itou sumaup wo kasii zéi'kan siapa malaekat kaapa roh. Taan péléng niana ém pa'émanen né sana réwok tou Farisi.

Kisah Rasul-rasul 25:25

Taan ni aku én zéi'kan nimakailekla un toro kawalian wo si tou kenu ukumen i maté. Wo ni sia kasii é nimahaléiola wo um pahéndo-éndoanna kenu én totozen ni Kaisar, niitumo ni aku én timotozola i matu tou mahwali ni sia i maisaru wia si Kaisar.

Kisah Rasul-rasul 26:31

Karegas séra i mahlampang i mondol, ni séra é mahkua wia si esa wo wia sé walina, “Si tou itii én zéi'kan nimangunla a léwo'an un toro makawali ni sia in ukumen i maté kaapa im buin.”

Kisah Rasul-rasul 27:23

Pahpaan ing kawengi, si Opo Empung si pahongko-ongkotangku in tou anu-Na é nimatu si malaekat-Na mérimendai witu u rétéku.

Kisah Rasul-rasul 5:39

Taan sa am pahwangunen néra ém wia si Opo Empung a méyé, ni kamu én zéi'kan makawawa in zuméi' ni séra. Lumousé niitu, ni kamu ém woo ikatuzu'mé mahsaru si Opo Empung.” Tumalingamé niitu, a sésésa ni Gamaliel itii é niénéan nérala.

Kisah Rasul-rasul 9:4

A sia ikawesahma witu un tana' an talinganamé u nuwu' kimuamé in téntii, “Saulus, Saulus, kaa Aku pahzézéhannu?”

1 Korintus 10:22

Kaa kamu mangun si Mahpiara tuméutéu ni kamu? Kaa kamu woo mahgenangla i ni kamupé' sé enté' taan si Mahpiara?