Kisah Rasul-rasul 17:10 - Taaz Weru Witu u Nunuwu'en Tombulu

¹⁰ Im wengikan itii, si Paulus wo si Silas é rengan i méiatuma né katuari esa pa'émanen i mangé witi Berea. I ni séra méikaayomola witu, a séra mangé witi walé peraragésan né tou Yahudi.

Kisah Rasul-rasul 17:10 Iomraidhean Croise

Kisah Rasul-rasul 1:15

I sana endo, sé katuari esa pa'émanen é nimaréwok. Ung kalakez néra ém woo sana atus wo zuana pulu' tou. A si Petrus rumendaila witu un unez néra ang kumua,

Kisah Rasul-rasul 15:22

A sé aatu ni Yesus wo sé penatua wo péléng sé jamaat timotozla i méléng sé woopira tou im wia ni séra. Sé tou pinéléngo itii én iatu mangé witi Antiokhia karia ni Paulus wo ni Barnabas. Sé pinéléng itii é: si Yudas pahkuan Barsabas wo si Silas. Ni séra zua ém pahsigi-sigi'en im wia sé katuari esa pa'émanen.

Kisah Rasul-rasul 17:1

Si Paulus wo si Silas limampang kimiita witi Amfipolis wo Apolonia an ikaayola witi Tesalonika. Witi Tesalonika ém wéwéhan um walé peraragésan né tou Yahudi.

Kisah Rasul-rasul 17:2

Si Paulus nimuntepa witu um walé peraragésan itii tanu ung kinanaram pemamangunenna. Teluna endo Sabat mahtotondongan ni sia mahsirita karia né tou witu tumoro am wéwéténgan witu um Pinantik Lenas.

Kisah Rasul-rasul 17:4

Sé woopira im wia ni séra é nima'éman ang kumariala si Paulus wo si Silas. Téntu kangkasii, lakez sé tou Yunani sé maindé' si Opo Empung é nima'éman, wo im wia ni séra lakez sé wéwéné ipahkua-kua.

Kisah Rasul-rasul 17:6

Taan si Paulus wo si Silas én zéi'kan kinailekan néramé. Niitumo, ni séra éng kiméhongé si Yason wo sé woopira katuari esa pa'émanen, an ipahwalima wia sé mahkawasa witu um wanua tua'na itii karia i mahkérét, “Sé tou sé mahrikoka' wana péléng an tampa, niméyémo wia um wanua tua'nata kenu,

Kisah Rasul-rasul 20:4

Wéwéhan sé woopira tou sé kimiit si Paulus. Ni séra é: si Sopater oki' ni Pirus si witi Berea a méyé, si Aristarkhus wo si Sekundus sé witi Tesalonika a méyé, si Gayus si tou Derbe, si Timotius wo sé tou zua makangaran Tikhikus wo Trofimus sé witi Asia a méyé.

Kisah Rasul-rasul 9:20

In toro niitu kangkasii ni sia mahuntepa wana am walé peraragésan né tou Yahudi wo mahkua wia sé tou i si Yesus én Oki' ni Opo Empung.

Kisah Rasul-rasul 9:25

Niitumo witu u sana wengi, sé mahkii-kiit ni sia é nimahwalima ni sia witi wawo u ri'riz mésel u makaliklik um wanua tua'na a sia itonton nérama karia ung karaya tua'na.

1 Tesalonika 2:2

Kata'uan niouo kasii, puunala kai i niméyé wia an Tesalonika, ni kai é zinézéhamé wo pinahséro'ané im witi Filipi. Taan zozo' lakez sé tou mahsaru ni kai, si Opo Empungta é simawang ni kai akaz ni kai zéi'kan maindé' i mahwoka' u Nuwu' Lé'os-Na im wia ni kamu.