Kisah Rasul-rasul 21:7 - Taaz Weru Witu u Nunuwu'en Tombulu

⁷ Witi Tirus ni kai meméhé-méhéma i siméngkot makaz witi Ptolemais, im witumo ung kinaakazan u sinéngkotan nai. Im witu ni kai mamahilekan karia né katuari esa pa'émanen a mento'ma sana endo karia néra.

Kisah Rasul-rasul 21:7 Iomraidhean Croise

Matius 5:47

Sa kamu mapaayo u sisigi'an wia sé katuari niou uman, apa u lumousé im wana am winangun né tou walina? Pahpaan maan sé tou zéi'kan ma'éman wia si Opo Empung kangkasii é mahwangun an téntu.

Kisah Rasul-rasul 1:15

I sana endo, sé katuari esa pa'émanen é nimaréwok. Ung kalakez néra ém woo sana atus wo zuana pulu' tou. A si Petrus rumendaila witu un unez néra ang kumua,

Kisah Rasul-rasul 12:20

Sé tou Tirus wo Sidon én totoz ikaupi' ni Herodes. A sé tou Tirus wo Sidon maesaala i mangé mahilekan karia ni Herodes. Taan ing kataré-taré ni séra é nimenoula si tou mahimek witi istana ni Herodes makangaran Blastus i sumawang ni séra. A séra mangé wia si Herodes i mahaléi wo séra toro malé'osan sumaup kariana. Ni séra nimangun un téntu pahpaan ang kakanen néra é niméré' uman wia sé tou witi tana' kinawasa ni kolano Herodes.

Kisah Rasul-rasul 18:22

I méikaayomola witi Kaisarea, sia tumumpala a lumampang mangé witi Yerusalem i masumigi' wia sé jamaat witu. A sia mangé witi Antiokhia.

Kisah Rasul-rasul 21:10

Im woopirana endomo ni kai i mahento' witu, a méyé si nabi makangaran Agabus si witi Yudea a méyé.

Kisah Rasul-rasul 21:17

I ni kai méikaayomola witi Yerusalem, péléng sé katuari esa pa'émanen witu é simungkul ni kai karia i mahpaa-paaz.

Kisah Rasul-rasul 21:19

Si Paulus sumigi'la wia ni séra. An ipakasiritanala péléng am winangun ni Opo Empung mengiité um pinaayangna wia sé tou zéi'kan Yahudi.

Kisah Rasul-rasul 21:3

Zéi'kan uré, ileken naima ung katanaan Siprus witu ung kawihi nai, taan u londéi tua'na sinakéan nai é limangkoi umané witu a mangé witi Siria. Ing kamurian, ni kai é méikaayola witi Tirus, pahpaan a méisaké witu u londéi tua'na itii é léwo'zéi' itumpa witu.

Kisah Rasul-rasul 25:13

Woo pirana endo tumondongla niitu, a méyé si kolano Agripa karia ni tuarina wéwéné makangaran Bernike witi Kaisarea. Ni séra niméyé i mehé u sisigi'an néra wia si Festus si taré maéndola gubernur.

Kisah Rasul-rasul 28:12

Tumondong niitu, ni kai é simuwa'la witi Sirakusa. Teluna endo kai i nimento' witu.

Ibrani 13:24

Ipapaayopé'la u sigi'ku wia péléng sé tonaas niou wo wia péléng sé tou linenas ni Opo Empung. Sé katuari esa pa'émanen sé wia Italia é mapaayoma u sigi' wia ni kamu.