Kisah Rasul-rasul 2:10 - Taaz Weru Witu u Nunuwu'en Tombulu

¹⁰ Frigia wo Pamfilia, Mesir wo an tana' witi Libia u nimarétéan wo ung Kirene, tou Roma sé limepuhmé,

Kisah Rasul-rasul 2:10 Iomraidhean Croise

Matius 2:15

a séra mento'la wana makaz si kolano Herodes nimaté. Péléng niana é nimamuali tanu u méikua ni Opo Empung mengiité si nabi in téntii, “Si Oki'-Ku én tinawah-Ku i mondolé witi Mesir.”

Matius 23:15

Ikaléwo'la ni kamu sé tou tulap un Torat wo ni kamu sé sana réwok tou Farisi, é kamu sé tou mahgau-gau lé'os. Pahpaan ni kamu mahleweta un tasik wo mahliklik ang katanaan i menéro tou zozo' in esa uman ing kumiit um pa'émanen niou. I ni sia mahkiito um pa'émanen niou, ni sia winangun nioula maéndo tou si maiuntep witi naraka, si makazuamé ung kaléwo'an niou.

Matius 27:32

I ni séra mahlampang mondolé im witi wanua tua'na, a séra masungkul si tou witi Kirene a méyé makangaran Simon. Si tou itii tinutu' nérala i masaan u salip ni Yesus.

Markus 15:21

In toro niitu a lumangkoi si tou makangaran Simon, tou Kirene, ama' ni Aleksander wo ni Rufus, si witi wanua walina a méyé, taré mahuuntep witu um wanua tua'na. Ni sia én tinutu' nérala i masaan u salip ni Yesus.

Kisah Rasul-rasul 11:20

Taan im wia sé méikasera itii, wéwéhan sé woopira tou Siprus wo Kirene sé nimangé witi Antiokhia. Im witu, ni séra kasii é nimahwoka'mé u Nuwu' Lé'os tumoro si Yesus Mahpiara wia sé tou zéi'kan Yahudi.

Kisah Rasul-rasul 13:1

In toro niitu, im wia sé jamaat witi Antiokhia ém wéwéhan sé woopira nabi wo méster. Ni séra é si Barnabas, si Simeon pahkuan in Zemdem, si Lukius tou Kirene, si Menahem si rengané ing koki' ém piniara karia ni kolano Herodes, wo kasii si Saulus.

Kisah Rasul-rasul 13:13

A si Paulus wo sé kakariana tumula'umé um Pafos a suméngkota witi Perga um witi Pamfilia. Taan ni séra é méitula'umé ni Yohanes witu a sia mawurima witi Yerusalem.

Kisah Rasul-rasul 13:43

Kumawusa séra i rimagés, lakez sé tou Yahudi karia né tou zéi'kan Yahudi sé maindé' wia si Opo Empung mahkiit si Paulus wo si Barnabas. Sé zua aatu itii é mahtuzu' wo mahsésa wia ni séra wo séra zéi'kan mazéi' i menou-nou niméré' witu ung kamang tatambér ni Opo Empung.

Kisah Rasul-rasul 14:24

Kumawusa niitu, si Barnabas wo si Paulus meméhé-méhé i limampang limiklika péléng un tana' Pisidia an ikaayola witi Pamfilia.

Kisah Rasul-rasul 15:38

taan si Paulus én totoz soo karia mahkua, in zéi'kan wangun mahwali si tou si i makasa én timula'umomé ni séra witi Pamfilia, wo soo kumiit i maayang karia néra.

Kisah Rasul-rasul 16:6

Si Paulus wo sé kakariana é limangkoi umané un tana' Frigia wo tana' Galatia, pahpaan si Roh Lenas siméro'la ni séra i mahwoka' u Nuwu' Lé'os tumoro si Yesus wia sé tou witi Asia.

Kisah Rasul-rasul 17:21

Pahaléien néra téntu, pahpaan péléng sé tou Atena wo sé tou limepuhmé wo sé mahento'mo witu ém paaz mauré-uré in tumalinga kaapa i sumirita apa uman un taré in tarékan talinga nérala.

