Kisah Rasul-rasul 19:2 - Taaz Weru Witu u Nunuwu'en Tombulu

² A sia meligau wia ni séra, “I ni kamu nima'émanla wia si Yesus, apa ni kamu é nimakailekola si Roh Lenas?” A sera mingkotla, “Zéi'kampé', maan taré i nimahtali-talingala im wéwéhan si Roh Lenas én zéi'kampé'.”

Kisah Rasul-rasul 19:2 Iomraidhean Croise

Yohanes 7:39

Si pahkuan ni Yesus én tumoro si Roh ni Opo Empung, si makailekan né tou ma'éman ni Sia. Pahpaan in toro niitu si Roh ni Opo Empung én zéi'kampé' niméyé, pahpaan si Yesus én zéi'kampé' pahloozen wo pahsigi'en.

Kisah Rasul-rasul 10:44

Karegaspé' si Petrus i mahnuwu', an tumumpamé si Roh Lenas ang kumawasama wia péléng sé tou mahtalinga an ipahkuana itii.

Kisah Rasul-rasul 19:5

Tumalingamé un téntu, a séra saranila witu u ngaran ni Yesus Mahpiara.

Kisah Rasul-rasul 2:17

‘Wana an endo kamurian, si Roh-Ku én iwéhé-Ku wia péléng sé tou. Wo sé oki' niou sé tuama wo wéwéné é mapata'u wia sé tou a méikua-Ku wia ni séra. Sé tarétumou wo sé raraha niou ém wéwéhan un ipapailek ni Opo Empung, wo sé tu'a ém wéhan ni Opo Empung un ipi.

Roma 1:11

Pahpaan ni aku én totoz lumelo i mahilekan karia niou wo kamu toro wéténgangku un tatambér ni Roh ni Opo Empung um wiamo ni aku, wo um pa'émanen niou éng kaenté'na.

1 Korintus 6:19

Totoz kata'uan niou sa un awak niou ém walé ni Roh Lenas, si mahento' wia ni kamu. Si Roh Lenas itii é méiwéhé ni Opo Empung wia ni kamu. Niitumo, un tou niou én zéi'mo anu niou, anumo ni Opo Empung.

Galatia 3:5

Si Opo Empung é niméhémo si Roh-Na wia ni kamu wo nimanguno a makakompo'en wia ni kamu. Apa ni kamu é makailek si Roh ni Opo Empung pahpaan mahkiit un ukum Torat kaapa pahpaan ma'éman u Nuwu' Lé'os tumoro si Yesus méipahwoka'ku?