Kisah Rasul-rasul 20:6 - Taaz Weru Witu u Nunuwu'en Tombulu

⁶ Ing kimawusoma un endo mahpésta Roti Zéi'kan Rinagian, a ni kai suméngkota timula'uma u Filipi a mangé witi Troas. Limana endo ung kauréna ni kai i siméngkot an ikaayola witi Troas a mahilekala karia néra. Pituna endo ung kauréna ni kai i nimento' witu.

Kisah Rasul-rasul 20:6 Iomraidhean Croise

Kisah Rasul-rasul 12:3

I niilekla ni Herodes um pahwangunenna éng kapaaz né tou Yahudi, a sia matuma tou kasii i matumion si Petrus. In toro niitu én endo mahpésta Roti Zéi'kan Rinagian.

Kisah Rasul-rasul 16:10

I si Paulus nimilekola niitu, ni kai rengan i nimimekla i mangé witi Makedonia. Pahpaan mengiité um pina'ilek ni Paulus itii, ni kai én timotozla i si Opo Empung én timawah ni kai i mangé mahwoka' u Nuwu' Lé'os tumoro si Yesus wia sé tou witi Makedonia.

Kisah Rasul-rasul 16:12

Im witi Neapolis a ni kai lumampang mangé witi Filipi. Um wanua tua'na itii én totoz ipahpuu-puuna im witi tana' Makedonia, wo kasii um wanua tua'na itii éng kinawasa né pemerénta Romawi. Im witu ni kai é nimento'mé woopirana endo.

Kisah Rasul-rasul 16:8

Niitumo ni séra é limangkoi umané u Misia an ikaayola witi Troas.

Kisah Rasul-rasul 20:16

Pahpaan si Paulus é merewe-rewek wo sia toro ikaayoma witi Yerusalem in endo wangko' Pentakosta, niitumo ni sia én timotozola in zéi'kan timulima witi Efesus, wo sia zéi'kan tumia' un témpona im witi Asia.

Kisah Rasul-rasul 20:5

Ni séra é nimapuunama wo nimento' ni kai witi Troas.

Kisah Rasul-rasul 21:4

Im witu, ni kai é nimangémé wia sé tou ma'éman witu a mento'la karia néra pituna endo ung kauréna. Si Roh Lenas é mapata'u wia sé tou ma'éman witu i sumésa wia si Paulus wo sia tia'mo mahaangé witi Yerusalem.

Kisah Rasul-rasul 21:8

Masandomé a ni kai tumula'umé um wanua tua'na itii an ikaayoma witi Kaisarea. Im witu ni kai é nimahento'mé witu um walé ni Filipus si mahwoka' u Nuwu' Lé'os tumoro si Yesus, si esaané im wia sé pitu tou sé pinéléng im witi Yerusalem.

Kisah Rasul-rasul 28:14

Im witu, ni kai nimahilekan karia né katuari esa pa'émanen wo pahpaan im pinahaléi nérala, ni kai é nimento' karia néra pituna endo. Tumondong niitu a ni kai mangé witi Roma.

Filipi 1:1

Um pinantik kenu ém wia ni aku Paulus wo si Timotius a mangé. Ni kai én ata ni Kristus Yesus. Um pinantik kenu én iwéhé wia sé tou linenas ni Opo Empung pahpaan nimaesa karia ni Kristus Yesus sé witi Filipi wo wia sé tonaas né jamaat wo wia sé diaken.

1 Tesalonika 2:2

Kata'uan niouo kasii, puunala kai i niméyé wia an Tesalonika, ni kai é zinézéhamé wo pinahséro'ané im witi Filipi. Taan zozo' lakez sé tou mahsaru ni kai, si Opo Empungta é simawang ni kai akaz ni kai zéi'kan maindé' i mahwoka' u Nuwu' Lé'os-Na im wia ni kamu.

2 Timutius 4:13

Sa ko méyémo wia'i, pahalimpé'mé ung karai papasu'angku u méitula'ukumé witi walé ni Karpus witi Troas. Pahalin kangkasiimé am pinantikku, wo totoz tia' kaliu-liuzan a méipantik wana ang kawal.