Kisah Rasul-rasul 2:5 - Taaz Weru Witu u Nunuwu'en Tombulu

⁵ In endo mahpésta itii, lakez sé tou Yahudi sé uli-ulit mahragés wia si Opo Empung, sé siméngkot wana péléng am wanua wia ung kaayahan é niméyé witi Yerusalem.

Kisah Rasul-rasul 2:5 Iomraidhean Croise

Matius 24:14

U Nuwu' Lé'os tumoro ung Kakolanoan ni Opo Empung kenu én ipakawoka' wia péléng sé tou wia ung kaayahan wo péléng sé tou toro tumalinga wo mata'u. Kumawusa niitu, taré ikaayola witu ung kaakazan ung kaayahan.”

Lukas 17:24

Pahpaan kuramo un tila'pong i sumena'mé witi langit u mahsena' nimapalambo'ma witu um pondol kasaru makaz wana am pondol walina, téntumo u mamuali witu un endo si Oki' ni Tou i méyé.

Lukas 2:25

In toro niitu im witi Yerusalem ém wéwéhan si tou makangaran Simeon. Ni sia én tou ulit wo mahkiit uman am paaz ni Opo Empung wo mengento-ngento' un oras ni Opo Empung i milot sé tou Israel. Si Roh Lenas én totoz memali-mali kariana.

Lukas 24:18

Si esaané im wia ni séra si makangaran Kleopas, mingkotla ni Sia, “Woo ni Ko uman si tou limepuh umané im wia u Yerusalem kenu si zéi'kan mata'u a nimamualima wana an endo ing kamurian kenu?”

Yohanes 12:20

Im wia sé tou marumagés wia si Opo Empung im witu un endo mahpésta itii ém wéwéhan sé woopira tou Yunani.

Kisah Rasul-rasul 10:2

Ni sia é mahtali-talinga wia si Opo Empung. Ni sia wo sé sana awuna é maindé' si Opo Empung. Lakez a sasawang ipahwéhéna wia sé tou Yahudi, wo kangkasii sekezé é mahmengaléi wia si Opo Empung.

Kisah Rasul-rasul 10:7

I si malaekat si nimuwu'ma wia si Kornelius timula'umoma ni sia, an tawahenamé sé zua pahayoanna wo si suraro si mahtali-talinga wia si Opo Empung si sekezé memali-mali kariana.

Kisah Rasul-rasul 13:50

Taan sé tou Yahudi é mahaker sé wéwéné pahsigi-sigi'en sé maindé' si Opo Empung wo sé tonaas witu um wanua tua'na itii. Ni séra zimézéha si Paulus wo si Barnabas wo nimohomé ni séra zua im witi tana' itii.

Kisah Rasul-rasul 2:1

Im witu un endo wangko' Pentakosta, péléng sé tou ma'éman wia si Yesus é nimaréwok witu um walé.

Kisah Rasul-rasul 22:12

Im witu ém wéwéhan si tou makangaran Ananias. Ni sia uli-ulit mahkiit un ukum Torat, wo kata'uan péléng né tou Yahudi sé mahento' witu in tou lé'os.

Kisah Rasul-rasul 8:2

Wo im witu kangkasii ém wéwéhan sé tou sé mahtali-talinga wia si Opo Empung. Ni séra malimewengé un awak ni Stefanus wo ni sia én ipahamé' néra karia i mahkérét.

Kisah Rasul-rasul 8:27

Kaitalingamé niitu, si Filipus é rengan i nimangé. Karegas i mahlampang, ilekennama si tou Etiopia si nimangémé witi Yerusalem i marimagésé. Si tou Etiopia itii én tou ipahpuu-puuna wo tonaas né mengingimek an zoit ni kolano wéwéné Kandake. Si Kandake kenu éng kolano wéwéné né tou witi tana' Etiopia.

Kolose 1:23

Niitumo, ni kamu én tia'mo kumana' i ma'éman wo tia'mo mahzua-zua genang. Ni kamu én uli-ulit ma'émanla wo tia' ipahtutula'u um pahéré'an niou witu u Nuwu' Lé'os tumoro si Yesus, un tinalinga niouo itii. U Nuwu' Lé'os itii é méikawoka'mo wia ung kaayahan, wo ni aku, Paulus, si mahpaayang a méiatu ni Opo Empung i mapata'u u Nuwu' Lé'os tumoro si Yesus itii.