Kisah Rasul-rasul 20:7 - Taaz Weru Witu u Nunuwu'en Tombulu

⁷ In endo kataré witu un duminggu itii, i ni kai nimaréwok mahwali-wali i memété-météng u roti ing kanen, si Paulus é mahnuwu' wia sé katuari esa pa'émanen witu makaz im wengi uré. Pahpaan ni sia éng gimenang i mangémo i masandomé.

Kisah Rasul-rasul 20:7 Iomraidhean Croise

Markus 16:9

In Duminggu im woondo, si Yesus i nimatoumomé sumaup, ni Sia kataré-taré é nimapailek un tou-Na wia si Maria tou Magdala. I makasa si Yesus é nimoho sé sétang pitu im wia ni sia.

Lukas 22:19

A Sia méndomé u roti, kumuama u makasé wia si Opo Empung, pemété-météngen-Nala u roti itii, ipahwéhé-Nama wia ni séra, ang kuan-Na, “Ung kenumo un awak-Ku u méiayo wia ni kamu; pahwangunela niia ing gumenang ni Aku.”

Lukas 24:35

A sé tou zua itii kasii sumirita u nimamuali wia ni séra karegas i mahlampang wo kura si Yesus si Mahpiara i nina'u néramokala i nimeni'a-ni'aula u roti.

Yohanes 20:1

In endo kataré witu un duminggu itii, im woondopé' karengan, i rimbengbengpé', si Maria tou Magdala nimangé witi linewengan itii. Ni sia nimilek um watu méipalot u linewengan si Yesus itii é mémoikasoro'.

Yohanes 20:19

In Duminggu wengi itii sé pahtuzu'en ni Yesus é nimaréwok witu um walé, am pepenet um walé itii éng kinusi' pahpaan ni séra é maindé' wia sé tonaas né tou Yahudi. In toro niitu a méyé si Yesus wo rimendai witu un unez néra ang kumua, “Ung kaluasan witu un até é menaté-natér ni kamu!”

Yohanes 20:26

Waluna endo in tumondongé sé pahtuzu'en ni Yesus é riméwok witi walé itii sumaup wo si Tomas éng kimaria ni séra. Im péléng am pepenet kinusi', kumompo'mé si Yesus niméyé wo rimendai witu un unez néra a mahkua, “Ung kaluasan witu un até é menaté-natér ni kamu!”

Kisah Rasul-rasul 16:10

I si Paulus nimilekola niitu, ni kai rengan i nimimekla i mangé witi Makedonia. Pahpaan mengiité um pina'ilek ni Paulus itii, ni kai én timotozla i si Opo Empung én timawah ni kai i mangé mahwoka' u Nuwu' Lé'os tumoro si Yesus wia sé tou witi Makedonia.

Kisah Rasul-rasul 2:42

Ni séra én uli-ulit mahtalinga an tutuzu' ipahtuzu' né aatu ni Yesus wo meréwo-réwok. Wo ni séra kasii sekezé é mahkan wo mahmengaléi mahwali-wali.

Kisah Rasul-rasul 2:46

Wo sekez in endo ni séra én zéi'kan kumana' i meréwo-réwok witi Walé ni Opo Empung wo ni séra én esa genang. Um walé ni esa wo ni esa é mahsasawel im pahangéan néra i mahkan mahwali-wali karia i mahpaa-paaz wo ung genang lé'os.

Kisah Rasul-rasul 20:11

A si Paulus menéka sumaup. Pemété-météngennala u roti ang kuman mahwali-wali. I nimakaapumola, ni sia é nimauré-urépé'ma i nimahnuwu'ma makaz i nimaayahmé. A sia tumula'umé un Troas.

Kisah Rasul-rasul 20:31

Niitumo ni kamu é léwo'zéi' in tuméga-tégam. Gena-genangen, teluna ta'un ung kauréna endo wo wengi ni aku zéi'kan mazéi' i mahsésa wia ni kamu si esa wo si esa karia im pahlué'an.

Kisah Rasul-rasul 20:5

Ni séra é nimapuunama wo nimento' ni kai witi Troas.

Kisah Rasul-rasul 20:9

Wéwéhan si tarétumou makangaran Eutikhus rimumez witu un tétémboan. Pahpaan si Paulus én totoz uré i mahnuwu', si tarétumou itii én totozo i mahtetekel. Ing kamurian a sia katekelanla an ikanawu'mé im witi welah katelu. Ni sia é nimatémo im pinopomé né tou.

Kisah Rasul-rasul 28:23

A séra tumotozla un endo i mahilekan sumaup karia ni Paulus. I méikaayomola witu un endo tinotoz itii, totoz lakez sé tou niméyé witi pahwéha-wéhan ni Paulus. Rengan im woondo makaz im wengindo, si Paulus mahtuzu' wo mahsirita wia ni séra tumoro ung Kakolanoan ni Opo Empung. Wo ni sia kasii mahtututu' i mangun sé tou itii ma'éman tumoro si Yesus mengiité un ukum ni Musa wo ang kitap né nabi.

1 Korintus 10:16

Im witu um perjamuan, ni kita é melep un anggor witu um pengengelepan wo kita kumua u makasé wia si Opo Empung, ung kalakoan niitu, ni kita é nimaesa karia ni Kristus witu un zaha'-Na. Wo i ni kita meni'a-ni'aula u roti ing kuman mahwali-wali, ung kalakoan niitu ni kita é nimaesamo witu un awak ni Kristus.

1 Korintus 15:10

Taan si Opo Empung timambéré ung kamang wia ni aku makaz ni aku in tarékan é niéndo aatu ni Yesus, makaz ung kamang méitambér-Na wia ni aku ém wéwéhan torona. Lumouspé'mé niitu, im wia sé aatu-Na, ni aku si totoz nima'ulit i mahpaayang taan sé aatu walina. Taan am pinaayangku itii, zéi'kan pahpaan ung ketezku in esa, taan pahpaan ung kamang méitambér ni Opo Empung wia ni aku makaz ni aku makawawa i maayang am paayangen itii.

1 Korintus 16:2

Sekez in duminggu itampas nioula an zoit mengiit ang kinailekan niou wo ilé'osla. Pahwangunen nioula téntu, tia' ni aku i mawanamokala taré kamu ruméwok an zoit.

2 Timutius 4:2

Ipahwoka'la u Nuwu' ni Opo Empung, zozo' in endo wangun kaapa endo léwo', ni ko é mimekla i mangé mahwoka' u Nuwu' ni Opo Empung. Ipapata'ula ang kasumalaan, pahséro'ela wo pahsésaala sé tou karia péléng ung kaezenan wo an tutuzu' ulit.

Wahyu 1:10

Witu un endo i mahragés wia si Opo Empung, ni aku éng kinawasa ni Roh-Na. In toro niitu, talingangkumé un zani totoz rimez un tanu zanina um pontuang witu u muriku.