Kisah Rasul-rasul 18:2

Im witu ni sia é nimahilekan karia ni tou Yahudi makangaran Akwila si tou Pontus. Si Akwila én taré méyé im witi Italia karia ni Priskila si mahayona. Ni séra niméyé pahpaan si kaisar Klaudius é nimerénta wo péléng sé tou Yahudi é léwo'zéi' mondolé im witi Roma. Si Paulus é matimuli witi walé néra.

Kisah Rasul-rasul 18:23

Ni sia nimento' witu ém woopirana endo. A sia malumiklik am wanua witi tana' Galatia wo Frigia i mamenté' un até né tou ma'éman witu.

Kisah Rasul-rasul 2:11

tou Yahudi wo zéi'kan tou Yahudi taan mahkiito um pa'émanen né Yahudi. Wo wéwéhan kasii sé tou Kreta wo tou Arab. Ni kita péléng é mahtalingamé ni séra i mahnuwu' karia a nunuwu'enta tumoro am winangun ni Opo Empung am wangko'.”

Kisah Rasul-rasul 23:11

Masandomé im wengi, si Yesus Mahpiara mérimendai witu u rété ni Paulus ang kumuama wia ni sia, “Enté-enté'en un atému. Pahpaan kuramo ni ko i mahkua a niilek wo tinalingamu tumoro ni Aku im wia sé tou witi Yerusalem, téntumo kangkasii ni ko léwo'zéi' i makumua niitu wia sé tou witi Roma.”

Kisah Rasul-rasul 27:5

In timengkolomé un tasik sinaru ung Kilikia wo um Pamfilia, a ni kai ikaayola witi Mira witi tana' Likia.

Kisah Rasul-rasul 28:15

Sé katuari esa pa'émanen witi Roma én timalingala i ni kai é mangé wana. Niitumo ni kai é sinungkul néra witi tampa makangaran Forum Apius, wo sé walina kasii é simungkul ni kai witi Tres Taberne. I si Paulus nimilekla ni séra, ni sia mahkua u makasé wia si Opo Empung a maenté'mé un aténa.

Kisah Rasul-rasul 6:5

A méikuamé itii é niénéala péléng né tou ma'éman. A séra méléngla sé pitu tou kenu: si Stefanus si totoz ma'éman wia si Yesus wo kinawasa ni Roh Lenas, wo si Filipus, si Prokhorus, si Nikanor, si Timon, si Parmenas, wo si Nikolaus si zéi'kan tou Yahudi taan kimiitola um pa'émanen né tou Yahudi, ni sia ém witi Antiokhia a méyé.

Kisah Rasul-rasul 6:9

Taan wéwéhan sé woopira tou sé witi walé peraragésan né tou Yahudi u makangaran ‘Tou Zéi'mo Ata’, ni séra ém witi Kirene wo Aleksandria a méyé. Wo karia néra kasii ém wéwéhan sé woopira tou Yahudi sé witi Kilikia wo Asia a méyé. Ni séra é mahzéi-zéi'an karia ni Stefanus.

Roma 1:15

Pahpaano niitu, ni aku é lumelo i mahwoka' u Nuwu' Lé'os tumoro si Yesus wia ni kamu sé mahento' witi Roma.

Roma 1:7

Wia ni kamu péléng sé mahento' witi Roma, ni kamu sé ikararaaté ni Opo Empung, tinawah i nimaéndo tou lenas. Mengalé-ngaléi uman ung kamang tatambér-Na wo ung kaluasan witu un até, um wia si Opo Empung, si Ama'ta, wo wia si Yesus Kristus Mahpiara é menaté-natér ni kamu.

2 Timutius 1:17

Im witi Roma, ni sia é nimahtututu' menéro ni aku makaz i nimahilekan kariaku.

Wahyu 11:8

Sé zua tou nimatémo itii é mamezeta-zeta' witu u lalan tua'na um wanua tua'na un tampa kangkasii ni Mahpiara néra i sinalip. U ngaran um wanua tua'na itii é méiandé né tou i Sodom wo Mesir.