Kisah Rasul-rasul 22:3 - Taaz Weru Witu u Nunuwu'en Tombulu

³ “Ni aku én tou Yahudi, nimatou witi Tarsus witi tana' Kilikia, taan nimatu'a wia um wanua tua'na kenu. Si mésterku é si Gamaliel. Ni sia si nimahtuzu' wia ni aku un ukum Torat u méituzu' ni Musa wia sé nimaopota tou Israel. Niitumo ni aku é ma'ulit i mahwangun ang kapaaz ni Opo Empung masuat wo ni kamu péléng in tarékan kenu.

Kisah Rasul-rasul 22:3 Iomraidhean Croise

Lukas 10:39

Si Marta ém wéwéhan si totoz katuarina makangaran Maria. Im witu um walé itii si Maria rimumez witu rété un a'é ni Yesus i mahtalinga an ipahkua ni Yesus.

Lukas 2:46

In teluna endomo, ang kailekan nérala Sia witi Walé ni Opo Empung. Ni Sia é rimumez witu un unez né méster um pa'émanen né Yahudi, ni Sia é mahtalinga wo mahligau wia ni séra.

Lukas 8:35

A sé tou mondolé i mamilek u nimamuali itii. Ni séra méyé wia si Yesus an ileken nérala si tou sinelazan né sétang woan itii é rimumezo witu u rété un a'é ni Yesus, ni sia éng kimaraio wo lé'oso. I milekla niitu sé tou itii éng kinaindé'an.

Kisah Rasul-rasul 11:25

Tumondong niitu, a si Barnabas mangé witi Tarsus i mamenéro si Saulus. I ni sia nimahilekanola wo si Saulus, an ipahwalinama si Saulus mangé witi Antiokhia.

Kisah Rasul-rasul 15:23

Ni séra ém winéhanna um pinantik in téntii, “Sigi' wangko' nai in aatu ni Yesus wo né penatua wo né katuari niou, ipapaayo wia ni kamu katuari-katuari esa pa'émanen sé tou zéi'kan Yahudi sé witi Antiokhia, Siria wo Kilikia.

Kisah Rasul-rasul 15:41

a séra malumiklik witi Siria wo witi Kilikia. Im wana séra zua é mahenté' um pa'émanen né jamaat.

Kisah Rasul-rasul 21:20

Kaitalingamé niitu, a séra mahlooz si Opo Empung. Ang kuan néra wia si Paulus, “Paulus! Kata'uannula i mariwu-riwumo sé tou Yahudi sé ma'émano wia si Yesus, wo ni séra péléng kangkasii én totoz mahkii-kiit un ukum Torat.

Kisah Rasul-rasul 21:39

A mingkotla si Paulus, “Ni aku én tou Yahudi, witi Tarsus a méyé, um wanua tua'na totoz ipahkua-kua witi Kilikia. Pahaléiengku wo ni aku toro numuwu'ma wia sé tou lakez itii.”

Kisah Rasul-rasul 23:34

I si gubernur itii nimakabacamola um pinantik itii, a sia meligau wia si Paulus sa witi propinsi wisa sia a méyé. I ni sia timalingala si Paulus ém witi propinsi Kilikia a méyé,

Kisah Rasul-rasul 23:6

Pahpaan kata'uan ni Paulus i sé walina sé méikauntep witu u Mahkamah Agama én tou Saduki wo sé walina kasii é sana réwok tou Farisi, a sia kuméréta, “Katuari-katuari, ni aku én tou Farisi, suzu né tou Farisi. Ni aku méisarumé wia u Mahkamah Agama kenu pahpaan ni aku é ma'éman sa sé tou nimatémo én itou sumaup ni Opo Empung.”

Kisah Rasul-rasul 26:5

Ni aku én urémo ing kata'uan néra. Wo sa séra paaz, ni séra én toro kumua ang kata'uan néra i ni aku é menou-nou in tou né sana réwok tou Farisi, sé sana réwok tou sé ipahkua-kua in totoz mahkiit an tinotoz witu um pa'émanen nai.

Kisah Rasul-rasul 26:9

Im puuna, ni aku kangkasii é mahgenangla i ni aku é léwo'zéi' mahsaru sé tou sé mahwoka' u ngaran ni Yesus, si tou Nazaret itii.

Kisah Rasul-rasul 5:34

Taan wéwéhan si esaané im wia sé sana réwok tou Farisi si méikauntep witu u Mahkamah Agama, makangaran Gamaliel. Ni sia én tou tulap un Torat wo totoz pahsigi-sigi'en péléng né tou. Sia rumendaié a mahaléila, wo sé aatu ni Yesus itii i mondola im witu zéi'kan uré.

Kisah Rasul-rasul 6:9

Taan wéwéhan sé woopira tou sé witi walé peraragésan né tou Yahudi u makangaran ‘Tou Zéi'mo Ata’, ni séra ém witi Kirene wo Aleksandria a méyé. Wo karia néra kasii ém wéwéhan sé woopira tou Yahudi sé witi Kilikia wo Asia a méyé. Ni séra é mahzéi-zéi'an karia ni Stefanus.

Kisah Rasul-rasul 9:1

In toro niitu, si Saulus éng kawua-wuayana i ma'indé' wo mahwunu' sé tou mahkii-kiit an tutuzu' ni Yesus Mahpiara. Ni sia masimaru wia si Walian Wangko',

Kisah Rasul-rasul 9:11

Ang kuan ni Mahpiara, “Rumendaiomé wo mangémo witi walé ni tou makangaran Yudas witi lalan makangaran Lalan Terén. Im witu ém penéronnula si tou makangaran Saulus si witi Tarsus a méyé. Ni sia éng karegas i mengaléi.

Kisah Rasul-rasul 9:30

Ing kinata'uanla né katuari esa pa'émanen ung ginenang néra itii, ni sia é méipahwali nérama witi Kaisarea. Im witumokan a sia pekiangé néra witi Tarsus.

Roma 11:1

Niitumo, ni aku é meligau: Apa sé tou Israel sé pinéléng ni Opo Empung é mémoitia'-Na? Zéi'kan! Pahpaan ni aku in esa én tou Israel, suzu ni Abraham, wia sé suzu ni Benyamin a méyé.

2 Korintus 11:22

Ni séra é mahkua in tou Ibrani? Ni aku kangkasii én tou Ibrani! Ni séra é mahkua in tou Israel? Ni aku kangkasii én tou Israel! Ni séra é mahkua i suzu ni Abraham? Ni aku kangkasii é suzu ni Abraham!

Galatia 1:14

Tumoro u mahkiit an tinotoz um pa'émanen né tou Yahudi, ni aku é lumousé sé kakaria karenganku sé lakez im wia sé tahsasana wanuaku. Ni aku én uli-ulit mahkiit ang kinanaram né nimaopoku.

Galatia 1:21

Tumondong niitu a ni aku mangé wana an tana' witi Siria wo witi Kilikia.