Kisah Rasul-rasul 18:12 - Taaz Weru Witu u Nunuwu'en Tombulu

¹² Taan i si Galio nimaéndomoma gubernur witi Akhaya, sé tou Yahudi é nimaesaan i mahsaru si Paulus. Tumondong niitu, ni sia é méipahwali nérama witi penonotozan ulit kaapa zéi'kan am pahwangunen né tou.

Kisah Rasul-rasul 18:12 Iomraidhean Croise

Matius 27:19

Karegaspé' si Pilatus rimumez witu u rurumezan pahtotozan ulit kaapa zéi'kan am pahwangunen né tou, a si mahayona matumé tou i mékumua wia ni sia in téntii, “Ni ko én tia'mo mahkari-karia sé tou sé mahtoké si tou ulit itii. Pahpaan ni aku én totoz zézéha i nima'ipila si tou itii ing kawengi.”

Yohanes 19:13

I si Pilatus timalingamé an ipahkua néramé itii, ni sia nimatuma sé tou i mahwalimé si Yesus i mondolé, wo si Pilatus rimumezla witu u rurumezan i mahtotoz in ulit kaapa zéi'kan am pahwangunen né tou. Un tampa itii ém pahkuan Welah Watu. Witu u nunuwu'en Ibrani ém pahkuan Gabata.

Kisah Rasul-rasul 13:12

I si gubernur nimilekla u nimamuali itii, ni sia é nima'éman wia si Yesus. Ni sia é mengusi-ngusingsing im wana an tutuzu' tumoro si Mahpiara.

Kisah Rasul-rasul 13:50

Taan sé tou Yahudi é mahaker sé wéwéné pahsigi-sigi'en sé maindé' si Opo Empung wo sé tonaas witu um wanua tua'na itii. Ni séra zimézéha si Paulus wo si Barnabas wo nimohomé ni séra zua im witi tana' itii.

Kisah Rasul-rasul 13:7

Ni sia éng kalo ni gubernur ung katanaan itii, si makangaran Sergius Paulus. Si gubernur itii én totoz tulap. Ni sia én timawahmé si Barnabas wo si Saulus pahpaan ni sia ém paaz in tumalinga u nuwu' ni Opo Empung.

Kisah Rasul-rasul 13:8

Taan si Bar-Yesus si witu u nunuwu'en Yunani pahkuan Elimas si meriara itii é mahapé-apé' wia si Barnabas wo si Saulus. Pahtututu'enna si gubernur wo sia zéi'kan ma'éman wia si Yesus.

Kisah Rasul-rasul 14:19

Méyé sé tou Yahudi sé witi Antiokhia wo Ikonium, mahaker sé tou lakez ing kumiit ni séra. A si Paulus pahweriten néra karia am watu. Pahpaan pahgenangen nérala ni sia é nimatémo, a sia kéhongen néramé méiondolé im witi wanua tua'na.

Kisah Rasul-rasul 14:2

Taan sé tou Yahudi sé soo an ipahwoka' néra zua é mahaker sé tou zéi'kan Yahudi, wo nimangun ni séra maupi' wia sé tou ma'éman.

Kisah Rasul-rasul 17:13

Taan ing kata'uala né tou Yahudi witi Tesalonika sa u Nuwu' ni Opo Empung é mémoipahwoka' kasiimé ni Paulus witi Berea, a séra mangé wana i maker sé tou lakez wo séra maupi' wia si Paulus wo kasii mangun ni sera maringka'.

Kisah Rasul-rasul 17:5

Taan sé tou Yahudi walina é mahtéutéu si Paulus wo si Silas. Ni séra riméwoké sé tou sangaya sé melaé-laés witi pemamangkéran, ang kumayo' wo mahrikoka' witu um wanua tua'na itii. Ni séra nimuntepa witu um walé ni Yason i menéro si Paulus wo si Silas wo séra zua toro iayo néra in totozen né tou lakez.

Kisah Rasul-rasul 18:11

Niitumo si Paulus é nimento' witi Korintus ung kauréna é sana ta'un wo enemna loloho'en. Ni sia mahtuzu' u Nuwu' ni Opo Empung wia sé tou witi wanua tua'na itii.

Kisah Rasul-rasul 18:27

Pahpaan si Apolos éng gimenang i lumeweta mangé witi Akhaya, sé katuari esa pa'émanen witi Efesus é niméhéma um pinantik wia sé tou ma'éman witu, wo séra sumungkul ni sia. I ni sia méikaayola witi Akhaya, ni sia én totoz uli-ulit mahsawang sé tou ma'éman pahpaan ung kamang tatambér ni Opo Empung.

