Kisah Rasul-rasul 22:1 - Taaz Weru Witu u Nunuwu'en Tombulu

¹ “Sé ama' wo katuari-katuari, talingana, wéwéhan un ipahkukuaku wia ni kamu in tarékan i mahkekelung un touku.”

Kisah Rasul-rasul 22:1 Iomraidhean Croise

Lukas 12:11

Sa wéwéhan tou mahwali ni kamu witu u sinaru né tonaas né tou Yahudi witi walé peraragésan né tou Yahudi, kaapa wia sé mahperénta wo sé mahkawasa, tia'mo ikaarét niou apa u léwo'zéi' in ikua niou wo kura ing kumelung un tou niou.

Lukas 21:14

Niitumo, enté'enola un até niou wo tia'mo megena-genang un iwingkot niou ing kumua i ni kamu én ulit.

Kisah Rasul-rasul 13:26

Katuari-katuariku suzu ni Abraham wo ni kamu kasii sé maindé' si Opo Empung. U Nuwu' i ni kita én ipilot im witu un ukuman wana a singkéla' é mémoikua ni Opo Empung wia ni kita.

Kisah Rasul-rasul 19:33

A si tou makangaran Aleksander itondoma né tou Yahudi nimangé witi puuna, pahpaan pahgenangen nérala i ni sia si nimangun ni séra nimarikoka'. A sia rengan nimayata u lengenna i mahnunuwu' ing kumelung un touna witu u sinaru né tou lakez itii.

Kisah Rasul-rasul 23:1

Karia i mahwerenna wia sé tou sé méikauntep witu u Mahkamah Agama si Paulus mahkua, “Katuari-katuari, makaz in endo kenu ni aku é menou-nou karia un até weresi witu u sinaru ni Opo Empung.”

Kisah Rasul-rasul 23:6

Pahpaan kata'uan ni Paulus i sé walina sé méikauntep witu u Mahkamah Agama én tou Saduki wo sé walina kasii é sana réwok tou Farisi, a sia kuméréta, “Katuari-katuari, ni aku én tou Farisi, suzu né tou Farisi. Ni aku méisarumé wia u Mahkamah Agama kenu pahpaan ni aku é ma'éman sa sé tou nimatémo én itou sumaup ni Opo Empung.”

Kisah Rasul-rasul 24:10

Tumondong niitu, si Gubernur mayata u lengenna wia si Paulus i méhé un témpo wia ni sia i numuwu'. A si Paulus kumua, “Kata'uangkumo, si tuang i nimaéndo menonotoz am pahwangunen né tou in ulit kaapa zéi'kan wia un tana' kenu ém pahta'unano ung kauréna. Pahpaano niitu, ni aku én zéi'kan mahzua-zua genang ing kumelung un touku witu u sinaru ni tuang.

Kisah Rasul-rasul 25:16

Taan méikuakula wia ni séra in zéi'kan kinanaram né tou Romawi i mukum si tou, puunala si tou itii im pasungkulen karia né tou mahtoké ni sia, wo zéi'kampé' winéhanla tempo ing kumelung un touna wana an ipahtoké itii.

Kisah Rasul-rasul 25:8

Taan si Paulus é mahkelung un touna, kuana, “Zozo' in esa uman, ni aku én zéi'kan simingkéla'la im wana an ukum Torat né tou Yahudi, kaapa witi Walé ni Opo Empung kaapa wia si Kaisar.”

Kisah Rasul-rasul 26:24

Karegas si Paulus mahnuwu' i mahkelung un touna, a si Festus kuméréta, “Paulus, ni ko ém pahléla'eno! Ni ko ém pahléla'eno pahpaan ung kata'uannu én tahlouso lakez.”

Kisah Rasul-rasul 28:17

Teluna endo tumondongla niitu, si Paulus timawahmé sé tou Yahudi sé pahkua-kua i mémahilekan kariana. I ni séra nimaréwokomé, a sia kumuala, “Katuari-katuari! Zozo' ni aku zéi'kan nimahwangu-wangunla apa uman u mahsaru sé tahsasana wanuata, wo ang kinanaram né nimaopota, taan ni aku én tinionan néramé im witi Yerusalem an iayola wia sé tou Romawi.

