Kisah Rasul-rasul 2:4 - Taaz Weru Witu u Nunuwu'en Tombulu

⁴ A si Roh Lenas kumawasala wia ni séra péléng. Tumondong niitu, a séra méhé i mahnuwu' karia a nunuwu'en walina, mengiit a méiwéhémé ni Roh Lenas wia ni séra.

Kisah Rasul-rasul 2:4 Iomraidhean Croise

Matius 10:19

Sa kamu iayo nérala, tia'mo ikaarét niou tumoro kura wo apa a léwo'zéi' in ikua niou. Pahpaan in toro niitukan niana péléng én itambér wia ni kamu.

Markus 16:17

Sé tou ma'éman é mangun a makakompo'en kenu: Moho sé sétang karia u ngaran-Ku, mahnuwu' a nunuwu'en walina an zéi'kampé' pinahnuwu-nuwu' nérala,

Lukas 1:15

Pahpaan ni sia ém wangunen ni Opo Empung maéndo tou wangko'. Ni sia én zéi'kan mahelep anggor kaapa an eelepen walina a menewelen. Wo kasii ni sia im pahawa-awakempé', si Roh Lenas éng kimawasamo wia ni sia,

Lukas 1:41

I si Elisabet timalingamé u sigi' ni Maria, si koki' pahawa-awaken ni Elisabet é rengan nimogémé, wo si Elisabet éng kinawasa ni Roh Lenas.

Lukas 1:67

Kumawusa niitu, si Zakharia si ama' ni Yohanes éng kinawasa ni Roh Lenas. An ikuala ni Zakharia u méikua ni Opo Empung wia ni sia,

Lukas 12:12

Pahpaan in toro niitukan, si Roh Lenas én tumuzu' wia ni kamu u léwo'zéi' in ikua niou.”

Lukas 21:15

Pahpaan ni Aku in esa si mapata'u wia ni kamu a nunuwu'en mawuta-wuta karia ang katulapan in iwingkot niou, wo sé kakoro' niou zéi'kan makawingkot um pahkua niou kaapa sumaru ni kamu.

Lukas 4:1

Si Yesus nimawurimomé im witi so'so'an Yordan, ni Sia éng kinawasa ni Roh Lenas. Si Roh Lenas mahwalima si Yesus witi kapelasan.

Yohanes 14:26

Taan si Roh Lenas, si Menunulung, si iatumé ni Ama'-Ku mengiité u ngaran-Ku, ni Siamo si matumuzu' ni kamu péléng am péléng wo mapagenang wia ni kamu péléng a mémoikua-Ku wia ni kamu.

Yohanes 20:22

Makakuama niitu a Sia sumengoma wia ni séra wo mahkua, “Sungkulenola si Roh Lenas.

Kisah Rasul-rasul 1:5

Pahpaan im puuna si Yohanes menanarani é mahsarani karia un zano, taan zéi'mo mauréma ni kamu é saranin karia ni Roh Lenas.”

Kisah Rasul-rasul 1:8

Taan si Roh Lenasokan si tumumpamé wia ni kamu wo ni kamu makailek ung kawasa. Tumondong niitu, ni kamu sé makumua um pina'ilek wo tinalinga niou tumoro ni Aku wo matumuzu' wia sé tou witi wanua tua'na Yerusalem, witi péléng an tana' Yudea wo Samaria makaz witi pondol ung kaayahan.”

Kisah Rasul-rasul 10:46

Pahpaan ni séra é mahtalingamé sé tou itii i mahnuwu' karia a nunuwu'en méiwéhé ni Roh Lenas wia ni séra wo mahlooz si Opo Empung. Ang kuan ni Petrus,

Kisah Rasul-rasul 10:47

“Pina'ilek niouoma in esa! Ni séra é nimakaileko si Roh Lenas masuat wo si kinailekanta. Niitumo in tarékan, apa ni séra zéi'kan mata'u saranin karia un zano?”

Kisah Rasul-rasul 11:15

I ni aku mahnuwu'ma wia ni séra, an tumumpamé si Roh Lenas wia ni séra tanu u nimamuali wia ni kita i makasa.

Kisah Rasul-rasul 11:24

Pahpaan si Barnabas itii én tou totoz lé'os, ni sia én totoz kinawasa ni Roh Lenas wo totoz ma'éman wia si Mahpiara, niitumo lakez sé tou timalinga ni sia é nima'éman wia si Mahpiara.

