Kisah Rasul-rasul 14:5 - Taaz Weru Witu u Nunuwu'en Tombulu

⁵ A méhé sé tou Yahudi wo sé tou zéi'kan Yahudi karia né tonaas néra, maesaala in zumézéha wo merit sé aatu itii karia am watu.

Kisah Rasul-rasul 14:5 Iomraidhean Croise

Kisah Rasul-rasul 14:19

Méyé sé tou Yahudi sé witi Antiokhia wo Ikonium, mahaker sé tou lakez ing kumiit ni séra. A si Paulus pahweriten néra karia am watu. Pahpaan pahgenangen nérala ni sia é nimatémo, a sia kéhongen néramé méiondolé im witi wanua tua'na.

2 Timutius 3:11

Kata'uannumo an zézéha wo ang kapendisan am pinendankumé i ni aku witi Antiokhia, witi Ikonium wo witi Listra. Péléng an zézéha itii ém pinendankumomé, taan ni aku é méipilotomé ni Mahpiara im wana péléng an zézéha itii.

Kisah Rasul-rasul 17:5

Taan sé tou Yahudi walina é mahtéutéu si Paulus wo si Silas. Ni séra riméwoké sé tou sangaya sé melaé-laés witi pemamangkéran, ang kumayo' wo mahrikoka' witu um wanua tua'na itii. Ni séra nimuntepa witu um walé ni Yason i menéro si Paulus wo si Silas wo séra zua toro iayo néra in totozen né tou lakez.

Lukas 6:28

Ipengaléila wia si Opo Empung ing kamangené sé tou mahtiwa' ni kamu wo ipengaléila sé tou mahmuali a léwo' wia ni kamu.

Matius 5:44

Taan in tarékan ikua-Kuma wia ni kamu: Irara- atéla sé kakoro' niou wo ipengaléila sé tou mahzézéha ni kamu.

Kisah Rasul-rasul 13:45

Taan sé tou Yahudi é mahtéutéu pahpaan nimilekla sé tou lakez itii. Wo péléng an ipahkua ni Paulus ém pahséro'an wo ipahzéi' néra.

Kisah Rasul-rasul 13:50

Taan sé tou Yahudi é mahaker sé wéwéné pahsigi-sigi'en sé maindé' si Opo Empung wo sé tonaas witu um wanua tua'na itii. Ni séra zimézéha si Paulus wo si Barnabas wo nimohomé ni séra zua im witi tana' itii.

Kisah Rasul-rasul 14:2

Taan sé tou Yahudi sé soo an ipahwoka' néra zua é mahaker sé tou zéi'kan Yahudi, wo nimangun ni séra maupi' wia sé tou ma'éman.

Kisah Rasul-rasul 14:4

Taan sé tou lakez witu um wanua tua'na itii é nimawéténg. Wéwéhan sé mahkiit sé tou Yahudi sé zéi'kan ma'éman, wo wéwéhan kasii sé mahkiit sé aatu ni Yesus.

2 Korintus 11:26

Im wana am pahlampangangku ni aku é makalakez masungkul un toro mangun ni aku ikaléwo' wana a lewuh, ikaléwo' pahpaan sé mahkahat an anu né tou, ikaléwo' pahpaan sé tou Yahudi wo sé tou zéi'kan Yahudi, ikaléwo' wana am wanua tua'na, ikaléwo' wana ang kapelasan, ikaléwo' witi unez un tasik, wo kasii ikaléwo' pahpaan sé tou sé mahkua ing katuari esa pa'émanen wia si Opo Empung taan ndéén zéi'kan.

1 Tesalonika 2:2

Kata'uan niouo kasii, puunala kai i niméyé wia an Tesalonika, ni kai é zinézéhamé wo pinahséro'ané im witi Filipi. Taan zozo' lakez sé tou mahsaru ni kai, si Opo Empungta é simawang ni kai akaz ni kai zéi'kan maindé' i mahwoka' u Nuwu' Lé'os-Na im wia ni kamu.

1 Tesalonika 2:14

Katuari-katuari! Am pinendan nioué ém pinendano kangkasiimé né jamaat ni Opo Empung witi Yudea sé nimaéndo anu ni Kristus Yesus. Ni kamu pinahzézéhamé né kawanua nioukan tanu am pinendané né jamaat ni Opo Empung witi Yudea im pinahzézéhamé né tou Yahudi.

1 Tesalonika 2:16

Ni kai ém pahapé-apé'an néra i mahwoka' u Nuwu' ni Opo Empung u milot sé tou zéi'kan Yahudi im witu un ukuman wana a singkéla'. Karia in téntu sé tou Yahudi é mengawe-ngawes a singkéla' néra makaz i malekep wo in tarékan un upi' ni Opo Empung én timoromo ni séra.