Kisah Rasul-rasul 2:3 - Taaz Weru Witu u Nunuwu'en Tombulu

³ An ileken nérama an api tanumokan a lila' a méikasera mahta'sama i mahtumpama wia ni séra.

Kisah Rasul-rasul 2:3 Iomraidhean Croise

Matius 3:11

Ni aku é mahsarani ni kamu karia un zano, un tumuzu'mé ni kamu én timula'umola a singkéla' niou. Taan ni Sia si tumondongé ni aku, ni Siapé' si mahkawasa taan ni aku. Maan i muka uman u sapatu-Na, ni aku én zéi'kan wangun. Ni Sia masumarani ni kamu karia si Roh Lenas wo un api.

Matius 3:15

Ang kuan ni Yesus wia ni sia, “Iwayamola ni ko si sumaranimé ni Aku. Pahpaan karia i nimangunla niitu, ni kita é nimangunola péléng um paaz ni Opo Empung.” Kaitalingamé niitu, a si Yesus saraninala.

Lukas 24:32

A si esa wo si esa mahkua, “Niitumo ndéén ni kita i mahlampang, un atéta éng kawua-wuayana i ni Sia mahsirita kariata im witi lalan ing kataré, i ni Sia nimapata'u tumoro um Pinantik Lenas wia ni kita.”

Kisah Rasul-rasul 1:15

I sana endo, sé katuari esa pa'émanen é nimaréwok. Ung kalakez néra ém woo sana atus wo zuana pulu' tou. A si Petrus rumendaila witu un unez néra ang kumua,

Kisah Rasul-rasul 2:11

tou Yahudi wo zéi'kan tou Yahudi taan mahkiito um pa'émanen né Yahudi. Wo wéwéhan kasii sé tou Kreta wo tou Arab. Ni kita péléng é mahtalingamé ni séra i mahnuwu' karia a nunuwu'enta tumoro am winangun ni Opo Empung am wangko'.”

Kisah Rasul-rasul 2:2

Kumompo'mé talingané ém wéwéhan un zani witi langit un tanumokan a reges repet, taka-takazan um walé rinéwokan néra itii é mawuta-wuta karia un zani itii.

Kisah Rasul-rasul 2:4

A si Roh Lenas kumawasala wia ni séra péléng. Tumondong niitu, a séra méhé i mahnuwu' karia a nunuwu'en walina, mengiit a méiwéhémé ni Roh Lenas wia ni séra.

1 Korintus 12:10

Wo wia si tou, si Roh Lenas timambér i makawawa mangun a makakompo'en. Wo wia si tou walina, si Roh Lenas én timambér u makawawa i mahkua wia sé tou a méikuamé ni Opo Empung wia ni sia. Wia si tou walina, si Roh Lenas itii kangkasii én timambér u makawawa i mata'u un tatambér ém wia si Roh Lenas a méyé kaapa zéi'kan. Wo wia si tou, si Roh Lenas én timambér i makawawa mahnuwu' karia u nunuwu'en un akaz uman si Roh Lenas si mata'u, wo wia si tou walina én tinambéran u makawawa ing kumua ung kalakoan u nunuwu'en itii.

Yakobus 3:6

U lila' kangkasii én tanu un api. Im witu un touta, péléng a léwo' ém witu u lila' a lumangkowa wana péléng un awakta. Niitu u mangun ni kita i mahmuali a léwo'. Pahpaan un api itii ém witi naraka a méyé u méluma'ung ung katou-touanta.

Wahyu 11:3

Ni Aku é matu sé zua tou sé nimilek wo timalinga a méikua-Ku, i makumua a méi'kua-Ku itii, karia ing kimarai ung karai zemdem, ung kauréna é sana riwu zuana atus wo enemna pulu' endo.”

Wahyu 14:6

An ilekengkuma si malaekat walina menéwé-néwél witi langit. Ni sia é nimahalimé u Nuwu' Lé'os tumoro si Yesus u makaz ing kauré-uré. U Nuwu' Lé'os itii én iwoka' wia sé tou mahento' wia ung kaayahan wo wia sé tahsasana wanua wo wia sé tahsasana suzu wo wia sé tahsasana nunuwu'en wo wia sé tahsasana réwok mahtuari.