Kisah Rasul-rasul 18:2 - Taaz Weru Witu u Nunuwu'en Tombulu

² Im witu ni sia é nimahilekan karia ni tou Yahudi makangaran Akwila si tou Pontus. Si Akwila én taré méyé im witi Italia karia ni Priskila si mahayona. Ni séra niméyé pahpaan si kaisar Klaudius é nimerénta wo péléng sé tou Yahudi é léwo'zéi' mondolé im witi Roma. Si Paulus é matimuli witi walé néra.

Kisah Rasul-rasul 18:2 Iomraidhean Croise

Kisah Rasul-rasul 11:28

Si esaané im wia ni séra é makangaran Agabus. I sé tou nimaréwok, si Agabus si kinawasa ni Roh rumendaié ang kumuama, “Un oras ung kaahreman zéi'kan kakuaan é méyé wia ang kaayahan.” Ung kaahreman itii é nimamuali i si Klaudius si Kaisar.

Kisah Rasul-rasul 18:18

Si Paulus ém woopirana endopé' i nimahento'mé witi Korintus. A sia tumuzu'la wia sé katuari esa pa'émanen witu, a suméngkota witi Siria karia ni Priskila wo ni Akwila. Im witi Kengkrea si Paulus é limo'gasla um wuukna pahpaan un taazna wia si Opo Empung.

Kisah Rasul-rasul 18:26

Karia im wuaya ni sia rengan i mahtuzu' witi walé peraragésan né tou Yahudi. In tinalingala ni Priskila wo ni Akwila a sia ipahwali nérama mangé witi walé néra. Im witu ni séra én uli-ulit timuzu'la wia ni sia u lalan kura ing kumiit si Opo Empung.

Kisah Rasul-rasul 2:9

Ni kita én tou: Partia, Media, Elam, Mesopotamia, Yudea wo Kapadokia, Pontus wo Asia,

Kisah Rasul-rasul 27:1

In tinotozola i ni kai é léwo'zéi' suméngkot mangé witi Italia, si Paulus wo sé woopira tou walina sé tinionan é méiayola wia si Yulius, si tonaas né sana atus suraro ni Kaisar.

Kisah Rasul-rasul 27:6

Im witu, si Yulius é méikailekla u londéi tua'na um witi Aleksandria a méyé u mahséséngkot mangé witi Italia. Ang kai iéranama witu u londéi tua'na itii.

1 Korintus 16:19

Sé jamaat witi Asia é méhéma u sigi' néra wia ni kamu. Si Akwila wo si Priskila wo sé jamaat sé nimaréwok witi walé néra é méhéma u sigi' néra wia ni kamu i ma'éman wia si Mahpiara.

2 Timutius 4:19

Ipapaayopé'la u sigi'ku wia si Priska wo si Akwila wo wia sé sana awu ni Onesiforus.

Ibrani 13:24

Ipapaayopé'la u sigi'ku wia péléng sé tonaas niou wo wia péléng sé tou linenas ni Opo Empung. Sé katuari esa pa'émanen sé wia Italia é mapaayoma u sigi' wia ni kamu.

1 Petrus 1:1

Um pinantik kenu ém pinantikku, Petrus si aatu ni Yesus Kristus, iwéhé wia sé tou mahlepu-lepu wo méikasera im wia sé tou zéi'kampé' mata'u si Opo Empung sé witi tana': Pontus, Galatia, Kapadokia, Asia oki' wo Bitinia.