Kisah Rasul-rasul 15:10 - Taaz Weru Witu u Nunuwu'en Tombulu

¹⁰ Sa téntu, kaa ni kamu mema'wa' si Opo Empung karia i niméhéla um pengalin wia sé tou ma'éman itii, un zéi'kan kawawaanta wo né nimaopota?

Kisah Rasul-rasul 15:10 Iomraidhean Croise

Matius 23:4

Ni séra nimangunla an tinotoz an totoz lakez an zéi'kan makawawa im wangunen. Tanumokan i niméhéla am pengalin totoz wutez wia sé tou, taan ni séra in esa é soo sumawang sé tou i mangun an tinotoz néra itii.

Matius 4:7

A sia wingkotela ni Yesus, “Wéwéhan kasii u méipantik in téntii, ‘Tia' ko mema'wa' si Mahpiara, si Opo Empungmu!’ ”

Kisah Rasul-rasul 5:9

Ang kuan ni Petrus wia ni sia, “Kaa ko wo si mahayomu é nimaesaanola i mema'wa' si Roh ni Opo Empung? Amoké ilekenuma, sé tou sé malimewengé si mahayomu é rimendai witi loloangan wo ni séra kangkasii é masaan ni ko i mondol.”

Galatia 4:9

In tarékan ni kamu é mata'umo si Opo Empung, lumouspé'mé niitu si Opo Empung é mata'umo ni kamu. Kaa kamu mawuri uman taré wana an tinotoz an zéi'kan enté' wo zéi'kan siapa apa in iwéhé wo nimayo kasii un tou niou im pahata-atan an tinotoz itii?

Galatia 5:1

Pahpaan si Kristus si nimanguno ni kita in zéi'mo ata, ni kita én uli-ulit zéi'mo ata. Niitumo, enté-enté'en um pa'émanenta wia ni Sia, wo tia' iwaya niou un tou niou im pahata-atan sumaup un ukum Torat.

Ibrani 3:9

Im witu sé nimaopo niou mema'wa' ni Aku karia am pema'wa'en, zozo' in epatna pulu' ta'uno, ni séra i mengile-ngilek a makakompo'en am pahwanguneng-Ku.

Ibrani 9:9

Péléng niitu un tumuzu'mé kura sé tou in tarékan i menou-nou. Karia in téntu, sé walian én ulit i nimahalimoma a raragés wo mengangali sé tatamun kinerizo wia si Opo Empung. Taan péléng niitu én zéi'kan uli-ulit nimeresima un até péléng né tou sé mahragés wia si Opo Empung.