Kisah Rasul-rasul 17:4 - Taaz Weru Witu u Nunuwu'en Tombulu

⁴ Sé woopira im wia ni séra é nima'éman ang kumariala si Paulus wo si Silas. Téntu kangkasii, lakez sé tou Yunani sé maindé' si Opo Empung é nima'éman, wo im wia ni séra lakez sé wéwéné ipahkua-kua.

Kisah Rasul-rasul 17:4 Iomraidhean Croise

Yohanes 7:35

Niitumo, sé tonaas né tou Yahudi é mahkukuaan wia si esa wo si esa, “Wisa un angéan-Na taka-takazan ni kita én zéi'kan mata'u mahilekan karia-Na? Apa Sia mangé wia sé tou Yahudi witi séngkotan sé mahento' wia sé tou Yunani in tumuzu' sé tou Yunani?

Kisah Rasul-rasul 13:43

Kumawusa séra i rimagés, lakez sé tou Yahudi karia né tou zéi'kan Yahudi sé maindé' wia si Opo Empung mahkiit si Paulus wo si Barnabas. Sé zua aatu itii é mahtuzu' wo mahsésa wia ni séra wo séra zéi'kan mazéi' i menou-nou niméré' witu ung kamang tatambér ni Opo Empung.

Kisah Rasul-rasul 13:50

Taan sé tou Yahudi é mahaker sé wéwéné pahsigi-sigi'en sé maindé' si Opo Empung wo sé tonaas witu um wanua tua'na itii. Ni séra zimézéha si Paulus wo si Barnabas wo nimohomé ni séra zua im witi tana' itii.

Kisah Rasul-rasul 14:1

I si Paulus wo si Barnabas méikaayola witi Ikonium, ni séra kasii nimuntepa witu um walé peraragésan né tou Yahudi. Im witu ni séra én totoz ma'ulit i nimahtuzu'mé makaz lakez sé tou Yahudi karia né tou Yunani nima'éman wia si Yesus.

Kisah Rasul-rasul 14:4

Taan sé tou lakez witu um wanua tua'na itii é nimawéténg. Wéwéhan sé mahkiit sé tou Yahudi sé zéi'kan ma'éman, wo wéwéhan kasii sé mahkiit sé aatu ni Yesus.

Kisah Rasul-rasul 15:22

A sé aatu ni Yesus wo sé penatua wo péléng sé jamaat timotozla i méléng sé woopira tou im wia ni séra. Sé tou pinéléngo itii én iatu mangé witi Antiokhia karia ni Paulus wo ni Barnabas. Sé pinéléng itii é: si Yudas pahkuan Barsabas wo si Silas. Ni séra zua ém pahsigi-sigi'en im wia sé katuari esa pa'émanen.

Kisah Rasul-rasul 15:27

Niitumo ni kai é nimatuma si Yudas wo si Silas. Ni séra é masumirita wia ni kamu tumoro u méipantik witu um pinantik kenu.

Kisah Rasul-rasul 15:32

Lakez a méikua ni Yudas wo ni Silas u nimangun sé katuari esa pa'émanen mahpaa-paaz wo nimenté' un até néra. Ni séra zua kangkasii é nabi.

Kisah Rasul-rasul 15:40

Taan si Paulus é niméléngla si Silas, wo tumondongla sé katuari esa pa'émanen witi Antiokhia itii i nimayola ni séra witu ung kamang tatambér ni Mahpiara,

Kisah Rasul-rasul 16:3

Kapaaz ni Paulus, si Timotius é lumampang kariana. Pahpaan péléng sé tou Yahudi sé witi tana' itii é mata'u i si ama'na én tou Yunani, niitumo ni sia é méipekisunatla ni Paulus.

Kisah Rasul-rasul 17:10

Im wengikan itii, si Paulus wo si Silas é rengan i méiatuma né katuari esa pa'émanen i mangé witi Berea. I ni séra méikaayomola witu, a séra mangé witi walé peraragésan né tou Yahudi.

Kisah Rasul-rasul 17:12

Pahpaano niitu, lakez im wia ni séra sé nima'éman. Im wia ni séra kasii, lakez sé tuama wo sé wéwéné Yunani sé ipahkua-kua.

Kisah Rasul-rasul 17:14

Niitumo sé katuari esa pa'émanen witi Berea é rengan i nimatuma si Paulus i nimangé witi tembir un tasik. Taan si Silas wo si Timotius ém witipé' Berea.

Kisah Rasul-rasul 17:17

Niitumo, im witi walé peraragésan né tou Yahudi ni sia simirita karia né tou Yahudi wo sé tou zéi'kan Yahudi sé maindé' si Opo Empung. Wo sekez in endo im witi pemamangkéran, ni sia mahsirita karia né séi uman sé ipasungkulna.

Kisah Rasul-rasul 17:34

Taan wéwéhan sé woopira tou kimiita si Paulus, pahpaan ni séra é ma'émano. Im wia ni séra itii ém wéwéhan si tuama esa si tou né dewan witi Areopagus, si makangaran Dionisius. Wo si wéwéné makangaran Damaris wo wéwéhampé' kasii sé walina sé nimengiita ni séra.

Kisah Rasul-rasul 18:4

Sekez in endo Sabat, si Paulus é mengangangé witi walé peraragésan né tou Yahudi, i mahsirita wo menutu' sé tou Yahudi wo sé tou Yunani i ma'éman wia si Yesus.

Kisah Rasul-rasul 19:10

Zuana ta'un ung kauréna ni sia memamangun un téntu, taka-takazan péléng sé tou mahento' witi Asia én timalinga u Nuwu' ni Mahpiara, ni séra sé tou Yahudi wo sé tou Yunani.

Kisah Rasul-rasul 2:44

Péléng sé tou ma'émano itii sekezé é nimaréwok mahwali-wali. Wo péléng a sangkum ni esa wo ni esa é nimaéndomo anu néra péléng.

Kisah Rasul-rasul 21:28

karia i mahkérét, “É, tou Israel, sawangané kai! Kelasiamo si tou si mahtuzu' wia péléng sé tou an tutuzu' a mahsaru sé tou Israel, un ukum Torat wo um Walé ni Opo Empung kenu wana péléng an tampa niangéannamé! In tarékan, ni sia kangkasii é nimahwalimé sé tou Yunani wia um Walé ni Opo Empung wo nimangun un tampa lenas kenu makati'tiren!”

Kisah Rasul-rasul 28:24

Wéwéhan sé ma'éman wana a méikuama ni Paulus, taan wéwéhan sé soo ma'éman.

Kisah Rasul-rasul 4:23

I si Petrus wo si Yohanes mémoiondolé im witi pengengeruzan itii, a séra mawurima wia sé kakaria néra. An isirita nérala zua a méikuamé né tonaas né walian wo né pahtutu'an né tou Yahudi wia ni séra.

2 Korintus 8:5

A méiwéhé néra in isawang é lumouspé'mé um pahéré'en naila. Ni séra é niméhéla ung katou-touan néra kataré-taré wia si Opo Empung, tumondong niitu, ni séra kangkasii niméhé ung katou-touan néra wia ni kai mengiit um paaz ni Opo Empung.