Kisah Rasul-rasul 15:2 - Taaz Weru Witu u Nunuwu'en Tombulu

² Taan si Paulus wo si Barnabas én totoz mahsaru wo mahzéi' an ipahtuzu' néra itii. Ing kamurian an totozela né tou ma'éman si Paulus wo si Barnabas wo sé woopira tou im wia sé jamaat, in iatu mangé wia sé aatu ni Yesus wo wia sé penatua witi Yerusalem. Im wana ni séra é sumirita tumoro um pahzéi-zéi'an néra itii.

Kisah Rasul-rasul 15:2 Iomraidhean Croise

Kisah Rasul-rasul 10:23

A si Petrus mahaléila ni séra i mento'pé'ma witu. Masandomé, si Petrus mimekla a mangé karia né tou telu itii. Wéwéhan kasii sé woopira tou ma'éman witi Yope kimiita ni sia.

Kisah Rasul-rasul 11:12

A si Roh Lenas kumuala wia ni aku, ‘Mangémo karia néra. Tia'mo mahzua-zua genang pahpaan ni séra in zéi'kan tou Yahudi.’ Kaitalingamé niitu, ni aku wo sé enem katuari esa pa'émanen kenu kangkasii é nimangé witi Kaisarea. Ikaayola witu, a ni kai muntepa witu um walé ni Kornelius.

Kisah Rasul-rasul 11:30

Am pakaréwoken nérala a sasawang, an totozen nérala si Barnabas wo si Saulus i mahali niana wia sé penatua witi tana' Yudea.

Kisah Rasul-rasul 15:25

Niitumo, ni kai péléng é nimaesaanola an tumotozla i méléng wo matu sé woopira tou i mangé wia ni kamu, karia ni Barnabas wo ni Paulus sé ikararaaté nai.

Kisah Rasul-rasul 15:27

Niitumo ni kai é nimatuma si Yudas wo si Silas. Ni séra é masumirita wia ni kamu tumoro u méipantik witu um pinantik kenu.

Kisah Rasul-rasul 15:4

I méikaayomola witi Yerusalem, ni séra é sinungkulé né jamaat wo né aatu ni Yesus wo né penatua. An isirita nérala zua péléng am pinaayang ni Opo Empung mengiité ni séra.

Kisah Rasul-rasul 16:4

Im wana am pahlampangan néra i mahliklik am wanua tua'na, si Paulus wo si Silas é mahkua an tinotozla né aatu ni Yesus wo né penatua witi Yerusalem. Ni séra mahkua niitu wo sé jamaat toro mahkiit an tinotoz itii.

Kisah Rasul-rasul 21:18

Masandomé, si Paulus wo ni kai é nimangé mahilekan karia ni Yakobus, im witu kangkasii péléng sé penatua é nimaréwoko.

1 Korintus 1:1

Um pinantik kenu ém wia ni aku Paulus wo si Sostenes si katuarita esa pa'émanen a mangé. Witu um paaz ni Opo Empung ni aku én tinawah nimaéndo aatu ni Kristus Yesus.

2 Korintus 11:5

Taan sa pakagena-genangengkula, sé pahkuan niou aatu totoz wangko' taan ndéén towo itii, ni séra én zéi'kan lumousé ni aku.

Galatia 2:5

Taan ni kai én totoz soo ing kumiit ni séra zozo' in tanu uman kauré i mitpita, pahpaan ni kai é soo sa u Nuwu' Lé'os tumoro si Yesus u méituzu' naimo wia ni kamu éng kasemboran karia an tutuzu' zéi'kan ulit pahtuzu' néra.

Yudas 1:3

Katuari-katuari ikararaatéku, ni aku én totoz mahtututu' i nimantik tumoro ni kita péléng i mémoipiloté im witu un ukuman wana a singkéla'. Ni aku én totoz paaz i mantik um pinantik kenu wo sumésama wia ni kamu, wo kamu uli-ulit mahtututu' i rumembe-rembet witu um pa'émanen u mémoiwéhé wia sé tou linenas ni Opo Empung.