Kisah Rasul-rasul 16:6 - Taaz Weru Witu u Nunuwu'en Tombulu

⁶ Si Paulus wo sé kakariana é limangkoi umané un tana' Frigia wo tana' Galatia, pahpaan si Roh Lenas siméro'la ni séra i mahwoka' u Nuwu' Lé'os tumoro si Yesus wia sé tou witi Asia.

Kisah Rasul-rasul 16:6 Iomraidhean Croise

Lukas 1:2

Am pinantik néra itii é masuat wo a méisirita wia ni kita, né tou sé rengané ing kataré-taré nimilek karia am weren néra a nimamuali itii wo mahtuzu' u Nuwu' ni Opo Empung.

Kisah Rasul-rasul 10:19

I si Petrus megena-genangpé' tumoro ung kalakoan u niilekna itii, a si Roh Lenas kumuama wia ni sia, “Wéwéhan sé telu tou menéro ni ko.

Kisah Rasul-rasul 11:12

A si Roh Lenas kumuala wia ni aku, ‘Mangémo karia néra. Tia'mo mahzua-zua genang pahpaan ni séra in zéi'kan tou Yahudi.’ Kaitalingamé niitu, ni aku wo sé enem katuari esa pa'émanen kenu kangkasii é nimangé witi Kaisarea. Ikaayola witu, a ni kai muntepa witu um walé ni Kornelius.

Kisah Rasul-rasul 16:7

I ni séra méikaayola witi Misia, ni séra mahuuntep witi tana' Bitinia, taan ni séra én zéi'kan niénéan ni Roh ni Yesus i mangé wana.

Kisah Rasul-rasul 18:23

Ni sia nimento' witu ém woopirana endo. A sia malumiklik am wanua witi tana' Galatia wo Frigia i mamenté' un até né tou ma'éman witu.

Kisah Rasul-rasul 19:10

Zuana ta'un ung kauréna ni sia memamangun un téntu, taka-takazan péléng sé tou mahento' witi Asia én timalinga u Nuwu' ni Mahpiara, ni séra sé tou Yahudi wo sé tou Yunani.

Kisah Rasul-rasul 20:16

Pahpaan si Paulus é merewe-rewek wo sia toro ikaayoma witi Yerusalem in endo wangko' Pentakosta, niitumo ni sia én timotozola in zéi'kan timulima witi Efesus, wo sia zéi'kan tumia' un témpona im witi Asia.

Kisah Rasul-rasul 20:28

Niitumo, mile-ilek wo pahilekela péléng sé jamaat. Pahpaan ni kamumo sé tinotoz ni Roh Lenas in tumatér sé jamaat ni Opo Empung i miara ni séra. Ni séra nimaéndo jamaat-Na pahpaan ni séra ém winaér-Namo karia un zaha' ni Oki'-Na.

Kisah Rasul-rasul 20:4

Wéwéhan sé woopira tou sé kimiit si Paulus. Ni séra é: si Sopater oki' ni Pirus si witi Berea a méyé, si Aristarkhus wo si Sekundus sé witi Tesalonika a méyé, si Gayus si tou Derbe, si Timotius wo sé tou zua makangaran Tikhikus wo Trofimus sé witi Asia a méyé.

Kisah Rasul-rasul 21:27

I simampetoma um pituna endo un oras i mahweresi un tou, sé tou Yahudi witi Asia a méyé é nimileka si Paulus im witu u lésaz um Walé ni Opo Empung. An akeren nérala sé tou witu a sia tionan nérala

Kisah Rasul-rasul 6:9

Taan wéwéhan sé woopira tou sé witi walé peraragésan né tou Yahudi u makangaran ‘Tou Zéi'mo Ata’, ni séra ém witi Kirene wo Aleksandria a méyé. Wo karia néra kasii ém wéwéhan sé woopira tou Yahudi sé witi Kilikia wo Asia a méyé. Ni séra é mahzéi-zéi'an karia ni Stefanus.

