Kisah Rasul-rasul 15:11 - Taaz Weru Witu u Nunuwu'en Tombulu

¹¹ Taan pa'émanenta i ni kita én ipilot im witu un ukuman wana a singkéla' tanu ni séra, mengiité ung kamang tatambér ni Yesus Kristus Mahpiarata.”

Kisah Rasul-rasul 15:11 Iomraidhean Croise

Roma 3:24

Sé tou é niéndo ulit witu u sinaru ni Opo Empung pahpaan ung kamang tatambér-Na. Wo niitu é méitambér umané pahpaan si Kristus Yesus, si timubus ni kita im witu un ukuman wana a singkéla'.

Roma 5:15

Taan un tatambér ni Opo Empung én zéi'kan masuat karia a singkéla' ni Adam. Pahpaan u singkéla' ni Adam é nimangun sé tou lakez nimaté, taan u lumouspé'mé ung kawangko'na é raraatéan ni Opo Empung wo un tatambér méiwéhé-Na wia sé tou lakez pahpaan si tou esa, ni Siamo si Yesus Kristus.

Roma 6:23

Pahpaan um wawaér i mahsingkéla' ém patéan, taan un tatambér ni Opo Empung éng katou-touan makaz ing kauré-uré pahpaan nimaesa karia ni Kristus Yesus, si Mahpiarata.

1 Korintus 16:23

Mengalé-ngaléi uman, ung kamang tatambér ni Yesus Mahpiara é menaté-natér ni kamu.

2 Korintus 8:9

Ni kamu é mata'umo ung kamang méitambér ni Yesus Kristus si Mahpiarata wia ni kamu. Ni Sia im wa'ilan, winangun-Na un tou-Na zéi'kan siapa apa pahpaan ni kamu, wo kamu toro mawa'ilan pahpaan winangun-Na un tou-Na in zéi'kan siapa apa.

Galatia 1:6

Ni aku én totoz mengompo' pahpaan ni kamu sé tinawah ni Opo Empung karia ung kamang méitambér ni Kristus én tahlous rewek timamburimé wia si Opo Empung, ang kumiit u nuwu' lé'os tumoro si Yesus un zéi'kan masuat karia un ipahwoka'ku.

Galatia 2:16

Kata'uan naimo in zéi'kan siapa tou zozo' in esa si niéndo ulit ni Opo Empung pahpaan mahkiit un ukum Torat. Taan sé niéndo ulit ni Opo Empung é sé ma'éman si Kristus Yesus. Pahpaano niitu, ni kai kangkasii é ma'émano wia si Kristus Yesus, wo ni kai én éndon ulit ni Opo Empung mengiité um pa'émanen nai wia si Kristus Yesus, zéi'kan mengiit un ukum Torat. Pahpaan: “Zéi'kan siapa tou sé niéndo ulit ni Opo Empung pahpaan mahkiit un ukum Torat.”

Titus 2:11

Pahpaan si Opo Empung é nimapailekoma ung kamang méitambér-Na i nimilot péléng sé tou im witu un ukuman wana a singkéla'.

Wahyu 5:9

A sé epat tumou-tou wo sé zuana pulu' wo epat pahtutu'an kumantaré ung kakantaren weru. Kuan néra, “Ni Ko si wangun i makailek ung kitap ginulung itii, wo muka a segelna; pahpaan ni Ko si Anak ni Domba éng kinerizo, wo karia un zaha'-Mu sé tou wia ung kaayahan ém winaér-Mumo im wia sé tahsasana suzu, sé tahsasana nunuwu'en, sé tahsasana réwok mahtuari wo wia sé tahsasana wanua i maéndo anu ni Opo Empung.