Kisah Rasul-rasul 20:3 - Taaz Weru Witu u Nunuwu'en Tombulu

³ In teluna loloho'eno mahento' witu, a sia mahséséngkot mangé witi Siria. Taan in toro niitu sé tou Yahudi nimaesaanola i mahwuwunu' ni sia. Niitumo, ni sia timotozla i mawuri sumaup kimiité witi Makedonia.

Kisah Rasul-rasul 20:3 Iomraidhean Croise

Matius 4:24

An ikaolanga u sirita tumoro si Yesus wana péléng an tampa witi Siria. Niitumo sé tou mahwalimé péléng sé tou saki, sé tou totoz zézéha pahpaan a saki néra an zéi'mo kaezenan, sé tou sinelazan né sétang, sé mati-mati ayang wo sé lailai, a séra pakalé'osena ni Yesus.

Kisah Rasul-rasul 16:12

Im witi Neapolis a ni kai lumampang mangé witi Filipi. Um wanua tua'na itii én totoz ipahpuu-puuna im witi tana' Makedonia, wo kasii um wanua tua'na itii éng kinawasa né pemerénta Romawi. Im witu ni kai é nimento'mé woopirana endo.

Kisah Rasul-rasul 16:9

I nimawengimola, wéwéhan u méipapailek ni Mahpiara wia si Paulus. Ni sia nimilek si tou Makedonia rimendai wo mekitulung wia ni sia, kuana, “Méyépé' wia'i wo tulungené kai.”

Kisah Rasul-rasul 18:18

Si Paulus ém woopirana endopé' i nimahento'mé witi Korintus. A sia tumuzu'la wia sé katuari esa pa'émanen witu, a suméngkota witi Siria karia ni Priskila wo ni Akwila. Im witi Kengkrea si Paulus é limo'gasla um wuukna pahpaan un taazna wia si Opo Empung.

Kisah Rasul-rasul 19:21

Kumawusa u nimamuali itii, si Roh nimangun si Paulus timotozla i mangé witi Yerusalem kimiita u Makedonia wo u Akhaya. Kuana, “Sa nimangémomé witi Yerusalem, ni aku kangkasii é léwo'zei' i mangé witi Roma.”

Kisah Rasul-rasul 20:1

Ing kimana'mola u rikoka' witi Efesus, tawahené ni Paulus sé tou ma'éman witu wo nimenté' un até néra. A sia tumuzu'la a mangé witi Makedonia.

Kisah Rasul-rasul 20:19

Karia i roros até ni aku mahpaayang wia si Mahpiara. Ni aku i mahpaayang wia ni Sia, makalakez ém pahlué'an wo kasii makalakez nimasungkulan karia am pema'wa'en wo am pahmualin né tou Yahudi i mahwuwunu' ni aku.

Kisah Rasul-rasul 20:2

Ni sia é mahliklik am wanua witi tana' Makedonia wo lakez a sésésana wia sé katuari esa pa'émanen witu i maheenté' un até néra. A sia ikaayola witi Yunani.

Kisah Rasul-rasul 21:3

Zéi'kan uré, ileken naima ung katanaan Siprus witu ung kawihi nai, taan u londéi tua'na sinakéan nai é limangkoi umané witu a mangé witi Siria. Ing kamurian, ni kai é méikaayola witi Tirus, pahpaan a méisaké witu u londéi tua'na itii é léwo'zéi' itumpa witu.

Kisah Rasul-rasul 25:3

Ni séra totoz mahaléi wia si gubernur i mapaileké u lé'osna wo si Paulus toro ipahwalimé witi Yerusalem. Pahaléien néra téntu pahpaan ni séra éng gimenang i munu' si Paulus witi lalan.

2 Korintus 1:15

Pahpaan totoz kata'uangku, ni kai é nimaéndo pahloo-looz niou, niitumo ni aku gimenang i mangé wia ni kamu wo ni kamu makailek makazuamé ung kamang méitambér ni Opo Empung.

2 Korintus 11:26

Im wana am pahlampangangku ni aku é makalakez masungkul un toro mangun ni aku ikaléwo' wana a lewuh, ikaléwo' pahpaan sé mahkahat an anu né tou, ikaléwo' pahpaan sé tou Yahudi wo sé tou zéi'kan Yahudi, ikaléwo' wana am wanua tua'na, ikaléwo' wana ang kapelasan, ikaléwo' witi unez un tasik, wo kasii ikaléwo' pahpaan sé tou sé mahkua ing katuari esa pa'émanen wia si Opo Empung taan ndéén zéi'kan.

2 Korintus 7:5

I méikaayola witi Makedonia, ni kai én zéi'kan siapa oras ing kumana'. Lakez an zézéha pahsarun nai: Sé tou mahsaru ni kai wo un indé' witu un tou nai.

Galatia 1:21

Tumondong niitu a ni aku mangé wana an tana' witi Siria wo witi Kilikia.