Kisah Rasul-rasul 18:3 - Taaz Weru Witu u Nunuwu'en Tombulu

³ Si Paulus nimento' karia néra pahpaan um pahpaayangenna karia ni Akwila é masuat. Ni séra mahpaayang mahwali-wali i memamangun an ténda.

Kisah Rasul-rasul 18:3 Iomraidhean Croise

1 Korintus 4:12

wo ni kai é mahpaayang am papaayangen wutez karia a lengen nai i mahwuwutul am pemandungen nai i mendo-endo. Zozo' ni kai ipahsalou né tou, ni kai é mahaléi wia si Opo Empung ing kumamangé ni séra; zozo' ni kai ém pahzézéhan né tou taan ni kai én ezen i mengali niitu.

1 Korintus 9:14

Téntu kangkasii an tinotoz ni Opo Empung, sé tou mahwoka' u Nuwu' Lé'os tumoro si Kristus, am pemandungen néra é léwo'zéi' im pahkailekan néramé i mahwoka' u Nuwu' Lé'os itii.

1 Korintus 9:15

Taan zéi'kan kawisa ni aku nimahaléi u léwo'zéi' ing kailekangku itii. Ni aku i nimantik ang kenu én zéi'kan i mekisawang. Tawimo aku matéla taan u nimaéndo kaloozangku mazéi'ma.

1 Korintus 9:18

Sa téntu, apa un iwaér wia ni aku? Un iwaér wia ni aku é: ni aku mahpaa-paaz i mahwoka' u Nuwu' Lé'os tumoro si Kristus in zéi'kan pahwaéran wo ni aku zéi'kan nimahaléi u léwo'zéi' kailekangku in aatu mahwoka' u Nuwu' Lé'os itii.

2 Korintus 11:7

Simala' ni aku wé, sa iroroskula un touku i mahlooz ni kamu, pahpaan zéi'kan mekiwaér i mahwoka' u Nuwu' Lé'os ni Opo Empung wia ni kamu?

2 Korintus 11:9

Sa am pemandungengku én zéi'kan wutul i mahwali-wali karia niou, zéi'kan kawisa aku sumusa si esa im wia ni kamu. Pahpaan, péléng am pemandungengku én ipahwéhémé né katuari esa pa'émanen sé witi Makedonia a méyé. Ni aku én totoz tégam im wana am péléng, én taa ni aku maéndo pengalin im wia ni kamu. Téntu u mawangunengku.

2 Korintus 12:13

Um pakahpaayangku im wia ni kamu wo sé woopira jamaat walina é masuat uman. Un zéi'kan masuat én akaz uman: ni aku én zéi'kan kawisa nimaéndo pengalin im wia ni kamu i mahwuwutul am pemandungengku. Sa ni aku i mangun niitu ém pahgenangen nioula i simala', ampungané ni aku.

1 Tesalonika 2:9

Katuari-katuari, kagenangan nioupé'la kura kai in totoz mahtututu' wo ma'ulit i mahpaayang. Endo wo wengi ni kai mahpaayang i mahwuwutul am pemandungen nai. Karia in téntu, ni kai én zéi'kan maéndo pengalin niou i mahtuzu' u Nuwu' Lé'os ni Opo Empung wia ni kamu.

1 Tesalonika 4:11

Ni kamu é léwo'zéi' mahtututu'la i mahraa-raatéan karia né tou walina. Tia' mahsembo-sembor wana an urusan né tou walina. Ni kamu kasii é léwo'zéi' maayangla i menéro ang kakanen wo am pemandungen niou in esa, tanu u méipengua-ngua naimo wia ni kamu.