Kisah Rasul-rasul 17:1 - Taaz Weru Witu u Nunuwu'en Tombulu

¹ Si Paulus wo si Silas limampang kimiita witi Amfipolis wo Apolonia an ikaayola witi Tesalonika. Witi Tesalonika ém wéwéhan um walé peraragésan né tou Yahudi.

Kisah Rasul-rasul 17:1 Iomraidhean Croise

Kisah Rasul-rasul 14:1

I si Paulus wo si Barnabas méikaayola witi Ikonium, ni séra kasii nimuntepa witu um walé peraragésan né tou Yahudi. Im witu ni séra én totoz ma'ulit i nimahtuzu'mé makaz lakez sé tou Yahudi karia né tou Yunani nima'éman wia si Yesus.

Kisah Rasul-rasul 15:21

Pahapaan rengané im puuna un ukum ni Musa é mémoikua wana péléng am wanua tua'na. Wo makaz in tarékan un ukum itii ém pahbacan wana am walé peraragésan né tou Yahudi sekez in endo Sabat.”

Kisah Rasul-rasul 16:13

In endo Sabat, ni kai nimondolé limangkoié u loloangan wanua tua'na. Ni kai nimahkiité un tembir u so'so'an an ikailekla un tampa pahpengaléian né tou Yahudi, pahpaan pahgenangen naila im witu ém wéwéhan un tampa itii. Im witu ni kai rimumezla a sumirita karia né wéwéné sé nimaréwok witu.

Kisah Rasul-rasul 17:10

Im wengikan itii, si Paulus wo si Silas é rengan i méiatuma né katuari esa pa'émanen i mangé witi Berea. I ni séra méikaayomola witu, a séra mangé witi walé peraragésan né tou Yahudi.

Kisah Rasul-rasul 17:11

Um pakahgena-genang né tou Yahudi witi Berea é lumé'ospé'mé sé tou Yahudi witi Tesalonika. Ni séra én totoz paaz i mahtalinga u Nuwu' ni Opo Empung itii. Wo sekez in endo ni séra é mahtata'u am pinantik witu um Pinantik Lenas i mahtata'u sa péléng am pahtuzu' ni Paulus én ulit kaapa zéi'kan.

Kisah Rasul-rasul 17:13

Taan ing kata'uala né tou Yahudi witi Tesalonika sa u Nuwu' ni Opo Empung é mémoipahwoka' kasiimé ni Paulus witi Berea, a séra mangé wana i maker sé tou lakez wo séra maupi' wia si Paulus wo kasii mangun ni sera maringka'.

Kisah Rasul-rasul 20:4

Wéwéhan sé woopira tou sé kimiit si Paulus. Ni séra é: si Sopater oki' ni Pirus si witi Berea a méyé, si Aristarkhus wo si Sekundus sé witi Tesalonika a méyé, si Gayus si tou Derbe, si Timotius wo sé tou zua makangaran Tikhikus wo Trofimus sé witi Asia a méyé.

Kisah Rasul-rasul 27:2

Ni kai simakéma londéi tua'na witi Adramitium u mangé wana a susuwaan wana an tembir un tasik witi Asia. A ni kai rengan i suméngkota. Si Aristarkhus si tou Makedonia witi wanua tua'na Tesalonika a méyé éng kimiité ni kai.

Filipi 4:16

Pahpaan i ni aku witi Tesalonika, ni kamu ém woo makapira i nimahwéhémé a sasawang wia ni aku.

1 Tesalonika 1:1

Um pinantik kenu ém wia ni aku Paulus wo wia sé kakariaku si Silas wo si Timotius a mangé. Um pinantik kenu én iwéhé wia ni kamu sé jamaat witi Tesalonika. Ni kamu é ma'éman wia si Opo Empung Ama'ta wo wia si Yesus Kristus Mahpiara. Mengalé-ngaléi uman ung kamang tatambér wo ung kaluasan witu un até, um wia si Opo Empung é menaté-natér ni kamu.

1 Tesalonika 2:2

Kata'uan niouo kasii, puunala kai i niméyé wia an Tesalonika, ni kai é zinézéhamé wo pinahséro'ané im witi Filipi. Taan zozo' lakez sé tou mahsaru ni kai, si Opo Empungta é simawang ni kai akaz ni kai zéi'kan maindé' i mahwoka' u Nuwu' Lé'os-Na im wia ni kamu.

2 Tesalonika 1:1

Um pinantik kenu ém wia ni aku Paulus wo wia sé kakariaku si Silas wo si Timotius a mangé. Um pinantik kenu én iwéhé wia ni kamu sé jamaat witi Tesalonika. Ni kamu é ma'éman wia si Opo Empung Ama'ta wo wia si Yesus Kristus Mahpiara.

2 Timutius 4:10

pahpaan si Demas ém paaz uman am wia ung kaayahan kenu wo timula'umoma ni aku. Ni sia é nimangémo witi Tesalonika. Si Kreskes é nimangémo witi Galatia wo si Titus é nimangémo witi Dalmatia.