Kisah Rasul-rasul 8:29

Ang kuan ni Roh Lenas wia si Filipus, “Mangémo wo marumétéla witu ung keréta itii!”

Roma 16:5

U sigi'ku wia sé jamaat witi walé néra. U sigi'ku wia si Epenetus, si katuari esa pa'émanen ikararaatéku. Ni sia si kataré-taré nima'éman wia si Kristus im witi tana' Asia.

1 Korintus 12:11

Péléng an tatambér itii é méiwéhé ni Roh Lenas. Si Roh Lenas itii én esa uman zéi'kan siapa walina. A méitambér wia si esa wo si esa é nimahwali-walinaan mengiit ung kapaaz ni Roh Lenas.

1 Korintus 16:1

In tarékan én tumoro an zoit pahréwoken niou in isawang sé tou linenas ni Opo Empung sé witi Yerusalem. Totoz pahwangunen nioula niana masuat wo a méipahtuzu'ku wia sé jamaat witi Galatia.

1 Korintus 16:19

Sé jamaat witi Asia é méhéma u sigi' néra wia ni kamu. Si Akwila wo si Priskila wo sé jamaat sé nimaréwok witi walé néra é méhéma u sigi' néra wia ni kamu i ma'éman wia si Mahpiara.

2 Korintus 1:8

Katuari-katuari, kapaaz nai ing kata'uan nioula tumoro an zézéha nai im witi Asia. An zézéha pinendan naimé itii én totoz wutez, makaz ni kai mahgenangla in tawimo maté.

Galatia 1:2

Um pinantik kenu kasii ém wia péléng sé katuari esa pa'émanen sé memali-mali kariaku wia'i a mangé, iwéhé wia sé jamaat witi Galatia.

Galatia 3:1

É kamu tou ma'éman witi Galatia sé lemou! Séi si rimiarala ni kamu taka-takazan ni kamu én timamburimola wia si Yesus Kristus? Zéi'kankuaa méipapata'ukumola lumé'o-lé'os wia ni kamu tumoro si Yesus Kristus si nimaté witu u salip itii?

2 Timutius 1:15

Kata'uannu im péléng sé tou witi Asia Oki' én timula'umo ni aku, karia kangkasii si Figelus wo si Hermogenes.

2 Timutius 4:10

pahpaan si Demas ém paaz uman am wia ung kaayahan kenu wo timula'umoma ni aku. Ni sia é nimangémo witi Tesalonika. Si Kreskes é nimangémo witi Galatia wo si Titus é nimangémo witi Dalmatia.

Ibrani 11:8

Pahpaan i ma'éman, si Abraham é mahtali-talinga un ipahkua ni Opo Empung wia ni sia. I ni sia tinawah i mangé witi tampa u maéndo anuna, ni sia nimangé zozo' in zéi'kampé' kata'uanna wisa un angéanna itii.

1 Petrus 1:1

Um pinantik kenu ém pinantikku, Petrus si aatu ni Yesus Kristus, iwéhé wia sé tou mahlepu-lepu wo méikasera im wia sé tou zéi'kampé' mata'u si Opo Empung sé witi tana': Pontus, Galatia, Kapadokia, Asia oki' wo Bitinia.

Wahyu 1:11

Un zanina én téntii, “Ipakapantikla witu ung kitap péléng an ipapailek-Ku wia ni ko wo iwéhéma wia sé pitu jamaat sé witi: Efesus, Smirna, Pergamus, Tiatira, Sardis, Filadelfia wo sé witi Laodikia.”

Wahyu 1:4

Um pinantik kenu ém wia ni aku Yohanes a mangé, iwéhé wia ni kamu sé pitu jamaat witi Asia. Mengalé-ngaléi uman ung kamang tatambér wo ung kaluasan witu un até é menaté-natér ni kamu. Ung kamang tatambér wo ung kaluasan witu un até ém wia si Opo Empung, si wiamo rengan im puuna, in tarékan wo in tumondong, wo um wia sé pitu roh sé makasaru u rurumezan-Na ing Kolano,