Kisah Rasul-rasul 23:11 - Taaz Weru Witu u Nunuwu'en Tombulu

¹¹ Masandomé im wengi, si Yesus Mahpiara mérimendai witu u rété ni Paulus ang kumuama wia ni sia, “Enté-enté'en un atému. Pahpaan kuramo ni ko i mahkua a niilek wo tinalingamu tumoro ni Aku im wia sé tou witi Yerusalem, téntumo kangkasii ni ko léwo'zéi' i makumua niitu wia sé tou witi Roma.”

Kisah Rasul-rasul 23:11 Iomraidhean Croise

Matius 14:27

Taan si Yesus é rengan ing kimuama wia ni séra, “Menesola! Kenu é ni Aku, tia'mo maindé'!”

Matius 28:20

wo tuzu'ela séra i mahwangun péléng a mémoiperénta-Ku wia ni kamu. Kata'uan nioula, ni Aku é menaté-natér ni kamu makaz ung kaakazan ung kaayahan.”

Matius 9:2

Sé woopira tou nimahwalimé wia si Yesus si tou lailai si méikolo' witu um wuwuléngan. I si Yesus nimilek um pa'émanen néra wia ni Sia, ang kuan-Na wia si tou lailai itii, “É oki'-Ku, enté'ela un atému! A singkéla'mu é niampungano.”

Lukas 16:28

Pahpaan im witu ém wéwéhan sé lima totoz katuariku. Iatupé'ma si Lazarus i mapagenang wia ni séra wo sa séra matéma, ni séra én zéi'kan iuntep wia an tampa zézéha kenu.’

Yohanes 14:18

Ni kamu én zéi'kan itula'u-Kuma tanu sé koki' zéi'kan siapa tu'a. Ni Aku é méyé sumaup wia ni kamu.

Yohanes 16:33

Péléng niitu méikua-Kuma wia ni kamu, wo un até niou maluasa pahpaan nimaesa karia-Ku. Im wia ung kaayahan kenu ni kamu é mendan an zézéha, taan enté-enté'en un até niou, ni Aku éng kimalamoma ang kawasa wia ung kaayahan.”

Kisah Rasul-rasul 18:9

I sana wengi, si Paulus wéwéhan um pina'ilek. Im witu um pina'ilekna, si Mahpiara éng kimua wia ni sia, “Tia'mo ko maindé'! Tia'mo kumana' i mahwoka' u Nuwu' Lé'os wo tia'mo ko menes uman.

Kisah Rasul-rasul 19:21

Kumawusa u nimamuali itii, si Roh nimangun si Paulus timotozla i mangé witi Yerusalem kimiita u Makedonia wo u Akhaya. Kuana, “Sa nimangémomé witi Yerusalem, ni aku kangkasii é léwo'zei' i mangé witi Roma.”

Kisah Rasul-rasul 2:25

Im puuna si Daud éng kimuamo in téntii tumoro ni Sia, ‘Sekezé si Opo Empung ém pengile-ngilekengku witu u sinaru-Ku. Pahpaan ni Sia ém witu ung kakanku, niitumo zéi'kan siapa si kumala ni aku.

Kisah Rasul-rasul 20:22

In tarékan, pahpaan i mahkiit um perénta ni Roh Lenas, ni aku é mangé witi Yerusalem wo zéi'kan kata'uangku apa u mamuali wia ni aku im witu.

Kisah Rasul-rasul 22:15

Pahpaan ni ko é léwo'zéi' i makumua wia péléng sé tou a niilek wo an tinalingamu tumoro ni Sia.

Kisah Rasul-rasul 22:18

An ilekengkuma si Tuang si kimuamé téntii wia ni aku, ‘Mahrewekola, itula'umoma u Yerusalem, pahpaan un ipahkuamu tumoro ni Aku éng kasoo néra.’

1 Korintus 9:1

Katuari-katuari, ni aku én toro mahwangun péléng ang kapaazku. Ni aku én uli-ulit aatu ni Yesus Kristus. Ni aku é nimileko si Yesus, si Mahpiarata. Ni kamu ém wua'na am pinaayangku wia si Opo Empung.

Filipi 1:13

Niitumo, péléng sé suraro mahtéiz witi istana ni Kaisar wo sé tou walina é nimata'umoma, i ni aku ém binui pahpaan mahkiit si Yesus Kristus.

2 Timutius 4:17

Taan si Mahpiara én timatér wo nimenté' ni aku makaz u Nuwu' Lé'os toro ipakawoka'ku wo talingana péléng né tou zéi'kan Yahudi. Karia in téntu, ni aku é méikapiloté im witu um patéan tanumokan méikapiloté witu u sumah ni singa.