Kisah Rasul-rasul 19:1 - Taaz Weru Witu u Nunuwu'en Tombulu

¹ I si Apolos witipé' Korintus, si Paulus é nimakaliklikola am wanua méikazuhu witi tana' itii an ikaayola witi Efesus. Im witi Efesus, ni sia nimahilekan karia né woopira tou ma'éman wia si Yesus.

Kisah Rasul-rasul 19:1 Iomraidhean Croise

Kisah Rasul-rasul 18:1

A si Paulus tumula'umé u Atena a mangé witi Korintus.

Kisah Rasul-rasul 18:8

Taan si Krispus, si tonaas um walé peraragésan né tou Yahudi witi Korintus wo péléng sé mahento' witu um waléna é nima'éman wia si Yesus Mahpiara. Wo lakez kasii sé tou witi Korintus sé timalinga an ipahwoka' ni Paulus é nima'éman wia si Yesus wo niméhé un tou néra i sinarani.

Kisah Rasul-rasul 19:17

U nimamuali itii éng kinata'uana péléng né tou witi Efesus, ni séra in tou Yahudi kaapa in tou Yunani. Niitumo, ni séra péléng éng kinaindé'an a lumooz u ngaran ni Yesus Mahpiara.

Kisah Rasul-rasul 19:26

In tarékan, ni kamu é nimileko wo timalingamo kura si Paulus i mahenou wo mahlululu sé tou lakez, zéi'kan uman wia u Efesus taan kangkasii tawi péléng am witi tana' Asia, karia i mahkua sa am winangun né tou én zéi'kan opo-opo.

Kisah Rasul-rasul 20:16

Pahpaan si Paulus é merewe-rewek wo sia toro ikaayoma witi Yerusalem in endo wangko' Pentakosta, niitumo ni sia én timotozola in zéi'kan timulima witi Efesus, wo sia zéi'kan tumia' un témpona im witi Asia.

Kisah Rasul-rasul 20:18

I ni séra méikaayomomé witi Miletus, a si Paulus kumuala wia ni séra, “Kata'uan niouo kura ni aku i menou-nou memali-mali karia niou, rengané in endo kataré ni aku i méikaayomé wia Asia kenu.

Kisah Rasul-rasul 21:29

Ni séra mahkua in téntu pahpaan ni séra nimilek si Trofimus tou Efesus é memali-mali wo si Paulus witi Yerusalem. Wo pahgenangen nérala i si Paulus é nimahwalima ni sia i nimuntepa witu um Walé ni Opo Empung.

1 Korintus 1:12

Ung kalakoana ém, “Wéwéhan sé wia ni kamu é mahkua in téntii, ‘Ni aku é mahkiit si Paulus.’ Sé walina é mahkua, ‘Ni aku é mahkiit si Apolos’, wo sé walina é mahkua, ‘Ni aku é mahkiit si Petrus.’ Wo sé walina kasii é mahkua, ‘Ni aku é mahkiit si Kristus.’ ”

1 Korintus 15:32

Sa ikiit uman ung genang né tou, apa un torona ni aku i ma'ulit tanumokan i mahsaru sé meneza' tou wia um wanua Efesus kenu, sa sé tou nimatémo én zéi'kan itoumé sumaup? Tawimo kita mangun tanu um pahkuan né tou in téntii: “Mémo kita kuman wo mahpaa-paaz, pahpaan sando kita é matémo.”

1 Korintus 16:12

Tumoro si katuarita Apolos, méipenau-naupkumo i mengimbali wia ni sia, wo sia mahwali karia né tou esa pa'émanen walina i mangémé wia ni kamu. Taan in tarékan ni sia é soopé' i mangé wia ni kamu. Sa wéwéhano un oras lé'os, ni sia é mangé wia ni kamu.

1 Korintus 16:8

Taan ni aku i mento' witi Efesus é makaz witu un endo wangko' Pentakosta.

1 Korintus 4:6

Katuari-katuari, ni aku é nimantik un tumoro ni aku wo si Apolos i maéndo kékéréan niou. Ni kai zua nimaéndo kékéréan niou in tumuzu' ni kamu wo kamu toro mata'u ung kukuan kenu, “Mahkiitla am méipantik witu um Pinantik Lenas”, wo tia' im wia ni kamu wéwéhan sé meloo-looz un touna karia i mahpuu-puuna si tou esa im wia sé tou walina.

Efesus 1:1

Um pinantik kenu ém wia ni aku Paulus a mangé, si witu um paaz ni Opo Empung tinawah i maéndo aatu ni Kristus Yesus. Um pinantik kenu én iwéhé wia sé tou linenas ni Opo Empung witi Efesus sé ma'émano wo mahtali-talinga wia si Kristus Yesus.