Kisah Rasul-rasul 18:5 - Taaz Weru Witu u Nunuwu'en Tombulu

⁵ I si Silas wo si Timotius niméyé im witi Makedonia, péléng un témpo ni Paulus ém pahpakén uman i mahwoka' u Nuwu' Lé'os wo mahkua am pina'ilek wo an tinalingana wia sé tou Yahudi, i si Yesus é si Mesias.

Kisah Rasul-rasul 18:5 Iomraidhean Croise

Lukas 12:50

Wéwéhampé' an zézéha totoz wutez a mapengaling-Ku. Un até-Ku én totoz zézéha sa niitu zéi'kampé' nimamualima.

Lukas 16:28

Pahpaan im witu ém wéwéhan sé lima totoz katuariku. Iatupé'ma si Lazarus i mapagenang wia ni séra wo sa séra matéma, ni séra én zéi'kan iuntep wia an tampa zézéha kenu.’

Yohanes 1:41

Si Andreas ing kataré-taré é nimahilekan karia ni Simon si katuarina ang kumua wia ni sia, “Si Mesias éng kinailekan naimo (Mesias ung kalakoana éng Kristus).”

Yohanes 10:24

A sé tou Yahudi rumimbungla wia ni Sia a mahkua wia ni Sia, “Makaz sawisa ni kai iwaya-Mu i mahzua-zua genang? Sa ni Ko é Mesias, ipakaulitomé wia ni kai.”

Yohanes 15:27

Taan ni kamu kangkasii é léwo'zéi' ing kumua a niilek niou tumoro ni Aku, pahpaan ni kamu é nimemali-malimola karia-Ku rengané ing kataré-taré.”

Yohanes 3:28

Ni kamu én timalingamo u méikuaku, ‘Ni aku én zéi'kan Mesias, taan ni aku é méiatumé i mahpuunamé wia ni Sia.’

Kisah Rasul-rasul 10:42

Ni Sia é nimatumomé ni kai i mahwoka' u Nuwu' Lé'os tumoro ni Sia wia péléng sé tou. Wo ni kai kangkasii é léwo'zéi' ing kumua am pina'ilek wo tinalinga nai, i ni Siamo si Tou pinéléng ni Opo Empung i métumotoz ulit kaapa zéi'kan am pahwangunen né tou, séra i menou-nou kaapa i nimatémo.

Kisah Rasul-rasul 15:22

A sé aatu ni Yesus wo sé penatua wo péléng sé jamaat timotozla i méléng sé woopira tou im wia ni séra. Sé tou pinéléngo itii én iatu mangé witi Antiokhia karia ni Paulus wo ni Barnabas. Sé pinéléng itii é: si Yudas pahkuan Barsabas wo si Silas. Ni séra zua ém pahsigi-sigi'en im wia sé katuari esa pa'émanen.

Kisah Rasul-rasul 16:1

A si Paulus mangé kasii witi Derbe wo Listra. Im witu, wéwéhan si mahkiit si Yesus makangaran Timotius. Si ina'na én tou Yahudi si ma'émano wia si Yesus wo si ama'na én tou Yunani.

Kisah Rasul-rasul 16:12

Im witi Neapolis a ni kai lumampang mangé witi Filipi. Um wanua tua'na itii én totoz ipahpuu-puuna im witi tana' Makedonia, wo kasii um wanua tua'na itii éng kinawasa né pemerénta Romawi. Im witu ni kai é nimento'mé woopirana endo.

Kisah Rasul-rasul 16:9

I nimawengimola, wéwéhan u méipapailek ni Mahpiara wia si Paulus. Ni sia nimilek si tou Makedonia rimendai wo mekitulung wia ni sia, kuana, “Méyépé' wia'i wo tulungené kai.”

Kisah Rasul-rasul 17:3

Ni sia nimapata'u wo mahtuzu' wia ni séra i si Mesias é léwo'zéi' i mazéha wo itou sumaup im wia sé nimaté. Ang kuan ni Paulus wia ni séra, “Si Mesias itii é si Yesus, si méipahwoka'kumola wia ni kamu.”

Kisah Rasul-rasul 18:28

Pahpaan ni sia én totoz wuaya i mahzéi-zéi'an karia né tou Yahudi witu u sinaru né tou lakez. Méipapailekna am pinantik witu um Pinantik Lenas an tumuzu'mé i si Yesus é si Mesias.

