Kisah Rasul-rasul 21:13 - Taaz Weru Witu u Nunuwu'en Tombulu

¹³ Taan si Paulus nimingkot umané, “Kaa kamu mahamé', taka-takazan nimangun un atéku i rumara? Ni aku én zéi'kan uman paaz in apusen taan ni aku kangkasii ém paaz i maté witi Yerusalem pahpaan i mahwoka' u ngaran ni Yesus Mahpiara.”

Kisah Rasul-rasul 21:13 Iomraidhean Croise

Kisah Rasul-rasul 20:24

Taan ni aku én zéi'kan mahwéhé genang witu ung katou-touangku kenu, asal uman um paayangen méiwéhé ni Yesus Mahpiara wia ni aku én toro ipakasampetku i mahwoka' u Nuwu' Lé'os tumoro si Yesus u méitambéré ni Opo Empung.

Kisah Rasul-rasul 20:37

Ni séra péléng é mahamé' karia i sindekokan wo karia i mahingki'ma wia si Paulus, ni sia ém penio-niomen néra menau-naup.

Kisah Rasul-rasul 5:41

Sé aatu ni Yesus itii mondolé im witu um pahtotozan né Mahkamah Agama karia i mahpaa-paaz, pahpaan ni séra é mahgenangla wangun mazézéha im pahséro'an pahpaan u Ngaran ni Yesus.

Kisah Rasul-rasul 9:16

Ni Aku in esa si mapata'u wia ni sia, an zézéha totoz lakez a léwo'zéi' im pendanenna pahpaan u ngaran-Ku.”

1 Korintus 15:31

Katuari-katuari, ikuakuma wia ni kamu, sekez in endo ni aku é nimasaruan karia um patéan. Niia én ikuakuma in uli-ulit tanumokan ni aku in uli-ulit mahpaa-paaz pahpaan ni kamu ma'émano si Kristus Yesus, Mahpiarata.

Filipi 2:17

Zozo' ni aku ém woo ukumen i maté wo un zaha'ku én isaroi witu um wawo né tatamun kineriz niou in iragés wia si Opo Empung, taan ni aku én zéi'kan mazéi' i mahpaa-paaz tumoro niitu wo ni aku kasii é mahpaa-paaz karia niou péléng.

Filipi 2:26

Pahpaan ni sia én totoz lumelo ni kamu péléng wo un aténa é nimasusa pahpaan ing kinata'uan niouoma i ni sia é saki, niitumo pahgenangengkula ni sia é léwo'zéi' in iwurikuma wia ni kamu.

Kolose 1:24

In tarékan, ni aku é mahpaa-paaz i nimazéha pahpaan nimapata'u u Nuwu' Lé'os tumoro si Yesus wia ni kamu wo pahpaan mahpaayang wia si Kristus i lumekep un zéha-Na wia sé jamaat sé tanumokan un awak-Na.

2 Timutius 1:4

Sa aku ikagenanga u lué'mu i ni kita matampasano, ni aku é malelo i mahilekan sumaup kariamu wo u mahpaa-paazku malekepa.

2 Timutius 4:6

Tumoro ni aku, un endo ni aku i maté én zéi'mo uré. Un zaha'ku én tanu un anggor un ipahsaroi i maéndo raragés wia si Opo Empung.

2 Petrus 1:14

Pahpaan kata'uangkumo i ni aku én zéi'mo mauréma tumula'umo ung kaayahan kenu, tanu u méipapata'uma ni Yesus Kristus, si Mahpiarata.

Wahyu 12:11

Sé katuari esa pa'émanen itii kasii éng kimalamoma si tonaas né sétang karia un zaha' ni Anak ni Domba, wo karia un tinalinga wo niilek néra tumoro si Anak ni Domba, un ipahkua néra wia sé tou. Ni séra én zéi'mo pandung ung katou-touan néra in esa makaz séra i maté.

Wahyu 3:10

Pahpaan ni kamu én zéi'kan mazéi' i mahkiit a nuwu'-Ku in ezen ma'ento' ni Aku, niitumo, ni kamu éng kelungang-Ku im wana am pema'wa'en a mamuali wia péléng ung kaayahan i méma'wa' sé tou memia-mia ung kaayahan.