Kisah Rasul-rasul 16:9 - Taaz Weru Witu u Nunuwu'en Tombulu

⁹ I nimawengimola, wéwéhan u méipapailek ni Mahpiara wia si Paulus. Ni sia nimilek si tou Makedonia rimendai wo mekitulung wia ni sia, kuana, “Méyépé' wia'i wo tulungené kai.”

Kisah Rasul-rasul 16:9 Iomraidhean Croise

Kisah Rasul-rasul 10:3

I sana endo, woo jam katelu im wengindo, oras i mengaléi, si Kornelius ém wéwéhan um pina'ilek. In toro niitu, totoz niileknama si malaekat ni Opo Empung i nimuntepé witu um waléna ang kumua wia ni sia, “Kornelius!”

Kisah Rasul-rasul 10:30

Si Kornelius mingkotla in téntii, “Epatna endo limangkoila, in jam katelu im wengindo woo tanu in tarékan, ni aku éng karegas i mengaléi witu um waléku. Kumompo'mé wéwéhan si tou rimendaila witu u sinaruku, ung karaina é meto-petot.

Kisah Rasul-rasul 16:10

I si Paulus nimilekola niitu, ni kai rengan i nimimekla i mangé witi Makedonia. Pahpaan mengiité um pina'ilek ni Paulus itii, ni kai én timotozla i si Opo Empung én timawah ni kai i mangé mahwoka' u Nuwu' Lé'os tumoro si Yesus wia sé tou witi Makedonia.

Kisah Rasul-rasul 16:12

Im witi Neapolis a ni kai lumampang mangé witi Filipi. Um wanua tua'na itii én totoz ipahpuu-puuna im witi tana' Makedonia, wo kasii um wanua tua'na itii éng kinawasa né pemerénta Romawi. Im witu ni kai é nimento'mé woopirana endo.

Kisah Rasul-rasul 18:5

I si Silas wo si Timotius niméyé im witi Makedonia, péléng un témpo ni Paulus ém pahpakén uman i mahwoka' u Nuwu' Lé'os wo mahkua am pina'ilek wo an tinalingana wia sé tou Yahudi, i si Yesus é si Mesias.

Kisah Rasul-rasul 19:21

Kumawusa u nimamuali itii, si Roh nimangun si Paulus timotozla i mangé witi Yerusalem kimiita u Makedonia wo u Akhaya. Kuana, “Sa nimangémomé witi Yerusalem, ni aku kangkasii é léwo'zei' i mangé witi Roma.”

Kisah Rasul-rasul 19:22

A sia matuma sé zua menanawangna, si Timotius wo si Erastus mahpuunama i mangé witi Makedonia. Taan si Paulus in esa én urékané oki' i nimahento'mé witi Asia.

Kisah Rasul-rasul 19:29

Péléng am witi wanua tua'na Efesus é nimarikoka'. Sé tou lakez é nimahwalima i matimion si Gayus wo si Aristarkhus an ipahwalima witi tampa peréréwokan né tou lakez. Ni séra zua én tou Makedonia wo kawali ni Paulus.

Kisah Rasul-rasul 20:1

Ing kimana'mola u rikoka' witi Efesus, tawahené ni Paulus sé tou ma'éman witu wo nimenté' un até néra. A sia tumuzu'la a mangé witi Makedonia.

Kisah Rasul-rasul 20:3

In teluna loloho'eno mahento' witu, a sia mahséséngkot mangé witi Siria. Taan in toro niitu sé tou Yahudi nimaesaanola i mahwuwunu' ni sia. Niitumo, ni sia timotozla i mawuri sumaup kimiité witi Makedonia.

Kisah Rasul-rasul 27:2

Ni kai simakéma londéi tua'na witi Adramitium u mangé wana a susuwaan wana an tembir un tasik witi Asia. A ni kai rengan i suméngkota. Si Aristarkhus si tou Makedonia witi wanua tua'na Tesalonika a méyé éng kimiité ni kai.

Kisah Rasul-rasul 9:38

Sé tou ma'éman wia si Yesus witi Yope én timalingala i si Petrus ém witi Lida, um wanua zéi'kan tahlous zou' im witi Yope. Niitumo ni séra nimatuma sé tou zua i matumawah si Petrus karia kumua in téntii, “Pahrewekomé méyé wia ni kai.”

Roma 15:26

Pahpaan sé tou ma'éman sé witi Makedonia wo Akhaya é nimaesaanola im wéwéhan un iwéhé nérama wia sé tou ma'éman zéi'kan siapa apa sé witi Yerusalem.

2 Korintus 11:9

Sa am pemandungengku én zéi'kan wutul i mahwali-wali karia niou, zéi'kan kawisa aku sumusa si esa im wia ni kamu. Pahpaan, péléng am pemandungengku én ipahwéhémé né katuari esa pa'émanen sé witi Makedonia a méyé. Ni aku én totoz tégam im wana am péléng, én taa ni aku maéndo pengalin im wia ni kamu. Téntu u mawangunengku.

2 Korintus 12:7

Taan wo ni aku zéi'kan maloozan pahpaan an zéi'kan kakuaan a méipapata'u ni Opo Empung wia ni aku, ni aku é nimakailek u saki. U saki itii nimangun ni aku in totoz zézéha, niitu én tanu u susulah witu un touku méiwéhémé ni tonaas né sétang wia ni aku wo ni aku zéi'kan maloozan.

2 Korintus 7:5

I méikaayola witi Makedonia, ni kai én zéi'kan siapa oras ing kumana'. Lakez an zézéha pahsarun nai: Sé tou mahsaru ni kai wo un indé' witu un tou nai.

2 Korintus 8:1

Katuari-katuari! Ipahkukua nai wia ni kamu ung kamang méitambér ni Opo Empung wia sé jamaat witi Makedonia.

2 Korintus 9:2

Pahpaan kata'uangkumo i ni kamu én totoz mahpaa-paaz i sumawang. Ni kamu é méipahloo-loozku wia sé tou ma'éman witi Makedonia. Méipahkuakumola wia sé tou ma'éman witi Makedonia sa ni kamu im witi Akhaya i nanta'un é nimimeko i méhé an zoit sasawang. In tarékan, ung kapaaz niou itii é nimangun sé tou ma'éman witi Makedonia in totoz mahpaa-paaz kangkasii mahwéhé an zoit sasawang.

1 Tesalonika 4:10

Wo niitu é méipapailek niouo wia sé katuari esa pa'émanen wia péléng an tana' Makedonia. Taan katuari-katuari, ni kai é sumésama wia ni kamu, wo ni kamu uli-ulit kalousna i mahraa-raatéan.