Kisah Rasul-rasul 21:11 - Taaz Weru Witu u Nunuwu'en Tombulu

¹¹ Ni sia é niméyé wia ni kai a méndoma un embet ni Paulus. Tumondongla niitu, karegas i mahapus un a'é wo un lengenna in esa ni sia mahkua, “Si Roh Lenas éng kimua in téntii, ‘Téntiimo si tou makaembet ung kenu in apusen né tou Yahudi witi Yerusalem. Wo ni sia én iayo néra wia sé tou zéi'kan Yahudi.’ ”

Kisah Rasul-rasul 21:11 Iomraidhean Croise

Yohanes 18:1

Kumawusa si Yesus i mengaléi, ni Sia karia né pahtuzu'en-Na nimangé witi leweta u so'so'an Kidron. Im witu ém wéwéhan un uma, a si Yesus wo sé pahtuzu'en-Na muntepa witu un uma itii.

Kisah Rasul-rasul 13:2

I sana endo, i ni séra mahpuasa wo mahragés wia si Mahpiara, a si Roh Lenas numuwu'mé, “I sanapa'mé wia ni Aku si Barnabas wo si Saulus i maayang um papaayangen un tinotoz-Kumo in iwéhé wia ni séra zua.”

Kisah Rasul-rasul 16:6

Si Paulus wo sé kakariana é limangkoi umané un tana' Frigia wo tana' Galatia, pahpaan si Roh Lenas siméro'la ni séra i mahwoka' u Nuwu' Lé'os tumoro si Yesus wia sé tou witi Asia.

Kisah Rasul-rasul 20:23

U méipapata'u ni Roh Lenas wia ni aku én akaz uman, i ni aku é maiuntep witi bui wo mazézéha im wana am wanua tua'na angéangku.

Kisah Rasul-rasul 21:33

I méikaayomola witu, si tonaas né suraro itii é rimétéma wia si Paulus, a sia tionannala. An iatunama sé surarona i mamapus ni sia karia u ranté zua, a meligau sa séi sia wo apa um nimualinamola.

Kisah Rasul-rasul 21:4

Im witu, ni kai é nimangémé wia sé tou ma'éman witu a mento'la karia néra pituna endo ung kauréna. Si Roh Lenas é mapata'u wia sé tou ma'éman witu i sumésa wia si Paulus wo sia tia'mo mahaangé witi Yerusalem.

Kisah Rasul-rasul 22:25

Taan i si Paulus méilélaz nérala i saluken, a sia kumuama wia si tonaas né sana atus suraro si mahpaayang witu, “Toro wé i sumaluk si tou Romawi sa sia zéi'kampé' tinotoz am winangunna in ulit kaapa zéi'kan?”

Kisah Rasul-rasul 24:27

Taan i nimalekepola un zuana ta'un, si Feliks é sinawelan ni Perkius Festus ing gubernur. Pahapaan si Feliks é maheenou sé tou Yahudi, niitumo si Paulus én zéi'kan méipilotnamé im witi kinenusan ni sia.

Kisah Rasul-rasul 26:29

Ang kuan ni Paulus wia ni sia, “Ni aku é mengaléi wia si Opo Empung wo ni ko karia péléng sé tou wia un tampa kenu wo sé timalinga a méikuakuma, niitu i rewek kaapa i mauré-uré é masuat kariaku. Taan, tantu katuu én zéi'kan rinanté tanu ni aku in tarékan.”

Kisah Rasul-rasul 28:17

Teluna endo tumondongla niitu, si Paulus timawahmé sé tou Yahudi sé pahkua-kua i mémahilekan kariana. I ni séra nimaréwokomé, a sia kumuala, “Katuari-katuari! Zozo' ni aku zéi'kan nimahwangu-wangunla apa uman u mahsaru sé tahsasana wanuata, wo ang kinanaram né nimaopota, taan ni aku én tinionan néramé im witi Yerusalem an iayola wia sé tou Romawi.