Kisah Rasul-rasul 13:52

Sé mahkiit-kiit si Yesus sé witi Antiokhia én totoz mahpaa-paaz wo kinawasa ni Roh Lenas.

Kisah Rasul-rasul 13:9

Taan si Saulus si pahkuan kangkasii im Paulus si kinawasa ni Roh Lenas é nimerena wia ni sia,

Kisah Rasul-rasul 15:8

Si Opo Empung si mata'u péléng an até né tou é nimapaileko i sé tou zéi'kan Yahudi é sinungkul-Namo. Ni Sia simungkul ni séra karia i niméhéma si Roh Lenas tanu si méiwéhé-Namé wia ni kita.

Kisah Rasul-rasul 19:6

I si Paulus zimeta'la u lengenna witu un atas néra, an tumumpamé si Roh Lenas wia ni séra. A séra rengan i mahnuwu' karia a nunuwu'en a méiwéhémé ni Roh Lenas wo kasii mahkua a méikuamé ni Opo Empung.

Kisah Rasul-rasul 2:11

tou Yahudi wo zéi'kan tou Yahudi taan mahkiito um pa'émanen né Yahudi. Wo wéwéhan kasii sé tou Kreta wo tou Arab. Ni kita péléng é mahtalingamé ni séra i mahnuwu' karia a nunuwu'enta tumoro am winangun ni Opo Empung am wangko'.”

Kisah Rasul-rasul 2:3

An ileken nérama an api tanumokan a lila' a méikasera mahta'sama i mahtumpama wia ni séra.

Kisah Rasul-rasul 4:31

Karegas i mengaléi, un tampa kinaréwokan néra é mahogémo. Ni séra péléng éng kinawasamo ni Roh Lenas, a séra mahwoka' u Nuwu' ni Opo Empung karia in zéi'kan siapa un ikaindé'.

Kisah Rasul-rasul 4:8

A si Petrus si kinawasa ni Roh Lenas mingkotla in téntii, “É kamu in tonaas wo pahtutu'an né tou Yahudi,

Kisah Rasul-rasul 6:3

Niitumo katuari-katuari, tawimo kamu i méléngla sé pitu tou im wia ni kamu. Ni séra é léwo'zéi' in tou lé'os, tulap wo kinawasa ni Roh Lenas. Sé tou kenu ém wéhan nai um paayangen i mahimek am pemandungen i mendo-endo,

Kisah Rasul-rasul 6:5

A méikuamé itii é niénéala péléng né tou ma'éman. A séra méléngla sé pitu tou kenu: si Stefanus si totoz ma'éman wia si Yesus wo kinawasa ni Roh Lenas, wo si Filipus, si Prokhorus, si Nikanor, si Timon, si Parmenas, wo si Nikolaus si zéi'kan tou Yahudi taan kimiitola um pa'émanen né tou Yahudi, ni sia ém witi Antiokhia a méyé.

Kisah Rasul-rasul 6:8

Si Stefanus, si mawuta-wuta karia ung kamang méitambér wo ung kawasa ni Opo Empung, mahwangun a makakompo'en wo an zéi'mo kakuaan im wia sé tou lakez.

Kisah Rasul-rasul 7:55

Taan si Stefanus si kinawasa ni Roh Lenas é limoho'ma witi langit an ilekennama ung kawangko'an ni Opo Empung, wo si Yesus si rimendai witu ung kakan ni Opo Empung.

Kisah Rasul-rasul 8:17

Tumondong niitu, si Petrus wo si Yohanes é zimeta'la a lengen néra wia sé tou Samaria itii a séra makailekla si Roh Lenas.

Kisah Rasul-rasul 9:17

A si Ananias mangé witi walé pahento'an ni Saulus a muntepa witu. I nimahilekanola karia ni Saulus, si Ananias zimeta'ma u lengenna wia si Saulus ang kumua, “Saulus, katuariku, si Yesus Mahpiara si nimatu ni aku i méyé wia ni ko. Ni Sia si nimapailek un tou-Na wia ni ko witi lalan i mahéyé wia'i. Ni Sia si nimatumé ni aku i méyé wia ni ko wo ko toro milek sumaup wo mawuta-wuta ung kawasa ni Roh Lenas.”

Roma 15:13

Mengalé-ngaléi uman si Opo Empung, si mahwéhémé am pahéré'an é méhémé malake-lakez wia ni kamu u mahpaa-paaz wo ung kaluasan witu un até pahpaan ni kamu ma'éman wia ni Sia. Wo karia ung kawasa ni Roh Lenas, um pahéré'an niou é malake-lakez wia si Opo Empung.

