Kisah Rasul-rasul 16:12 - Taaz Weru Witu u Nunuwu'en Tombulu

¹² Im witi Neapolis a ni kai lumampang mangé witi Filipi. Um wanua tua'na itii én totoz ipahpuu-puuna im witi tana' Makedonia, wo kasii um wanua tua'na itii éng kinawasa né pemerénta Romawi. Im witu ni kai é nimento'mé woopirana endo.

Kisah Rasul-rasul 16:12 Iomraidhean Croise

Kisah Rasul-rasul 16:10

I si Paulus nimilekola niitu, ni kai rengan i nimimekla i mangé witi Makedonia. Pahpaan mengiité um pina'ilek ni Paulus itii, ni kai én timotozla i si Opo Empung én timawah ni kai i mangé mahwoka' u Nuwu' Lé'os tumoro si Yesus wia sé tou witi Makedonia.

Kisah Rasul-rasul 16:21

Ni séra kangkasii é mahtuzu' ang kinanaram néra an zéi'kan toro énéanta kaapa kiitenta in tou Roma.”

Kisah Rasul-rasul 16:9

I nimawengimola, wéwéhan u méipapailek ni Mahpiara wia si Paulus. Ni sia nimilek si tou Makedonia rimendai wo mekitulung wia ni sia, kuana, “Méyépé' wia'i wo tulungené kai.”

Kisah Rasul-rasul 18:5

I si Silas wo si Timotius niméyé im witi Makedonia, péléng un témpo ni Paulus ém pahpakén uman i mahwoka' u Nuwu' Lé'os wo mahkua am pina'ilek wo an tinalingana wia sé tou Yahudi, i si Yesus é si Mesias.

Kisah Rasul-rasul 19:21

Kumawusa u nimamuali itii, si Roh nimangun si Paulus timotozla i mangé witi Yerusalem kimiita u Makedonia wo u Akhaya. Kuana, “Sa nimangémomé witi Yerusalem, ni aku kangkasii é léwo'zei' i mangé witi Roma.”

Kisah Rasul-rasul 19:29

Péléng am witi wanua tua'na Efesus é nimarikoka'. Sé tou lakez é nimahwalima i matimion si Gayus wo si Aristarkhus an ipahwalima witi tampa peréréwokan né tou lakez. Ni séra zua én tou Makedonia wo kawali ni Paulus.

Kisah Rasul-rasul 20:1

Ing kimana'mola u rikoka' witi Efesus, tawahené ni Paulus sé tou ma'éman witu wo nimenté' un até néra. A sia tumuzu'la a mangé witi Makedonia.

Kisah Rasul-rasul 20:3

In teluna loloho'eno mahento' witu, a sia mahséséngkot mangé witi Siria. Taan in toro niitu sé tou Yahudi nimaesaanola i mahwuwunu' ni sia. Niitumo, ni sia timotozla i mawuri sumaup kimiité witi Makedonia.

Kisah Rasul-rasul 20:6

Ing kimawusoma un endo mahpésta Roti Zéi'kan Rinagian, a ni kai suméngkota timula'uma u Filipi a mangé witi Troas. Limana endo ung kauréna ni kai i siméngkot an ikaayola witi Troas a mahilekala karia néra. Pituna endo ung kauréna ni kai i nimento' witu.

Kisah Rasul-rasul 27:2

Ni kai simakéma londéi tua'na witi Adramitium u mangé wana a susuwaan wana an tembir un tasik witi Asia. A ni kai rengan i suméngkota. Si Aristarkhus si tou Makedonia witi wanua tua'na Tesalonika a méyé éng kimiité ni kai.

Roma 15:26

Pahpaan sé tou ma'éman sé witi Makedonia wo Akhaya é nimaesaanola im wéwéhan un iwéhé nérama wia sé tou ma'éman zéi'kan siapa apa sé witi Yerusalem.

Filipi 1:1

Um pinantik kenu ém wia ni aku Paulus wo si Timotius a mangé. Ni kai én ata ni Kristus Yesus. Um pinantik kenu én iwéhé wia sé tou linenas ni Opo Empung pahpaan nimaesa karia ni Kristus Yesus sé witi Filipi wo wia sé tonaas né jamaat wo wia sé diaken.

Filipi 1:5

Ni aku éng kumua u makasé wia si Opo Empung pahpaan ni kamu simawango ni aku i mahwoka' u Nuwu' Lé'os tumoro si Yesus, rengané in endo ni kamu in taré ma'émanla si Mahpiara makaz in tarékan.

1 Tesalonika 2:2

Kata'uan niouo kasii, puunala kai i niméyé wia an Tesalonika, ni kai é zinézéhamé wo pinahséro'ané im witi Filipi. Taan zozo' lakez sé tou mahsaru ni kai, si Opo Empungta é simawang ni kai akaz ni kai zéi'kan maindé' i mahwoka' u Nuwu' Lé'os-Na im wia ni kamu.