Kisah Rasul-rasul 19:3 - Taaz Weru Witu u Nunuwu'en Tombulu

³ A si Paulus lumigaula sumaup wia ni séra, “Sa téntu, karia u sasarani ni séi ni kamu i sinarani?” A séra mingkotla, “Ni kai i sinarani éng karia u sasarani ni Yohanes Menanarani.”

Kisah Rasul-rasul 19:3 Iomraidhean Croise

Matius 28:19

Niitumo, mangémo wangunela péléng sé tahsasana wanua maéndo pahtuzu'eng-Ku wo saranila séra karia u ngaran ni Ama', ni Oki' wo ni Roh Lenas,

Lukas 7:29

Péléng sé tou timalinga a méipahkua ni Yesus wo karia né menanagi am pajak é mahkua i si Opo Empung én ulit. Pahpaan sé tou itii é sinaranimola ni Yohanes.

Kisah Rasul-rasul 18:25

Ni sia én tinuzu'mo tumoro si Yesus Mahpiara. Ni sia ém wuaya i mahnuwu' wo totoz mahterang i mahtuzu' tumoro si Yesus. Taan zozo'pé' in téntu, ung kata'uanna én akaz uman u sarani ni Yohanes Menanarani.

Kisah Rasul-rasul 8:16

Ni séra é mengaléi téntu pahpaan im wia sé tou Samaria itii, zozo' in esa én zéi'kampé' siapa si nimakailek si Roh Lenas. Pahapaan ni séra én taré sinarani witu u ngaran ni Yesus si Mahpiara.

1 Korintus 12:13

Ni kita in tou Yahudi kaapa zéi'kan tou Yahudi, ata kaapa zéi'mo ata é nimaéndo esa pahpaan ni kita péléng é sinarani ni Roh Lenas nimaéndo tanu esa awak. Ni kita péléng é nimakailek si Roh Lenas itii kangkasii witu un até.

Ibrani 6:2

Téntu kangkasii ni kita é léwo'zéi' i méramé im wana an tutuzu' kataré-taré a nimaéndo to'tolan tumoro u mahsarani, u mezezeta' u lengen i méhé ung kamang wia sé tou, sé nimaté in itou sumaup ni Opo Empung wo tumoro un ukuman makaz ing kauré-uré.