Kisah Rasul-rasul 15:1 - Taaz Weru Witu u Nunuwu'en Tombulu

¹ Wéwéhan sé woopira tou sé witi Yudea niméyé witi Antiokhia a mahtuzu' wia sé katuari esa pa'émanen witu, in téntii, “Sa kamu zéi'kan sinunat mengiit ung kinanaram méituzu'ma ni Musa, ni kamu én zéi'kan ipilot im witu un ukuman wana a singkéla' niou.”

Kisah Rasul-rasul 15:1 Iomraidhean Croise

Yohanes 7:22

Si Musa niméhé wia ni kamu an tinotoz tumoro um pahsunaten (Zozo' u sunat itii un ulitna én zéi'kan wia si Musa a méyé, taan wia sé nimaopota a méyé). Pahpaano niitu, zozo' in endo Sabat ni kamu é mahsunat sé tou.

Kisah Rasul-rasul 1:15

I sana endo, sé katuari esa pa'émanen é nimaréwok. Ung kalakez néra ém woo sana atus wo zuana pulu' tou. A si Petrus rumendaila witu un unez néra ang kumua,

Kisah Rasul-rasul 15:22

A sé aatu ni Yesus wo sé penatua wo péléng sé jamaat timotozla i méléng sé woopira tou im wia ni séra. Sé tou pinéléngo itii én iatu mangé witi Antiokhia karia ni Paulus wo ni Barnabas. Sé pinéléng itii é: si Yudas pahkuan Barsabas wo si Silas. Ni séra zua ém pahsigi-sigi'en im wia sé katuari esa pa'émanen.

Kisah Rasul-rasul 15:23

Ni séra ém winéhanna um pinantik in téntii, “Sigi' wangko' nai in aatu ni Yesus wo né penatua wo né katuari niou, ipapaayo wia ni kamu katuari-katuari esa pa'émanen sé tou zéi'kan Yahudi sé witi Antiokhia, Siria wo Kilikia.

Kisah Rasul-rasul 15:24

Ni kai én timalingamola im wéwéhan sé woopira tou im wia ni kai, sé zéi'kan méiatu naima é nimangémo wia ni kamu. Ni séra é nimangunola ni kamu mahzua-zua genang wo nimalinganga karia an tutuzu' néra.

Kisah Rasul-rasul 15:3

Ni séra ipahwalima né jamaat makaz witi kaondolana um wanua tua'na. A séra lumampang kimiita witi Fenisia wo Samaria. Im witu ni séra nimahsiritama tumoro sé tou zéi'kan Yahudi sé timula'umola a singkéla' néra. U sirita itii é nimanguna un até né katuari esa pa'émanen witu totoz mahpaa-paaz.

Kisah Rasul-rasul 15:32

Lakez a méikua ni Yudas wo ni Silas u nimangun sé katuari esa pa'émanen mahpaa-paaz wo nimenté' un até néra. Ni séra zua kangkasii é nabi.

Kisah Rasul-rasul 15:5

Taan wéwéhan sé woopira im wia sé sana réwok tou Farisi sé ma'émano wia si Yesus, rimendaié ang kumua, “Sé tou zéi'kan Yahudi é léwo'zéi' i sunaten wo léwo'zéi' i mahkiit un ukum ni Musa.”

Kisah Rasul-rasul 21:20

Kaitalingamé niitu, a séra mahlooz si Opo Empung. Ang kuan néra wia si Paulus, “Paulus! Kata'uannula i mariwu-riwumo sé tou Yahudi sé ma'émano wia si Yesus, wo ni séra péléng kangkasii én totoz mahkii-kiit un ukum Torat.

Kisah Rasul-rasul 6:14

Ni kai kasii én timalingamola ni sia i mahkua i si Yesus si tou Nazaret itii éng kumayas um Walé ni Opo Empung kenu, wo ang kinanaram a méipahtuzu'ma ni Musa wia ni kita ém pahwalina-Na.”

Galatia 2:1

I mapulu' wo epatna ta'un tumondongé, a ni aku, Paulus, mangé kasiimé witi Yerusalem karia ni Barnabas wo ni Titus.

Galatia 5:6

Pahpaan sinunat kaapa zéi'kan sinunat é masuat uman im wia sé tou sé nimaesamo karia ni Kristus Yesus. Un totoz ipahpuu-puuna é ma'éman si Kristus Yesus un toro pa'ileken karia i rumaraaté sé tou walina.

Galatia 6:12

Sé tou Yahudi sé paaz mapahlolooz un tou néra wana an toro pahileken né tou, ni séramo sé mahtututu' mahlusu ni kamu i sunaten. Ung kalakoan néra i nimangun niitu, wo séra zéi'kan makailek an zézéha i ma'éman si Kristus nimaté sinalip.

Kolose 2:16

Niitumo, tia' ipahwaya niou sé tou walina i mapahsasala' ni kamu tumoro um pahkanen wo um pahelepen niou, kaapa tumoro an endo wangko' pahlé'osen né tou Yahudi sekez in ta'un, kaapa am pahlé'osen sekez i loloho'en weru, kaapa kangkasii tumoro un endo Sabat né tou Yahudi,

Kolose 2:8

Mile-ilek, én taa wéwéhan sé maheenou ni kamu karia an tutuzu' néra an zéi'kan siapa torona wo mahlululu uman um pa'émanen niou um wia si Kristus. An tutuzu' néra én zéi'kan mahkiit an tutuzu' ni Kristus, taan mahkiit uman ang kinanaram né nimaopo néra im puuna wo ung kapaaz né roh wia ung kaayahan.