Kisah Rasul-rasul 19:21

Kumawusa u nimamuali itii, si Roh nimangun si Paulus timotozla i mangé witi Yerusalem kimiita u Makedonia wo u Akhaya. Kuana, “Sa nimangémomé witi Yerusalem, ni aku kangkasii é léwo'zei' i mangé witi Roma.”

Kisah Rasul-rasul 25:10

A mingkotla si Paulus, “Ni aku in tarékan é rimendai wia un tampa pahtotozan ni Kaisar. Tanumo un totozo kata'uan ni tuang i ni aku én zéi'kan siapa a sinala' wia sé tou Yahudi zozo' in esa uman.

Roma 15:26

Pahpaan sé tou ma'éman sé witi Makedonia wo Akhaya é nimaesaanola im wéwéhan un iwéhé nérama wia sé tou ma'éman zéi'kan siapa apa sé witi Yerusalem.

Roma 16:5

U sigi'ku wia sé jamaat witi walé néra. U sigi'ku wia si Epenetus, si katuari esa pa'émanen ikararaatéku. Ni sia si kataré-taré nima'éman wia si Kristus im witi tana' Asia.

1 Korintus 16:15

Katuari-katuari, si Stefanus éng kata'uan niouo. Im witi Akhaya, ni sia wo sé sana awuna sé kataré-taré timula'ula a singkéla' néra, a séra ma'éman wia si Yesus. Ni séra é niméhémo un tou néra i mahsawang sé tou ni Opo Empung. Pahaléiengku wia ni kamu,

2 Korintus 1:1

Um pinantik kenu ém wia ni aku Paulus wo si Timotius si katuarita esa pa'émanen a mangé. Witu um paaz ni Opo Empung ni aku én tinawah i nimaéndo aatu ni Kristus Yesus. Um pinantik kenu én iwéhé wia sé jamaat ni Opo Empung witi Korintus wo péléng sé tou linenas ni Opo Empung witi Akhaya.

2 Korintus 11:10

Im wia Akhaya kenu zéi'kan siapa si toro zuméi' un ipahloo-loozku i ni aku én zéi'kan kawisa i maéndo pengalin wia ni kamu. Pahpaan an tutuzu' ni Kristus an totoz ulit ém wiamo ni aku.

2 Korintus 11:26

Im wana am pahlampangangku ni aku é makalakez masungkul un toro mangun ni aku ikaléwo' wana a lewuh, ikaléwo' pahpaan sé mahkahat an anu né tou, ikaléwo' pahpaan sé tou Yahudi wo sé tou zéi'kan Yahudi, ikaléwo' wana am wanua tua'na, ikaléwo' wana ang kapelasan, ikaléwo' witi unez un tasik, wo kasii ikaléwo' pahpaan sé tou sé mahkua ing katuari esa pa'émanen wia si Opo Empung taan ndéén zéi'kan.

2 Korintus 9:2

Pahpaan kata'uangkumo i ni kamu én totoz mahpaa-paaz i sumawang. Ni kamu é méipahloo-loozku wia sé tou ma'éman witi Makedonia. Méipahkuakumola wia sé tou ma'éman witi Makedonia sa ni kamu im witi Akhaya i nanta'un é nimimeko i méhé an zoit sasawang. In tarékan, ung kapaaz niou itii é nimangun sé tou ma'éman witi Makedonia in totoz mahpaa-paaz kangkasii mahwéhé an zoit sasawang.

1 Tesalonika 2:14

Katuari-katuari! Am pinendan nioué ém pinendano kangkasiimé né jamaat ni Opo Empung witi Yudea sé nimaéndo anu ni Kristus Yesus. Ni kamu pinahzézéhamé né kawanua nioukan tanu am pinendané né jamaat ni Opo Empung witi Yudea im pinahzézéhamé né tou Yahudi.

1 Tesalonika 2:16

Ni kai ém pahapé-apé'an néra i mahwoka' u Nuwu' ni Opo Empung u milot sé tou zéi'kan Yahudi im witu un ukuman wana a singkéla'. Karia in téntu sé tou Yahudi é mengawe-ngawes a singkéla' néra makaz i malekep wo in tarékan un upi' ni Opo Empung én timoromo ni séra.

Yakobus 2:6

Taan sé tou zéi'kan siapa apa ém pinahséro'an niouola. Zéi'kankuaa sé tou wa'ilan sé mahzézéha wo nimahwali ni kamu witi penonotozan in ulit kaapa zéi'kan am pahwangunen né tou?