Kisah Rasul-rasul 2:36

Niitumo, ni kamu péléng in tou Israel é léwo'zéi' in totoz mata'ula i si Yesus si salip niouola itii ém winangunola ni Opo Empung maéndo Mahpiara wo Kristus.”

Kisah Rasul-rasul 20:21

Ni aku sekezé é mahkua a niilekku wo an tinalingaku wia sé tou Yahudi wo sé tou Yunani, wo a singkéla' néra wia si Opo Empung itula'u nérala wo ma'éman wia si Yesus Mahpiarata.

Kisah Rasul-rasul 20:23

U méipapata'u ni Roh Lenas wia ni aku én akaz uman, i ni aku é maiuntep witi bui wo mazézéha im wana am wanua tua'na angéangku.

Kisah Rasul-rasul 20:24

Taan ni aku én zéi'kan mahwéhé genang witu ung katou-touangku kenu, asal uman um paayangen méiwéhé ni Yesus Mahpiara wia ni aku én toro ipakasampetku i mahwoka' u Nuwu' Lé'os tumoro si Yesus u méitambéré ni Opo Empung.

Kisah Rasul-rasul 4:20

Pahpaan zéi'kan mamuali a niilek wo an tinalinga naimo, zéi'kan ikua nai wia sé tou.”

Kisah Rasul-rasul 9:22

Taan si Saulus éng katulapnamo i mahwoka' wia sé tou i si Yesus é Mesias. Pahpaano niitu, sé tou Yahudi witi Damsyik é nimalinganga wo zéi'mo mata'u kumua ing kura.

2 Korintus 1:19

Pahpaan, si Yesus Kristus, si Oki' ni Opo Empung si méipahwoka'ku karia ni Silwanus wo ni Timotius wia ni kamu én zéi'kan mahkua ‘éné’ wo witu ung ginenang én ‘zéi'kan’. Taan im wia ni Sia én akaz uman mahkua ‘éné’.

2 Korintus 11:9

Sa am pemandungengku én zéi'kan wutul i mahwali-wali karia niou, zéi'kan kawisa aku sumusa si esa im wia ni kamu. Pahpaan, péléng am pemandungengku én ipahwéhémé né katuari esa pa'émanen sé witi Makedonia a méyé. Ni aku én totoz tégam im wana am péléng, én taa ni aku maéndo pengalin im wia ni kamu. Téntu u mawangunengku.

2 Korintus 5:14

Niana péléng ém pahwangunen nai, pahpaan u raraatéan ni Kristus ung kimawasa ni kai. Pahpaan ung kalakoana éng kata'uan naimo, im puuna ni Sia i nimaté é simawel péléng sé tou. Niitumo, péléng sé tou én tanu nimatémo.

Filipi 1:23

Ni aku ém wutez i méléng, taan tawimo ni aku matéma wo mamento' mahwali-wali karia ni Kristus.

1 Tesalonika 3:2

An iatu naima si Timotius i mangé wia ni kamu. Ni sia éng katuarita esa pa'émanen wo kapaayang nai i mahpaayang wia si Opo Empung i mahwoka' u Nuwu' Lé'os tumoro si Kristus. Ni sia méiatu naima i mamenté' un até niou wo sumésa wia ni kamu, wo kaenté'na um pa'émanen niou.

1 Tesalonika 3:6

In tarékan si Timotius é nimawurimomé im witi Tesalonika, ni sia é simirita u sirita makapaazen tumoro ni kamu u nimangun ni kai i mahpaa-paaz. Méikuana tumoro um pa'émanen niou wo u mahraa-raatéan niou. Méikuana kasii, sekez ni kamu ikagenangla ni kai, ni kamu é mahpaa-paaz wo paaz i mahilekan sumaup karia nai, tanu ni kai kangkasii ém paaz i mahilekan karia niou.

1 Petrus 5:12

Karia im pinahsawangala ni Silas, ni aku nimantika um pinantik potot uman kenu. Totoz kata'uangku i si Silas kenu éng katuariku esa pa'émanen wo ni sia én toro pahtali-talingan. Um pinantik kenu ém pinantikku wo iwéhékuma i sumésama wo totoz mapagenanga wia ni kamu sa niia én uli-ulit kamang méitambér um wia si Opo Empung a méyé. Totoz in enté'ela um pa'émanen niou im wana ang kamang méitambér ni Opo Empung itii.