Kisah Rasul-rasul 18:6 - Taaz Weru Witu u Nunuwu'en Tombulu

⁶ Taan pahpaan sé tou itii é mahsaru wo mahséro' uman taré wia ni sia, niitumo si Paulus timangkarla an awu witu ung kinaraina, i mapagenang wia ni séra i ni séra é simala'mola, ang kumua wia ni séra, “Ni kamu in esa sé nimangun si Opo Empung i mukum ni kamu. Zéi'kan sumala'ku. Rengan in tarékan, ni aku é mangé wia sé tou zéi'kan Yahudi i mahwoka' u Nuwu' Lé'os tumoro si Yesus.”

Kisah Rasul-rasul 18:6 Iomraidhean Croise

Matius 10:14

Sa wéwéhan tou soo sumungkul ni kamu kaapa soo tumalinga an ipahtuzu' niou, mondolomé wo itula'umomé um walé kaapa um wanua tua'na itii, wo itangkaré an awu wana an a'é niou.

Matius 21:41

A séra mingkotla, “Tantumo sé tou léwo' itii ém wunu'enna wo un uma tinaneman an anggor ém pekiwenduna wia sé mememendu walina, sé mahwéténg a niupu'mé sa orasnamo i mupu'.”

Matius 21:43

Niitumo, ikua-Kuma wia ni kamu, péléng an tinotozo in iwéhé wia ni kamu im witi Kakolanoan ni Opo Empung ém pakaéndon im wia ni kamu wo maiwéhé sé tahsasana wanua walina sé makumiit am perénta-Na. [

Matius 22:10

A mangé sé ata itii an tumawahmé péléng sé ipahpasungkul néra wana a lalan, sé tou léwo' wo sé tou lé'os, taka-takazan un untep um pahpéstaan itii é mawuta-wutamo né sakéi.

Matius 27:25

Péléng sé tou itii é nimingkoté, “Éné, iwayamola un zaha'-Na i mapengalin nai wo né oki' nai.”

Matius 8:11

Ikua-Kuma wia ni kamu: Lakez sé tou witi sendangan wo talikuzan é méyé wo kuman mahwali-wali karia ni Abraham, ni Ishak wo ni Yakub witi Kakolanoan ni Opo Empung.

Lukas 22:65

Lakezpé' kasii a sasalou méipahkua nérama wia ni Sia.

Lukas 9:5

Taan sa wéwéhan sé soo sumungkul ni kamu, mondolé im witu um wanua tua'na néra, itangkaré an awu wana an a'é niou i mapagenang wia ni séra i si Opo Empung é mukum ni séra.”

Kisah Rasul-rasul 13:51

A si Paulus wo si Barnabas tumangkarla an awu witu un a'é néra i mapagenang wia sé tou itii i si Opo Empung é mukum ni séra. Kumawusa niitu ni séra zua nimangé witi Ikonium.

Kisah Rasul-rasul 26:11

Ni aku kangkasii sekezé é mahzézéha ni séra im wana am walé peraragésan né tou Yahudi, wo menutu' ni séra ing kumélong um pa'émanen néra. Wo karia in totoz maupi', ni aku é mahkikiit ni séra, makaz wana am wanua tua'na walina.”

Kisah Rasul-rasul 26:20

Ing kataré-taré, ni aku é mahwoka' wia sé tou witi Damsyik, witi Yerusalem wo wana péléng am wanua witi tana' Yudea, i ni séra é léwo'zéi' tumula'ula a singkéla' néra wo mawuri sumaup wia si Opo Empung. Wo kasii mahwangun uman am pemamangunen né tou sé timula'umola a singkéla' néra.

Kisah Rasul-rasul 28:28

Tumondong niitu a si Paulus kumua kasiila, “Pahpaano niitu, ni kamu é léwo'zéi' i mata'ula sa u nuwu' tumoro si Opo Empung milot sé tou im witu un ukuman wana a singkéla' én ikua wia sé tou zéi'kan Yahudi wo séra tumalinga niitu.” [

Roma 3:29

Si Opo Empung én zéi'kan uman Opo Empung né tou Yahudi. Ni Sia kangkasii én Opo Empung né tahsasana wanua walina.

1 Timutius 5:22

Tia'mo tahlous rewek ko i zumeta' u lengen wia si tou i méhé wia ni sia um papaayangen i maayang wia si Opo Empung wo tia' ni ko ikarékén wana a singkéla' ni tou itii. Pahwéhanla genang un toumu, wo zéi'kan maéndo séséro'an né tou.

2 Timutius 2:25

Ni sia én totoz eluz uman i mahsésa wia sé tou tampezéi', pahpaan si Mahpiara ém woo méhé un oras wia ni séra, wo séra tumula'u a singkéla' néra wo mangun ni séra mata'u ung kaulitan.

1 Petrus 4:14

Ni kamu é mahpaa-paazola sa wéwéhan tou sé mahséro' wia ni kamu pahpaan i mahkiit si Kristus. Pahpaan si Roh si pahloozen wo pahsigi'en ém wia ni kamu, ni Siamo si Roh ni Opo Empung.

1 Petrus 4:4

Niitumo, sé tou zéi'kan mata'u si Opo Empung é mengusi-ngusingsing i nimilekla ni kamu, pahpaan ni kamu én zéi'mo mahkii-kiit ni séra in zéi'kan kumana' mahmuali an zéi'kan wangun. Pahpaano niitu ni séra mahtawuruko ni kamu.