Kisah Rasul-rasul 22:6 - Taaz Weru Witu u Nunuwu'en Tombulu

⁶ Taan i lolamboto i ni aku melelezoma un Damsyik, kumompo'mé ém wéwéhan u sena' witi langit un totoz merahra simena'mé wia ni aku.

Kisah Rasul-rasul 22:6 Iomraidhean Croise

Matius 17:2

A si Yesus mawalinama im witu u saru-sarun néra telu, ung gio-Na é mahsena' tanu si endo wo ung kinarai-Na é nimakulo'ma meto-petot tanu u sena'.

Kisah Rasul-rasul 22:7

A ni aku ikawesahma witu un tana' an talingangkumé u nuwu' kimuamé in téntii, ‘Saulus, Saulus, kaa ni Aku pahzézéhanu?’

Kisah Rasul-rasul 23:9

A séra mahzéi-zéi'an makaz i nimarikoka'ma. Sé woopira tou tulap un Torat im wia sé sana réwok tou Farisi é nimangé witi puuna a mahkelung si Paulus kuan néra, “Sa ikiit ni kai, si tou kenu én zéi'kan siapa sinala'! Séi si mata'u sa wéwéhan si roh kaapa malaekat nimuwu'moma wia ni sia.”

1 Korintus 15:8

Wo si totoz kamurian im pinapailekan-Na un tou-Na é ni aku. Ni aku é mengompo' umané i niéndo aatu-Na. Ni aku én tanumokan si taré itoumé zéi'kampé' orasna.

Wahyu 1:16

U lengen-Na kakan én timion sé pitu tototi'en, wo witu u sumah-Na é nimondolé um pisou tewel zua masaru. Ung gio-Na é mahsena' tanumokan u sena' ni endo ing karentu-rentungna.