Kisah Rasul-rasul 20:12 - Taaz Weru Witu u Nunuwu'en Tombulu

¹² Karegas niitu, sé tou nimahwalima si tarétumou si méikanawu'mé itii nimangé witi waléna wo ni séra péléng én totoz mahpaa-paaz pahpaan ni sia é menou-noupé'.

Kisah Rasul-rasul 20:12 Iomraidhean Croise

Kisah Rasul-rasul 20:11

A si Paulus menéka sumaup. Pemété-météngennala u roti ang kuman mahwali-wali. I nimakaapumola, ni sia é nimauré-urépé'ma i nimahnuwu'ma makaz i nimaayahmé. A sia tumula'umé un Troas.

Kisah Rasul-rasul 20:13

Tumondong niitu, ni kai nimapuunama i masimaké witu u londéi tua'na a mangé witi Asos. Ni kai nimangé witu i masumungkul si Paulus tanu ung ginenangna, pahpaan ni sia i mangé witu éng kimiité ung katanaan.

2 Korintus 1:4

Si Opo Empung si nimenté' un até nai im wana péléng an zézéha pengalin nai, wo karia ung kaenté'an un até méiwéhé-Namé, akaz ni kai makawawa mahenté' un até né tou walina im wana an zézéha pengalin néra.

Efesus 6:22

Si Tikhikus méiatukuma mangé wia ni kamu péléng i makumua tumoro a mahmuali wia ni kai wo sia toro menté' un até niou.

1 Tesalonika 3:2

An iatu naima si Timotius i mangé wia ni kamu. Ni sia éng katuarita esa pa'émanen wo kapaayang nai i mahpaayang wia si Opo Empung i mahwoka' u Nuwu' Lé'os tumoro si Kristus. Ni sia méiatu naima i mamenté' un até niou wo sumésa wia ni kamu, wo kaenté'na um pa'émanen niou.

1 Tesalonika 4:18

Pahpaano niitu, ni kamu si esa wo sé walina é léwo'zéi' i maheenté'an un até karia an tutuzu' kenu.

1 Tesalonika 5:11

Pahpaano niitu, ni kamu si esa wo sé walina é léwo'zéi' mahsésésaala wo maheenté'ala un até, tanu am pahwangunen niou makaz in tarékan.

1 Tesalonika 5:14

Katuari-katuari, pahaléien nai kasii wia ni kamu im pahnuwu'ala lé'os sé tou soo maayang, enté'ela un até né tou maindé', pahsawangala sé tou wangun i sawangan wo mezenla im wia péléng sé tou.

2 Tesalonika 2:16

Mengalé-ngaléi uman si Yesus Kristus Mahpiarata wo si Opo Empung Ama'ta, si rimaraatémola ni kita wo nimenté'mola un atéta makaz ing kauré-uré wo nimangunola ni kita ezen i ma'ento' am wangun mengiité ung kamang tatambér-Na,