Kisah Rasul-rasul 21:2 - Taaz Weru Witu u Nunuwu'en Tombulu

² Witi Patara ni kai méikailekla londéi tua'na u mahaangé witi Fenisia. Ni kai sumakéla witu u londéi tua'na itii a mangé.

Kisah Rasul-rasul 21:2 Iomraidhean Croise

Kisah Rasul-rasul 11:19

Kumawusa si Stefanus im winunu', sé katuari esa pa'émanen ém pahzézéhan, a séra tumingkas méikasera wayaan u niangéan. Wéwéhan sé timingkas witi tana' Fenisia, Siprus wo witi Antiokhia. Sé tou timingkas itii é mahwoka' u Nuwu' Lé'os tumoro si Yesus, taan wia uman sé tou Yahudi.

Kisah Rasul-rasul 15:3

Ni séra ipahwalima né jamaat makaz witi kaondolana um wanua tua'na. A séra lumampang kimiita witi Fenisia wo Samaria. Im witu ni séra nimahsiritama tumoro sé tou zéi'kan Yahudi sé timula'umola a singkéla' néra. U sirita itii é nimanguna un até né katuari esa pa'émanen witu totoz mahpaa-paaz.

Kisah Rasul-rasul 21:3

Zéi'kan uré, ileken naima ung katanaan Siprus witu ung kawihi nai, taan u londéi tua'na sinakéan nai é limangkoi umané witu a mangé witi Siria. Ing kamurian, ni kai é méikaayola witi Tirus, pahpaan a méisaké witu u londéi tua'na itii é léwo'zéi' itumpa witu.

Kisah Rasul-rasul 27:6

Im witu, si Yulius é méikailekla u londéi tua'na um witi Aleksandria a méyé u mahséséngkot mangé witi Italia. Ang kai iéranama witu u londéi tua'na itii.