Kisah Rasul-rasul 2:41 - Taaz Weru Witu u Nunuwu'en Tombulu

⁴¹ Sé tou niméhé genang witu u méikua ni Petrus é niméhéla un tou néra i sinarani. Im witu un endo itiikan, sé tou ma'éman wia si Yesus éng kinaawesan woo teluna riwu tou.

Kisah Rasul-rasul 2:41 Iomraidhean Croise

Yohanes 14:12

Uli-ulit ikua-Kuma wia ni kamu: Séi uman si ma'éman ni Aku, ni sia é mamaayang am pahpaayangeng-Ku. Wo zéi'kan uman niitu, ni sia kangkasii é maayang am paayangen lumouspé'mé niitu, pahpaan ni Aku é mangé wia si Ama'.

Yohanes 21:11

Si Simon Petrus sumakéma witu u londéi ang kéhongenamé u lolombo' itii méitembiré. U lolombo' itii é mawuta-wuta sé seza' tua'na, sé sana atus limana pulu' wo telu ung kalakezna wo zozo' in téntu u lolombo' itii én zéi'kan nimarentas.

Kisah Rasul-rasul 1:15

I sana endo, sé katuari esa pa'émanen é nimaréwok. Ung kalakez néra ém woo sana atus wo zuana pulu' tou. A si Petrus rumendaila witu un unez néra ang kumua,

Kisah Rasul-rasul 13:48

Tumalingamé niitu, péléng sé tou zéi'kan Yahudi é mahpaa-paaz karia i mahsigi' wo mahlooz u nuwu' ni Opo Empung. Tumondong niitu, péléng sé tou sé tinotozo ni Opo Empung i makailek ung katou-touan makaz ing kauré-uré é nima'éman.

Kisah Rasul-rasul 2:37

In timalingala niitu péléng, ni séra én totoz mene'sel a meligau wia si Petrus wo sé aatu walina, “Katuari-katuari, apa u léwo'zéi' im wangunen nai?”

Kisah Rasul-rasul 2:47

Ni séra é mahlooz si Opo Empung wo ni séra kasii éng kapaaz né tou lakez. Wo sekez in endo ung kalakez né tou méipilot im witu un ukuman wana a singkéla' ém pahawesan ni Opo Empung.

Kisah Rasul-rasul 27:37

Kalakez nai im witu u londéi tua'na itii én zuana atus pituna pulu' wo enem tou.

Kisah Rasul-rasul 3:23

Séi si zéi'kan mahwéhé genang im wana an ipahkua ni nabi itii, si tou itii ém patampasen im wia sé tou ni Opo Empung wo mawunu'en.

Kisah Rasul-rasul 4:4

Taan im wia sé tou timalinga an tutuzu' itii é lakez sé nima'éman, taka-takazan sé tou ma'émano, sé tuama é nimaéndomoma woo limana riwu tou.

Kisah Rasul-rasul 7:14

A si Yusuf matuma i mangémé si Yakub ama'na wo péléng sé katuarina i mamento' witi Mesir. Ung kalakez néra péléng ém pituna pulu' wo lima tou.

Roma 13:1

Péléng sé tou é léwo'zéi' i mahtali-talingala wia sé pemerénta, pahpaan zéi'kan siapa pemerénta sé zéi'kan wia si Opo Empung a méyé wo péléng sé pemerénta én tinotoz ni Opo Empung.

1 Tesalonika 1:6

Ni kamu é nimahkérémola wia ni kai wo nimahkérémola wia si Yesus Mahpiara. Zozo' ni kamu én totoz zézéha, ni kamu é simungkul u Nuwu' ni Opo Empung un ipahtuzu' nai wia ni kamu karia u mahpaa-paaz u méiwéhémé ni Roh Lenas.

1 Petrus 3:20

Sé roh itii é roh né tou sé soo mahtali-talinga si Opo Empung im witu un oras ung katou-touan ni Nuh. In toro niitu si Opo Empung én ezen i ma'ento' sé tou in tumula'ula a singkéla' néra, karegas si Nuh i mahwangun u londéi tua'na. Taan toyo' uman sé tou nimuntep witu u londéi tua'na itii, ni séra ém walu uman sé tinulung ni Opo Empung im witu un ampuhan.

Wahyu 16:3

Si malaekat kazua mamuwu'mé witi tasik u méitahu' witu un eelepan um wia ni sia. A mamualima zaha' un zano witi tasik tanumokan un zaha' ni tou nimatémo wo péléng sé menou-nou witi tasik é nimaté.