1 Korintus 12:10

Wo wia si tou, si Roh Lenas timambér i makawawa mangun a makakompo'en. Wo wia si tou walina, si Roh Lenas én timambér u makawawa i mahkua wia sé tou a méikuamé ni Opo Empung wia ni sia. Wia si tou walina, si Roh Lenas itii kangkasii én timambér u makawawa i mata'u un tatambér ém wia si Roh Lenas a méyé kaapa zéi'kan. Wo wia si tou, si Roh Lenas én timambér i makawawa mahnuwu' karia u nunuwu'en un akaz uman si Roh Lenas si mata'u, wo wia si tou walina én tinambéran u makawawa ing kumua ung kalakoan u nunuwu'en itii.

1 Korintus 13:1

Zozo' ni aku toro mahnuwu' karia a nunuwu'en né tou wo a nunuwu'en né malaekat, taan sa ni aku zéi'kan rumaraaté sé tou walina, ni aku én tanu uman an zanina an tambor wo an téténgkoren um wayaan uman téngkoren, zéi'kan siapa torona.

1 Korintus 13:8

U rumaraaté itii én zéi'kan mazéi'. Taan un tatambér u makawawa i mahkua wia sé tou a méikuamé ni Opo Empung é mazéi'. Téntu kangkasii un tatambér u makawawa i mahnuwu' karia a nunuwu'en un akaz uman si Roh Lenas si mata'u ung kalakoan niitu é mazéi'. Wo un tatambér i lakez ang kata'uan é mazéi'.

1 Korintus 14:18

Ni aku éng kimua u makasé wia si Opo Empung, pahpaan niakupé' si makalakez mahnuwu' karia u nunuwu'en un akaz uman si Roh Lenas si mata'u niitu taan ni kamu.

1 Korintus 14:5

Kapaazku, ni kamu péléng in jamaat én tambérané u makawawa i mahnuwu' karia a nunuwu'en un akaz uman si Roh Lenas si mata'u. Taan un totozpé' kasii kapaazku, ni kamu én tinambéran u makawawa i mahkua wia sé tou u méikuamé ni Opo Empung wia ni kamu. Pahpaan si tou makawawa i mahkua wia sé tou a méikuamé ni Opo Empung wia ni sia, ni siapé' si wéwéhan torona im wia sé jamaat taan si tou mahnuwu' karia a nunuwu'en un akaz uman si Roh Lenas si mata'u. Taan sa si tou mahnuwu' karia a nunuwu'en un akaz uman si Roh Lenas si mata'u wo mahkua ung kalakoan a nunuwu'en itii, ni sia én toro mahenté' um pa'émanen né jamaat.

Efesus 3:19

Wo ni kamu kasii toro mendan u raraatéan itii u limangkoi péléng ang kata'uan né tou. Ni aku mengaléi, wo ni kamu malekep wana péléng am péléng tanu si Opo Empung.

Efesus 5:18

Tia'mo kamu matewelen pahpaan un anggor, pahpaan niitu é luméwo' uman ung katou-touan niou. Taan, tawimo ni kamu kinawasa ni Roh ni Opo Empung.

Efesus 6:18

Wangunenola niana péléng karia i mengaléi wia si Opo Empung i sumawang ni kamu. Mengaléila karia ung kawasa ni Roh Lenas sekez in endo, tuméga-tégam wo tia' mahkana' i mengaléi. Tuméga-tégam i mengaléi wo tia'mo mazéi' i mahpengaléi sé tou linenas ni Opo Empung.

1 Petrus 1:12

Sé nabi itii éng kinuaan sa am pahtata'un néra én zéi'kan méipapata'u in tumulung uman un tou néra in esa, taan in tumulung ni kamu. Sé nabi itii éng kinawasa ni Roh Lenas si witi kasendukan a méyé i mapata'u u Nuwu' Lé'os tumoro si Yesus wia ni kamu. A méipahtuzu' nérama itiimo ang kapaaz né malaekat im pahtata'un.

2 Petrus 1:21

Pahpaan zéi'kan kawisa a méikuamé ni Opo Empung wia sé nabi é nimamuali witu ung ginenang né tou, taan niitu é nimamuali pahpaan si Roh Lenas si kimawasa wia sé tou sé mahnuwu' u Nuwu' ni Opo Empung.