Kisah Rasul-rasul 18:9 - Taaz Weru Witu u Nunuwu'en Tombulu

⁹ I sana wengi, si Paulus wéwéhan um pina'ilek. Im witu um pina'ilekna, si Mahpiara éng kimua wia ni sia, “Tia'mo ko maindé'! Tia'mo kumana' i mahwoka' u Nuwu' Lé'os wo tia'mo ko menes uman.

Kisah Rasul-rasul 18:9 Iomraidhean Croise

Kisah Rasul-rasul 16:9

I nimawengimola, wéwéhan u méipapailek ni Mahpiara wia si Paulus. Ni sia nimilek si tou Makedonia rimendai wo mekitulung wia ni sia, kuana, “Méyépé' wia'i wo tulungené kai.”

Kisah Rasul-rasul 18:10

Pahpaan ni Aku é memali-mali kariamu wo zéi'kan siapa si toro kumotkot wo zumézéha ni ko, pahpaan sé tou-Ku im wia um wanua tua'na kenu é lakez.”

Kisah Rasul-rasul 22:18

An ilekengkuma si Tuang si kimuamé téntii wia ni aku, ‘Mahrewekola, itula'umoma u Yerusalem, pahpaan un ipahkuamu tumoro ni Aku éng kasoo néra.’

Kisah Rasul-rasul 23:11

Masandomé im wengi, si Yesus Mahpiara mérimendai witu u rété ni Paulus ang kumuama wia ni sia, “Enté-enté'en un atému. Pahpaan kuramo ni ko i mahkua a niilek wo tinalingamu tumoro ni Aku im wia sé tou witi Yerusalem, téntumo kangkasii ni ko léwo'zéi' i makumua niitu wia sé tou witi Roma.”

Kisah Rasul-rasul 9:10

Im witi Damsyik ém wéwéhan si tou mahkiit an tutuzu' ni Yesus Mahpiara si makangaran Ananias. A ni sia nuwu'ala ni Mahpiara witu um pina'ilekna. Ni sia én tinawahla ni Mahpiara, “Ananias!” A sia mingkotla, “Kenumo aku, Mahpiara!”

1 Korintus 9:1

Katuari-katuari, ni aku én toro mahwangun péléng ang kapaazku. Ni aku én uli-ulit aatu ni Yesus Kristus. Ni aku é nimileko si Yesus, si Mahpiarata. Ni kamu ém wua'na am pinaayangku wia si Opo Empung.

1 Tesalonika 2:2

Kata'uan niouo kasii, puunala kai i niméyé wia an Tesalonika, ni kai é zinézéhamé wo pinahséro'ané im witi Filipi. Taan zozo' lakez sé tou mahsaru ni kai, si Opo Empungta é simawang ni kai akaz ni kai zéi'kan maindé' i mahwoka' u Nuwu' Lé'os-Na im wia ni kamu.