Kisah Rasul-rasul 28:20

Pahpaano niitu ni aku mahaléi i mémahilekan wo sumirita karia niou. Ni aku i rinanté tanu ang kenu ém pahpaan ni aku mahwoka' tumoro si Kristus si rengan im puuna méitaaz ni Opo Empung in iwéhé wia sé tou Israel, si pengéré-ngéré'enta.”

Kisah Rasul-rasul 28:25

Pahpaan im wia ni séra én zéi'kampé' maéndoan, a séra rengan mondolé im witu. Karegas séra mahondolé im witu, si Paulus kumuama ung kenu wia ni séra, “Totozo ulit u nuwu' méikuamé ni Roh Lenas wia sé nimaopota mengiité si nabi Yesaya,

Kisah Rasul-rasul 8:29

Ang kuan ni Roh Lenas wia si Filipus, “Mangémo wo marumétéla witu ung keréta itii!”

Kisah Rasul-rasul 9:16

Ni Aku in esa si mapata'u wia ni sia, an zézéha totoz lakez a léwo'zéi' im pendanenna pahpaan u ngaran-Ku.”

Efesus 3:1

Pahpaano niitu, ni aku Paulus ém binui pahpaan mahwoka' u Nuwu' Lé'os tumoro si Kristus Yesus wo ung kawangunan niou in tou zéi'kan Yahudi.

Efesus 4:1

Niitumo, ni aku, si binui pahpaan mahwangun a méiatu ni Mahpiara, mahaléi wia ni kamu, wo ni kamu in tou tinawahmo i ma'éman wia si Opo Empung é menou-noula mengiit ung kapaaz ni Opo Empung tanu in taré ma'émanla wia ni Sia.

Efesus 6:20

Pahpaan ni aku nimaéndo aatu ni Opo Empung i mahwoka' u Nuwu' Lé'os tumoro si Yesus, niitumo in tarékan ni aku é méiuntep bui. Ipengaléipé'mé wo ni aku zéi'kan maindé' i mahwoka' u Nuwu' Lé'os, un uli-ulit masuat karia u léwo'zéi' in iwoka'ku.

1 Timutius 4:1

Si Roh Lenas én uli-ulit kimua, im wana an endo in tumondong ém wéwéhan sé tou matumamburi witu um pa'émanen wo kumua in zéi'kan mata'u si Yesus. Ni séra é mahtali-talinga sé roh mahlululu uman ni séra wo mahkiit uman an tutuzu' né sétang,

2 Timutius 2:9

Pahpaan i mahwoka' u Nuwu' Lé'os kenumo, ni aku nimazézéha an apusen tanu sé tou léwo'. Taan u Nuwu' ni Opo Empung itii én zéi'kan mata'u apusen.

Ibrani 10:34

Im wéwéhan sé tou niukum méiuntep bui, ni kamu é nimendan an zézéha karia néra wo zozo' a sangkum niou éng kinahata né tou walina, taan ni kamu é mahpaa-paaz pahpaan kata'uan niou ni kamu é makasangkum u lumouspé'mé niitu u méiwéhémé ni Opo Empung un zéi'kan maléwo' makaz ing kauré-uré.

Ibrani 3:7

Niitumo, tanu u méikua ni Roh ni Opo Empung witu um Pinantik Lenas, “In endo kenu, sa kamu tumalinga un ipahkua ni Opo Empung,

1 Petrus 1:12

Sé nabi itii éng kinuaan sa am pahtata'un néra én zéi'kan méipapata'u in tumulung uman un tou néra in esa, taan in tumulung ni kamu. Sé nabi itii éng kinawasa ni Roh Lenas si witi kasendukan a méyé i mapata'u u Nuwu' Lé'os tumoro si Yesus wia ni kamu. A méipahtuzu' nérama itiimo ang kapaaz né malaekat im pahtata'un.