Kisah Rasul-rasul 23:16 - Taaz Weru Witu u Nunuwu'en Tombulu

¹⁶ Taan si pahanaken ni Paulus, si oki' ni totoz katuarina wéwéné én timalinga ang ginenang néra itii. A sia mangé witi pahento'an mahwali-wali né suraro i makumua wia si Paulus péléng an tinalinganamé.

Kisah Rasul-rasul 23:16 Iomraidhean Croise

Kisah Rasul-rasul 21:34

Taan an ipahwingkoté né tou im wia sé tou lakez itii én zéi'kan masuat, wéwéhan sé mahkérété in téntii wo wéwéhan sé mahkérété in téntu. Pahpaan i rikoka'mo téntu, si tonaas né suraro én zéi'kan nimata'uma apa un ulitna u mahmuali. Pahpaano niitu, méiatunama sé surarona i mahwalima si Paulus mangé witi pahento'an mahwali-wali né suraro.

Kisah Rasul-rasul 21:37

I si Paulus ipahuuntep néramo witi pahento'an mahwali-wali né suraro, ni sia meligau wia si tonaas né sana riwu suraro itii, “Toro ni aku i sumiritama kariamu?” A mingkotla si tonaas né suraro itii, “Mata'u ndéén u nunuwu'en Yunani ko?

Kisah Rasul-rasul 23:10

A sé sana réwok tou Farisi wo Saduki kalousnamo i mahzéi-zéi'an, makaz si tonaas né suraro é maindé'mo én taa si Paulus léndongan nérama. Niitumo, ni sia nimeréntama sé surarona in timumpama i mangémé si Paulus im witu un unez né tou lakez itii wo mahwalima ni sia witi pahento'an mahwali-wali né suraro.

Kisah Rasul-rasul 23:17

A si Paulus tumawahmé si esaané im wia sé tonaas né sana atus suraro ang kumua wia ni sia, “Ipahwalima si tarétumou kenu wia si tonaas niou, pahpaan wéwéhan u léwo'zéi' maikua ni tarétumou kenu wia ni sia.”

Kisah Rasul-rasul 23:32

Masandomé, si Paulus é méiayola né suraro sé melampang uman wia sé suraro sé simaké kawalo. A sé suraro menaké kawalo itii mahwalima si Paulus nimangé witi Kaisarea, taan sé suraro sé melampang uman é nimawurimé sumaup witi pahento'an néra mahwali-wali.

Kisah Rasul-rasul 24:23

An iatuma ni gubernur si tonaas né sana atus suraro in zéi'kan toro milot si Paulus, taan ikenus umana. Wo kasii zéi'kan toro mahséro' sé kakaria ni Paulus i mengangalimé am pemandungenna.

1 Korintus 3:19

Pahpaan ung katulapan wia ung kaayahan éng kalemouan im wia si Opo Empung. Witu um Pinantik Lenas é méipantik téntii, “Ung katulapan né tou tulap ém wangunen ni Opo Empung i maéndo wetes wia sé tou tulap itii.”