Kisah Rasul-rasul 7:2

A si Stefanus mingkotla, “Katuari-katuari wo sé ama', talingana! Im puuna, i si nimaopota Abraham mahento' witi tana' Mesopotamia, puunala sia i mahento' witi Haran, si Opo Empung si totoz im pahsigi'en wo pahloozen é nimapailekola un tou-Na wia ni sia,

Roma 2:15

Karia in téntu ni séra én tumuzu'mé sa un ukum Torat ém witumo un até néra. Niitumo ung genang lé'os néra mapata'umé tumoro ang kata'uan néra. Ni séra satorona é méipapahsasala' ang genang néra wo satorona niéndo ulit ang genang néra.

1 Korintus 9:3

Sa wéwéhan tou mahtawuruk ni aku, ni aku kumua ang kenu ing kumelung un touku. Un ikuakuma én téntii:

2 Korintus 12:19

Kaa kamu ém woo mahgenangla péléng am pinantik nai kenu é mahuulit un tou nai? Zéi'kan ndootuu! Katuari-katuari ikararaatéku, a mémoipahkua nai wia ni kamu én ulit im witu u sinaru ni Opo Empung. Ni kai i mahkua téntu pahpaan ni kai é mahkiit um paaz ni Yesus Kristus. Wo péléng a méipahkua nai wia ni kamu é maheenté' um pa'émanen niou.

2 Korintus 7:11

Amoké pakagena-genangen nioula! Pahpaan u merara un até ung kapaaz ni Opo Empung nimamuali wia ni kamu, nimangun ni kamu kalousna mahtututu', mapailek i ni kamu zéi'kan mahsingkéla' wo u nimangun ni kamu maupi' wia sé tou mahwangun a singkéla' wo maindé' sa zéi'kan uli-ulit mahkiit si Opo Empung. Niitu kangkasii u nimangun ni kamu i lumelo wo totoz mahtututu' i mahwangun a lé'os, kapaaz niou sé tou mahsingkéla' én ukumen. Im wana niana péléng tumuzu'mé i ni kamu én zéi'kan siapa a sinala'.

Filipi 1:17

Taan sé mahtéutéu wo mahéndo-éndoan kariaku é mahwoka' tumoro si Kristus pahpaan i ma'éndo uman ung kauntungan néra in esa wo ung kalakoan an tutuzu' néra én zéi'kan wangun. Pahgenangen nérala, karia séra i mahwoka'ma tumoro si Kristus pahpaan uman i menéro ung kauntungan néra in esa, nimangun ni aku kalousna in zézéha wia um bui wo un atéku kalousna i masusa.

Filipi 1:7

Ni aku é mapaayo u makasé wia si Opo Empung pahpaan ni kamu ém witu un atéku. Ni aku é nimakailek ung kamang méitambér ni Opo Empung zozo' in tarékan ni aku ém binuipé'. Ni aku kangkasii é nimakailek ung kamang méitambér ni Opo Empung i mahtuzu' sa u Nuwu' Lé'os tumoro si Yesus én ulit, wia sé tou sé mahkua niitu in zéi'kan ulit, wo kasii i mangun ni séra in uli-ulit ma'éman. Ni kamu kangkasii é nimakailek ung kamang méitambér ni Opo Empung tanu ung kinailekangkumé.

2 Timutius 4:16

Ing kataré ni aku i mahkelung un touku im witi pahtotozan, zéi'kan siapa zozo' in esa si kimaria ni aku, péléng ni séra én timula'uma ni aku. Mengalé-ngaléi uman si Opo Empung én zéi'kan mapahsasala' ni séra pahpaan um winangun néra itii.

1 Petrus 3:15

Taan sigi'ela si Kristus im witu un até niou pahpaan ni Sia é Mahpiara. Tumégamla i mingkot sa wéwéhan si tou meligau tumoro um pahéré'an niou wia si Kristus. Taan ni kamu i mahwingkot é maheluz umanla wo karia i mahsigi',