Kisah Rasul-rasul 21:3 - Taaz Weru Witu u Nunuwu'en Tombulu

³ Zéi'kan uré, ileken naima ung katanaan Siprus witu ung kawihi nai, taan u londéi tua'na sinakéan nai é limangkoi umané witu a mangé witi Siria. Ing kamurian, ni kai é méikaayola witi Tirus, pahpaan a méisaké witu u londéi tua'na itii é léwo'zéi' itumpa witu.

Kisah Rasul-rasul 21:3 Iomraidhean Croise

Matius 11:21

Kuano kasii ni Yesus, “Ikaléwo'mo ni kamu in tou Khorazim! Ikaléwo'mo ni kamu in tou Betsaida! Pahpaan sa a makakompo'en winangun-Ku wana am wanua niou ém winangun-Ku witi Tirus wo Sidon, tantumo urémo ni séra ing kimarai ung karai pengangaraien witi pinatéan wo an ulu néra ém wuzwuzan néra an awu, un tumuzu'mé ni séra é mene'selo wo timula'umola a singkéla' néra.

Matius 4:24

An ikaolanga u sirita tumoro si Yesus wana péléng an tampa witi Siria. Niitumo sé tou mahwalimé péléng sé tou saki, sé tou totoz zézéha pahpaan a saki néra an zéi'mo kaezenan, sé tou sinelazan né sétang, sé mati-mati ayang wo sé lailai, a séra pakalé'osena ni Yesus.

Lukas 10:13

Ang kuan ni Yesus, “Ikaléwo'mo kamu in tou Khorazim! Ikaléwo'mo kamu in tou Betsaida! Pahpaan sa a makakompo'en winangun-Ku wana am wanua niou ém winangun-Ku witi Tirus wo Sidon, tantumo urémo séra ing kimarai ung karai pengangaraien witi pinatéan wo an ulu néra ém wuzwuzan néra an awu, un tumuzu'mé ni séra é mene'selo wo timula'umola a singkéla' néra.

Lukas 2:2

Um perénta i mantik a ngaran né tou kenu éng kataré-taré winangun, i si Kirenius nimaéndo gubernur witi Siria.

Kisah Rasul-rasul 11:19

Kumawusa si Stefanus im winunu', sé katuari esa pa'émanen ém pahzézéhan, a séra tumingkas méikasera wayaan u niangéan. Wéwéhan sé timingkas witi tana' Fenisia, Siprus wo witi Antiokhia. Sé tou timingkas itii é mahwoka' u Nuwu' Lé'os tumoro si Yesus, taan wia uman sé tou Yahudi.

Kisah Rasul-rasul 12:20

Sé tou Tirus wo Sidon én totoz ikaupi' ni Herodes. A sé tou Tirus wo Sidon maesaala i mangé mahilekan karia ni Herodes. Taan ing kataré-taré ni séra é nimenoula si tou mahimek witi istana ni Herodes makangaran Blastus i sumawang ni séra. A séra mangé wia si Herodes i mahaléi wo séra toro malé'osan sumaup kariana. Ni séra nimangun un téntu pahpaan ang kakanen néra é niméré' uman wia sé tou witi tana' kinawasa ni kolano Herodes.

Kisah Rasul-rasul 13:4

Pahpaan méiatu ni Roh Lenas, a si Barnabas wo si Saulus mangé witi Seleukia, im witumokan a séra suméngkota witi katanaan Siprus.

Kisah Rasul-rasul 15:23

Ni séra ém winéhanna um pinantik in téntii, “Sigi' wangko' nai in aatu ni Yesus wo né penatua wo né katuari niou, ipapaayo wia ni kamu katuari-katuari esa pa'émanen sé tou zéi'kan Yahudi sé witi Antiokhia, Siria wo Kilikia.

Kisah Rasul-rasul 15:39

Niitu u nimangun ni séra zua totoz i mahzéi-zéi'an, makaz ni séra nimatampasan. Si Barnabas timawahma si Markus i mangé kariana siméngkot witi Siprus.

Kisah Rasul-rasul 15:41

a séra malumiklik witi Siria wo witi Kilikia. Im wana séra zua é mahenté' um pa'émanen né jamaat.

Kisah Rasul-rasul 18:18

Si Paulus ém woopirana endopé' i nimahento'mé witi Korintus. A sia tumuzu'la wia sé katuari esa pa'émanen witu, a suméngkota witi Siria karia ni Priskila wo ni Akwila. Im witi Kengkrea si Paulus é limo'gasla um wuukna pahpaan un taazna wia si Opo Empung.

Kisah Rasul-rasul 21:16

Wéwéhan kasii sé woopira tou ma'éman sé witi Kaisarea kimiité ni kai. Ni kai é méipahwali nérama witi walé ni Manason. Ni sia ém witi katanaan Siprus a méyé wo urémo i nimaéndo tou ma'éman. Ni kai é mamento' witi waléna.

Kisah Rasul-rasul 21:2

Witi Patara ni kai méikailekla londéi tua'na u mahaangé witi Fenisia. Ni kai sumakéla witu u londéi tua'na itii a mangé.

Kisah Rasul-rasul 21:7

Witi Tirus ni kai meméhé-méhéma i siméngkot makaz witi Ptolemais, im witumo ung kinaakazan u sinéngkotan nai. Im witu ni kai mamahilekan karia né katuari esa pa'émanen a mento'ma sana endo karia néra.

Kisah Rasul-rasul 27:4

Im witu a ni kai suméngkota sumaup. Taan pahpaan mahsaru u reges, niitumo ni kai mahkiit umana un tembir un tasik Siprus, wo zéi'kan tahlous pahtoroné u reges.

Kisah Rasul-rasul 4:36

Si Yusuf si pahkuan né aatu ni Yesus im ‘Barnabas’ ung kalakoana é mahenté' un até né tou wo ni sia kangkasii é suzu ni Lewi si nimatou witi Siprus é nimangun kangkasii un téntu.